12月2日是兩鐵合併5週年

查過一下，發現今天是兩鐵合併5週年。

其實對當天我有許多的回憶！
由早至晚：
詹伯樂搭千九到尖東進行交接儀式。千九停車時對不準幕門，要在員工和電視機觀眾前展示列車停了又要再向前蠕動約1米。很有可能該班車改用了人手操作，故意減低進站時的速度。
詹伯樂在儀式中送周松崗一封利是。
首班港鐵列車開出儀式，周松崗在該千九的車門已關閉後才吹起他的哨子，好像是為了仿古卻又模仿錯了！
合併典禮在南昌站進行，唐英年致詞時在結尾補充："今天是立法會補選投票日，港島區選民記緊投票"。補選由陳方安生勝出。

當年夏季落馬洲支綫通車，通車儀式和首班載客車均用上千九。同年的合併日，載詹伯樂的和首班港鐵列車又是千九，可能反映了MLR在港鐵眼中看為次等！

合併之前，我一直以為：一到合併日，多數市民都不會再稱東鐵綫為火車，其他地鐵、馬鐵、西鐵等稱號都將成為歷史。還有，我還以為前九鐵的廣播聲音都會立即改用前地鐵的發音，可是沒有改到，除了輕鐵加插了那小姐的聲音報出"乘客可以轉乘西鐵綫"。

合併之前,小市民以為票價真係會平,點知而家開始要輸突比佢, 比人撳住搶都無得反抗

原帖由 hr1918 於 2012-12-2 18:26 發表
合併之前,小市民以為票價真係會平,點知而家開始要輸突比佢, 比人撳住搶都無得反抗

5年之後既今日先"輸突比佢"你覺得有問題?
你敢講唔合併, 兩間鐵路公司各自各加價, 收費會平過今時今日?

合併後

服務質素已經差過合併前好多
1)輕鐵翻新使特色列車消失
2)年年加價
3)起商場賺錢
4)買國產列車
5)無開線儀式

還有一堆未解問題（可能敏感）：
6) 鐵路愛好組織低調解散
7) 模擬鐵路、港鐵車務運作等話題突然「河蟹」
8) 港鐵相關知識書籍變成「獨家」

原帖由 kc_loo 於 2012-12-2 21:04 發表


5年之後既今日先"輸突比佢"你覺得有問題?
你敢講唔合併, 兩間鐵路公司各自各加價, 收費會平過今時今日?

冇人會傻到以為今日先開始"輸突比佢"呀?
我敢講唔合併, 兩間鐵路公司都要各自向政府同乘客申明加價理由, 斷唔會發生佢加幾多人工, 有比例自動地加落去加價幅度入面 (運輸業名義工資指數)

原帖由 KG1428 於 2012-12-2 22:06 發表
合併後

服務質素已經差過合併前好多
1)輕鐵翻新使特色列車消失
2)年年加價
3)起商場賺錢
4)買國產列車
5)無開線儀式

今日同朋友講起, 兩鐵未合併之前, 打風唔會攪到好似今個夏季咁死頂既局面~
當年地鐵除架空路段外, 大部份地方佢地都真係做到正常服務/有一定服務~
而東鐵呢, 好多時都會落有限度服務, 甚至停駛, 絕對唔會好似呢幾年咁死頂頂到有樹塌下來先叫停~結果今年十號風球時就...

普遍市民都認為係地鐵收購九鐵, 多過合併

合拼前打過幾多次十號風球令你朋友咁有印象？不如查下上兩次打十號風球時九鐵仲有無出車先。

唔係MLR次唔次等，而係千九可以話係九鐵掌上明珠，東西馬鐵都有，
窗明几淨，行駛寧靜流暢，用來做公關車最好不過，
現在港鐵有關九鐵的圖示（如月台指示圖或沙中線網頁）都是以千九代表九鐵列車。

對我此等要地鐵轉九鐵的乘客而言，到今日都未「輸突」喎，
我諗到合併十周年都未「輸突」，計埋通漲更有排先「輸突」。

唯一「輸」的係地上地下都多了好多人搭車......