十二米雙層上山頂?

原帖由 who_r_u 於 2012-12-9 15:44 發表
新巴又唔係無車用
點解要納稅人比錢搞啲咁既工程 ?

道路工程一向都係由納稅人俾錢，你幾時見過起條路要由巴士公司出錢？改善沿途路面設計可以改善行車安全，而家派33XX都會擦頂，根本就有危險。何況山頂係旅遊景點，改善工程可以俾巴士公司派出大型巴士行走，又或者隨時調動其他路線支援，提昇載客效率，市民同遊客都有得益。

八十年代好多路線改派三軸車時，都係由路政處擴闊路面同灣位。如果學你咁講，中巴九巴當年又唔係無車用，駛咩搞呢D工程？繼續行雞車珍寶，唔駛引入三軸車都得啦。

原帖由 wrightap 於 2012-12-9 14:33 發表
係就係，但該路段似乎要進行改善都有一定困難。。
橋就無咩可能會動土，
路面進行工程又會影響交通。。。
所以都有 d左右做人難。。
畢竟都砍腳趾避沙蟲左咁多年。。

好多地方都會因為道路工程而封半邊馬路，山頂區車流唔多，所謂影響交通其實咪又係有錢人霸權。山頂富豪心態就係：我坐私家車出入山頂好地地，點解要因為呢D賤民先會坐嘅巴士，而去封半邊馬路去進行道路工程，阻住我地班大帝出入？

原帖由 t105 於 9/12/2012 19:23 發表
想問兩樣野...
1.撇開高度唔講,派11/12米車行15號可唔可行?(I mean會唔會不停踩雙白線之類)
2.如果係可行,將11/12米E500/E50D改成矮版又得唔得呢?

以前都有長 Dart (10.7m) 行過 15

至於 11/12米車
一來新巴中巴從來都沒有 11米單層
11/12雙層亦沒有矮車身版

反而 515 好似出過 15xx
http://www.hkitalk.net/HKiTalk2/ ... p;page=2#pid2464376
所以應該就無事啦

原帖由 PB602 於 2012-12-9 19:42 發表


好多地方都會因為道路工程而封半邊馬路，山頂區車流唔多，所謂影響交通其實咪又係有錢人霸權。山頂富豪心態就係：我坐私家車出入山頂好地地，點解要因為呢D賤民先會坐嘅巴士，而去封半邊馬路去進行道路工程，阻住我地班大帝出 ...

聽聞連33xx 都唔可以貼橋底最側邊行, 要騎少少中間位
你話封左半條路? 咁即係成條15只可以派單層?
仲有喎, 印象中橋底條路唔係直, 有彎位, 封半條路我怕無一架新巴夠位轉添呀...

原帖由 hkaiw 於 2012-12-9 14:39 發表

是否之前 #4001 那次呢？

#4001那次應該是車長自己在天后入錯坑；
被警察指示入錯削頂的是#1105，行走2A線時怡和街火警臨時封閉，
警察指示改行糖街，結果出事。

原帖由 petcity 於 2012-12-9 22:32 發表
我唔係讀工程，之但係你講到好易咁，唔知整低D條路籨而拉
高底同路面之間既淨高，係咪好易搞，會唔會對條橋結構有影響呢？

我都唔係讀工程，但基於行車安全，我覺得呢個問題係值得研究。

我唔係抽富豪水，但道路工程需要當區區議員支持。山頂區嘅選民好明顯唔係15常客，所以呢個問題有咗幾十年區議員都懶得理。

如果呢條橋喺屋村，選民都靠巴士出入，而久唔久就出現巴士車頂擦橋底嘅情況時，我相信區議員一早就做咗嘢。

有心做的話，夜晚分段開工，日頭開番條行車線就得，香港好多道路工程都係咁做。

正正就係因為而家巴士跟住條線行車都會撞頂，我先認為係有安全隱憂。當然，大家覺得幾十年都係咁行多一事不如少一事，咪算數囉，睇吓幾時邊個唔好彩啫。

原帖由 PB602 於 2012-12-10 09:14 發表
有心做的話，夜晚分段開工，日頭開番條行車線就得，香港好多道路工程都係咁做。

正正就係因為而家巴士跟住條線行車都會撞頂，我先認為係有安全隱憂。當然，大家覺得幾十年都係咁行多一事不如少一事，咪算數囉，睇吓幾時邊個唔好彩 ...

問題係, 有得點分段呢? 當d巴士都要行中間先冇事時, 我就算俾你做一邊先, 另一邊玩高低, 會唔會仲易d出事? 甚至, 要掘30cm, 可唔可以玩高低呀? 而夜晚開工, 我諗班權貴未必肯~

原帖由 ML29 於 2012-12-10 00:30 發表
#4001那次應該是車長自己在天后入錯坑；
被警察指示入錯削頂的是#1105，行走2A線時怡和街火警臨時封閉，
警察指示改行糖街，結果出事。

我想問個位司機是否被炒?

警察指示錯誤, 司機既責任係唔係冇咁大致被炒?