[相片已修正] 搭高鐵, 上廣州! - 廣深高鐵之旅

今年7月, 欣聞永東開辦觀塘往深圳北站的直通巴, 於是決定搭廣深高鐵上廣州, 一嘗夢寐以求的高鐵之旅! ^o^


直通巴的售票處位於APM, 香港段係搭「觀塘跑狗」(觀塘24小時跨境快線)前往皇崗

當時該班車只有2人前往深圳北站



落馬洲停車處(香港區)。當日搭到永東的Scania, 使用Irizar車身。由APM出發, 用了35-40分鐘到達皇崗

係皇崗, 我地一直搵唔到永東的鋪位 (但中旅、環島都有wor) 。苦惱之際, 終於遇到穿著永東制服的「地勤」, 他話接送車未到, 大家亦順道傾談, 打發時間。原來呢條直巴線一直客量不足, 永東雖然參加了「觀塘跑狗」, 但係國內, 永東已幾乎撤出皇崗, 將重心轉移至深圳灣。唔怪得係皇崗過左關, 已找不到永東巴士。

後來, 「地勤」通知接送車已抵達, 原來該車係一架Toyota Alphard 7人車!!!  估計係永東「國內包車」的車隊, 車身和車內完全找不到永東標誌。(好神秘wor~~)





過了近20分鐘, 我地到了深圳北站的「超級大大大」停車場, 大得像一座地下城



甚有機場氣派的深圳北站，大到影唔哂 @@




深圳北站的周邊建築



列車班次顯示屏, 完全依照機場格式



前面係售票廳, 該站一共有4個售票廳, 分佈在車站的兩個大門。售票廳可自由出入, 如進入候車區, 必需經過安檢。不過, 就算沒買車票, 都可以經安檢進入候車大堂。

初時, 我們以為買到即將開出的班次, 但售票員說, 最快一班係2小時後, Oh my god!!!

雖然深圳北站每半小時有一班列車開出, 大都途徑廣州南站, 不過, 長途跨省乘客實在非常多, 根本沒多少座位, 留給短途乘客。我們11:15am到達深圳北站, 只能買到1:33pm開出, 終點是廣州南站的G6218。時間上簡直大失預算。高鐵的客運需求, 大得匪夷所思!!

這樣, 唯有既來之, 則安之, 參觀這座宏偉的深圳北站吧!




我地到了該站的KFC吃午餐。居高臨下, 感受深圳北站媲美機場的非凡氣派!

不過, 該站不少餐廳都是掛了招牌, 但「有待裝修」, 就連M記、味千拉麵都如是, 令KFC非常擠擁。

可惜, 當日天氣好熱好熱, 大堂的冷氣, 只能照顧地面部分。位於上一層的餐廳, 冷氣實在不足。



從地面看天幕



靠近深圳地鐵「深圳北站」的大門, 明顯比另一方繁忙得多



再往外面走, 可看到深圳地鐵「龍華線」的軌道



地鐵「深圳北站」入口



「深圳北站」地鐵站(龍華線)大堂, 這裡的裝潢和指示牌, 係咪似曾相識呢??

「深圳北站」地鐵站, 係香港地鐵營運的龍華線, 和深圳地鐵營運的環中線的轉車站, 前者是架空, 後者是地底, 乘客要搭lift或長長扶手電梯, 往返兩線的大堂





地鐵站內的地圖, 承繼母公司港鐵的風格!



等到望穿秋水, 我地乘搭的G6218班次, 即將開出了!



G6218途徑虎門站和慶盛站, 雖然只到廣州, 但都派出16卡列車行走。車站同時開放兩邊閘口, 1 - 8號車經A閘, 9-16號車經B閘




時間快到了, 乘客都自動自覺排隊, 形成壯觀的人潮

乘車過程, 下文再續

[ 本帖最後由 edylau 於 2012-12-10 21:52 編輯 ]

之後, 終於一睹高鐵的盧山真面目





高鐵的經濟艙, 即普通等車票, 簡直座無虛席



經濟艙座位和桌子

該列高鐵行車穩定、舒適, 望向窗外, 很有來去如飛的感覺!!



最難忘的時刻, 時速308公里

有時候, 顯示屏會顯示306km/h, 但這不是真實速度。如數字在浮動, 就知道這是列車現時的速度了。

該班列車途徑虎門站和慶盛站, 虎門站主力負責東莞市的客運。慶盛位於番禺區, 位於鄉郊, 人流非常疏落。廣州地鐵4號線, 亦有預留慶盛站, 但一直未有興建。為何高鐵站會比地鐵站早一步開通呢???



經過42分鐘車程, 我地到達廣州南站。圖中的CRH1, 正是廣珠城軌的列車。

廣州南站是廣深港高鐵、武廣高鐵和廣珠城軌的總站, 是廣州的高鐵中央車站, 同時是廣州地鐵2號線的總站。



到站了, 乘客魚貫下車。第一次的高鐵之旅, 我地當然要走到火車頭影相, 到此一遊!



全長16卡的列車, 真是神龍見首不見尾。行了好遠好遠, 終於到達車頭了



這就是本文的主角 - CRH380AL, 百分百國家設計和生產, 由源自日本的CRH2改良而來。第一次搭中國高鐵, 就可以搭國家自行研發的型號, 充分體驗先進的國內技術, 真是非常難得



在遠方的CRH2


通往廣州南站以北的路軌



第一卡頭等艙。列車進站後, 清潔員會立即進行車身清潔。不只乘客, 連列車本身都有如此星級服務, 可見國家對鐵路的重視。



是時候離開車站了



廣州南站的出閘大堂位於火車橋底, 不及入閘大堂開揚, 亦沒有商店等設施。



「廣州南站」地鐵站, 我地乘搭地鐵, 進入廣州市區



廣州南站的地鐵大堂。雖然設有十多部單程票售票機, 但乘客大多是外來人口, 沒有羊城通(當地的「八達通」), 所以依然大排長龍。可惜經過舟車勞頓, 太疲累, 沒有影到排隊盛況。



候車月台



2號線車廂。2號線採用南車株洲的列車, 渾圓的車頭, 令其得名「老鼠仔」

經過25分鐘車程, 我們到達廣州的中心 - 公園前站。


其實, 如只計車程, 高鐵和直通巴都不算長, 可惜車程之間的接駁, 實在大失預算。係深圳北站, 購買即場車票是很困難, 最快班次竟是2小時後, 反映高鐵需求, 實在非常龐大, 班次遠遠未能應付客量, 難怪車站裡有很多乘客, 坐在椅上小休, 充分體驗何謂「搭車難」。反之, 在廣深舊線, 可容易買到即時車票, 難怪往深圳北站的直通巴, 客量如此稀少。

長遠而言, 深圳北站實需要大幅提升班次, 同時熱切希望福田高鐵站、高鐵香港段早日開通, 分流客量之餘, 同時減少車程接駁, 縮減車程, 充分發揮高鐵的效率。

[ 本帖最後由 edylau 於 2012-12-10 22:06 編輯 ]

你好阿，我喺七八月都同朋友搭過一次永東觀塘直達深圳北班次，嗰次我地都係兩個人包車，但包左部大man,我朋友笑住話，未試過包咁大部車.同埋老冠好似都有深圳北班次

全部死圖黎既

睇唔到圖喎搞搞它吧

直巴既野請在B4版另開新文，多謝合作！

唔好意思, 之前因Skydrive發出故障, 令相片出唔到。小弟剛改用另一個server, 現已修正。希望大家多多包涵和指教

原帖由 edylau 於 10-12-2012 22:09 發表
唔好意思, 之前因Skydrive發出故障, 令相片出唔到。小弟剛改用另一個server, 現已修正。希望大家多多包涵和指教  

唉! 相片load 得好慢呀請轉用其它photoxxxxx 等之類啦

唔買車票都可以進入大堂行嗎? 每次入去都在門口行過, 如可以的話我都想入走走呀
咁樣點樣出番去呢

原帖由 行山友 於 2012-12-10 23:16 發表
唔買車票都可以進入大堂行嗎? 每次入去都在門口行過, 如可以的話我都想入走走呀
咁樣點樣出番去呢

可以, 此車站兩側都能經過安檢後自由出入的.