港鐵大除夕即日第二程九折優惠

原帖由 syp 於 2012-12-6 17:13 發表
其實十送一行先, 即日九折行後, 會唔會因為前者票務系統技術改動容易, 後者較難, 所以為了盡快推行 (為平息加價反對聲?), 所以先推行前者, 後推行後者呢? 我一向不同意「優惠縮水說」(雖然的確有此觀感), 因為港鐵 ...

唔知

若果加少少陰謀論, 加上多數人認為即日第二程九折優惠係縮左水,
再將之解讀為港鐵公司推出縮水優惠, 令較後期公佈的業績車費收入一項有增長, 可能會講得通.

不過, 受惠客群有所上升, 縱使優惠額縮水, 對車費收入未必有咁大影響,
始終需要了解受惠人數有冇因新優惠推出而大幅增加.

原帖由 053h4 於 2012-12-6 17:23 發表

詳情未公佈, 如果特惠站都唔包就真係搞笑 ...

上面有板友講左, 如同時推出不同優惠, 會提供較高金額的優惠.

原帖由 053h4 於 2012/12/6 17:21 發表

縮水係事實, "講好左", 係因為所有人都無機會表達意見....

咁假如佢係先實行即日九折, 然後實行十送一, 你又叫佢做乜? 脹水? 你會唔會褒獎佢?

係咪縮水, 係咪應該睇佢兩個「子計劃」中, 邊一個整體令佢收入減少多啲而定呢?

同埋佢俾優惠係緣於要抵銷加價, 加價都係大約 5 %, 俾返個 95 折咪啱晒數? 俾個 9 折係咪又應該褒獎佢?

叫得「優惠」, 好自然係要同直接減價或俾折扣有所分別, 要求佢每一程俾折扣, 不如要求佢唔好加價好過。

要求商業機構俾「誠意」? 究竟然要求嗰個有問題定係被要求的有問題?

[ 本帖最後由 syp 於 2012-12-6 18:58 編輯 ]

大西北區內通勤通學人士似乎要再次望優惠輕嘆...

原帖由 053h4 於 2012/12/6 20:49 發表

我諗正常人都知，所謂優惠只係把加幅推遲一年執行
一早都要求佢唔加價啦，只係今時今日咩

佢個子計劃硬食就唔可以批評？

而家有邊個唔俾你批評？如果冇，你問乜嘢「唔可以批評」？你在這裡批評他人的文章都唔少吖，在你批評其他人時，有冇人問過你呢個問題？

但係批評，都有分合理同唔合理嘅批評，係咪？

加幅推遲就係加幅推遲, 佢係實實在在一年內少收了收入, 咁又係唔算數嗎? 咁如果本來你僱主加你人工, 後來話要推遲一年加你人工, 你認為情況是一樣的嗎? 你認為可唔可接受?

到明年個優惠終止, 甚至加價加凸嘅，例如 10% 嘅，你至「批評」都唔遲噃, 否則如果喺明年係點大家都唔知的情況下要預先批評定下年點樣點樣的話, 以正常人的角度, 呢個應唔應該算係合理批評呢。

[ 本帖最後由 syp 於 2012-12-6 22:39 編輯 ]

西鐵線過海o係南昌出閘會平左(單程計)

原帖由 053h4 於 2012/12/7 10:28 發表
第一點, 係就閣下早前"子計劃", "不如唔好加"的回應
而本人指出問題所在, 你上述論點導指本人的回應
如果連指出回贈縮數都有問題, 同唔比批評有咩分別啊?

咁你個批評係咪依然存在個板上面? 有冇消失到? 有冇板主走來干涉你? 如果冇, 點樣叫做 "唔比" ? "唔比" 其他站友發言係好嚴重o既 "罪行", 我建議你堅持咁想的話就不如按 "報告" 掣舉報我, 否則你唔好誣捏我唔 "比" 你發表意見。

假如屬誣捏板友同樣係 "嚴重罪行" 喎, 不過放心, 我唔會舉報你的。

另外, 推遲一年加, 公式不變, 下年按今年通賬, 人工, 咪又加多5%(通賬4%, 運輸業人工升幅5~6%), 咁連同今年前後就10%
咁係唔係"加凸"先?

今年加 5% 但有優惠回贈返 (假設佢回贈返晒啦), 明年加 10% (相對去年), 但收唔返今年回贈嗰啲o架噃, 如果佢明年加夠 15% (相對去年), 企圖收返今年回贈嘅, 先叫「凸」嘛 (我認為係咁啦)。

當然, 同唔加價比較係有分別, 即係今年 0%, 明年 5% (相對去年), 呢個我同意呀, 如果你咁叫「凸」, OK 無問題呀。

而且, 明年嘅事都未發生, 到時係咪咁都未知o架噃, 到時或者一樣被公眾夾到佢繼續回贈, 係咪。

不過再強調我係唔會強行要求你同意我對「凸」的定義的。

根本所謂優惠, 就係一個商業決定, 講就好好聽啊, 東涌月票大部份人計過數根本優惠有限, 兒童免費又係針對性優惠吸客
唔通超市百貨公司大減價會話自己利潤回饋顧客咩, 人地無計過數啊
根本一路都係講緊唔應該加價, 而唔加價, 你要真係所謂回饋乘客就唔該有誠意D

都係嗰句啦, 信一個商業機構有「誠意」, 係唔係信嗰個嘅問題? 我同意佢冇「誠意」o架, 因為根本我就唔認為一間商業機構有咩「誠意」可言。

加左5%, 一係所有乘客打95折LOR, 又要降回贈率, 又要對單數乘客唔公平, 咁子計劃就唔應該批評啊?
講到尾, 優惠為次吸客為實, 小恩小惠重要歌功頌得重要指出問題都唔比

咁你係咁話我 "唔比" 你乜乜物物, 而家係咪同樣 "唔比" 我發言呀?

大家有咩理據講晒出來, 講唔掂咪收聲囉, 點解會有人屈人 "唔比" 佢乜乜物物咁冇品?

我半年前唔係無講過WOR, 港鐵可以把每程車的加幅, 完全當折扣等額每程減價
法例話港鐵一定要加, 無話佢唔可以比優惠WOR
唔通而家港鐵係中宣部話事
洗唔洗學下官台
乘客喜迎港鐵加價, 乘客表示連同今年優惠, 加幅不大好唔好?

如果有數字可以睇到佢因為個 "優惠" 多咗幾多客量, 少咗幾多收益, 有客觀數字睇佢呢個措施嘅影響, 大家好講啲啦。如果證明佢因為多咗客仲可以抵銷優惠少了的收益, 到時你的說服力大好多呢, 就唔駛靠屈我 "唔比" 你乜乜物物來反駁啦。

[ 本帖最後由 syp 於 2012-12-7 11:18 編輯 ]