(轉貼新聞) 岩岩聽到九巴申請加價8.5% !!

原帖由 PS8851@182 於 2012-11-29 19:26 發表
重點
班DC 一日到黑年復年月復月阻頭阻勢既惡果係要由選佢地出黎既選民承擔

佢講就係姐
無多D數據攤出黎比大家睇，人地都唔會理你

印象中只係有幾條線佢講過實數蝕幾多

記住，只係幾條，而唔係佢所講既7成路線

蝕1蚊同蝕1千萬都叫做蝕

再者路線過唔過時呢個其實都好主觀

議員唔阻頭阻勢
反而只會令更加多人放棄搭交通工具轉投渣車

一係咁囉，叫九巴列晒旗下所有路線既收支出黎，
蝕本既可以按幅度加價，蝕得越多比佢加越多，
同時，賺得多既線要減價，
佢夠唔夠膽玩?

原帖由 PS8851@182 於 2012-11-29 20:32 發表
商業機密, 洗乜話你知

呢D都叫商業機密?

上個月先講左某幾條眼中釘一個月蝕幾多..
只係佢攤牌攤得唔清唔楚姐

就算當年70好唔想做，都有公開講呢條線一年蝕幾多

原帖由 Oliver_ME16 於 2012-11-29 19:13 發表

事實上係,
開條281B/281X出黎替81C做特快,都比人嘰嘰趷趷,算把喇

班人係嘈三線縮總站去麼地道
而唔係嘈改特快...

原帖由 PS8851@182 於 2012-11-29 20:32 發表
商業機密, 洗乜話你知

問題在於而家叫巴士公司公佈蝕得最入肉嗰幾條
又唔係叫你全部公佈晒
況且講咗出嚟，改線/殺線(我唔建議)都有充份理由

[ 本帖最後由 HF3204@243M 於 2012-11-29 20:57 編輯 ]

都話政府應該將九巴所有聲稱蝕本嗰七成路線拎出嚟公開競投，即使當中只有二三十條線有其他公司肯接手，九巴已經蝕少咗，自然減低加價壓力。

如果一方面出口術話七成路線蝕本，但另一方面又要話商業機密唔肯講咩線蝕本同蝕幾多，咁基本上呢個加價理由可以無視。

原帖由 PS8851@182 於 2012-11-29 19:38 發表

反應唔好咩?
個人覺得絕對係德政喎
當然最理想做法就係 373 系回復只於繁時服務啦~

到時你地就會話點解北區冇過海線
呢個話題響呢個討論區都講左好多好多次

九巴寧蝕住塞住你地把口...
費時北區人又發緊夢諗多左...

水呢...係用黎抽既

原帖由 JU2541 於 2012-11-29 21:01 發表


到時你地就會話點解北區冇過海線
呢個話題響呢個討論區都講左好多好多次

九巴寧蝕住塞住你地把口...
費時北區人又發緊夢諗多左...

水呢...係用黎抽既 ...

成日嘈 373A 冇客既人, 不如諗下仲有幾多條線比 373A 客量更低先啦。
至少北區有 70K, 73A, 76K 比佢更差
同埋 373A 九巴根本想將佢打做 "蝗牌路線" 多過俾北區居民搭囉, 上水粉嶺
咁多新移民同學生哥, 邊會有錢搭 373A 丫... 返工班客又只會搭朝早出去同
夜晚回程...  

過海線除左 690, 692 年年都想取消 / 減班轉兩味之外, 仲有大把線效率
比佢更低...

入正題, 根本九巴有好多線都係重疊, 甚至鬼打鬼咁但又唔夠人打, 典型
例子有 6C / 6F, 5C / 11K / 21 (21 去到新蒲崗根本就同 5C 完全重疊, 彩雲 /
坪石需求唔大仲叫做有 3B / 26 幫拖), 3C / 7, 42A / 43C... 仲有堆鐵路接駁線,
新 / 城巴既 2M, 84M 唔夠小巴打最後都係取消左, 但九巴仲養住堆 3M, 16M,
23M... 等等仲要半買半送, 但班次疏到就算有轉乘班客都唔會咁神心等佢...
我唔係話直接要堆蝕錢線取消, 但點都有部份路線可以整頓下 / 用兩條密車線
轉乘黎 "解決" 佢吧?

[ 本帖最後由 chan6723 於 2012-11-29 21:27 編輯 ]

根本而家呢個狀況九巴高層就最開心，有得賴區議員唔俾CUT線重組，
次次加價都有天大理由，又唔會比人鬧，蝕黎做? 生意佬有咁好死，我唔多相信，
真係咁惡做仲唔一早賣盤? 如果咁有社會責任就唔會有收車好過出車呢回事

原帖由 dongfeng 於 2012-11-29 18:49 發表
應該叫區議員，要求政府增加巴士車隊quota。這樣既可開新線，舊線也可保留，方便乘客。

假如新線唔夠養新加既車, 做多啲反而蝕多啲的話, 加配額都係晒氣