港島東區東至南區的交通 & 下繁香隧線班次

本人是住在南區, 於東區上班的人.
可能好多人會覺得有巴士出銅鑼灣, 再轉2X/8/8P等, 好似已經挺方便.
返工問題不大, 因為香隧不算塞, 軒尼詩道怡和街都OK, 但係放工, 最大問題係轉車位, 搞得單方向車程經常要一小時十五分至一小時半.

問題是: 巴士班次斷纜.
例如由東區搭788/789去灣仔後,
在莊士敦道等南區車, 班次時常不穏定的. 最穏定的是590A, 多數是十分鐘之內一定有一部, 可能是因為它不用塞中環罷. 最差的多數是37B, 試過等成半個鐘, 甚至四十五分鐘, 然後一尼尼兩部. 就算90/97, 都未必第一部車就上到, 等兩部分分鐘等成廿分鐘. 放工已經攰, 那廿分鐘, 感覺好似等四十分鐘咁.
到入境處等車又如何? 70一樣時好時壞. 一等耐咗, 通常第一部都上唔到. 一係再等, 一係博590仲上唔上到, 多付$2.2都算了.

如果搭8P落銅鑼灣先, 高士威道/怡和街都會塞. 加上由北角或更遠開出的38/42/77班次可參差.

覺得個問題係
(1) 大多塞車位搞到班次亂晒:
- 香港仔隧道北行
- 干諾道中東行
- 畢打街

巴士公司有無辦法避咁D塞車位, 回車都好D? (例如金鐘特車/北行用薄扶林道特車等等)

個人覺得, 就算南區地鐵通了車, 香港仔隧道而言, 依然會塞車, 因為南區估計會起更加多樓, 中產或以上的樓宇, 用車的機會都不低, 流量分分鐘上升. 再者, 塞車的源頭是紅隧, 所以做計塞車情況未必好好多.

情義結又好, 作為巴士迷, 總不想巴士就此就遠遠地輸掉市場. 起碼還想想有沒有改善和競爭的餘地. 因為我覺得若好像現時的情況, 經常要等約十五/廿分鐘(或更多), 加上上了車之後更塞車, 巴士很快'玩完'. 而相信巴士網絡的改善空間還存在的. 有沒有重組建議.

[ 本帖最後由 偉文 於 2012-12-11 20:01 編輯 ]

590A班次OK?
呢條線先成日比議員話佢脫班

下繁由東區返南區
我自己慣常就係搭鐵路落銅鑼灣再揀38/42/72/77/592/96/72A算
希慎廣場上車情況差極有限

但如果話係柴灣/小西灣出發，地鐵就未必係首選

而且下繁南區堆路線可以選擇避開塞車路段既地方係好有限

香港仔隧道問題係無得避，理論上，中環灣仔繞道通車後，可以由北角糖水道上東廊直達西營盤，再行薄扶林入南區。但咁做由北角至香港仔行車時間最少要40分鐘，樽頸位喺西邊街至香港大學一段，而且感覺上好兜，似乎無咩著數。

不過，純以開拓新市場角度睇，置富、瑪麗、薄扶林等無鐵路嘅地區開條新線用繞道去東區，我覺得都可以考慮一試。

樓主有冇試過去鰂魚涌轉69？收$8.5但快99好多。

長遠唔想用小巴，唯有望99X試驗成功。

原帖由 FS1819 於 2012-12-11 20:26 發表
樓主有冇試過去鰂魚涌轉69？收$8.5但快99好多。

長遠唔想用小巴，唯有望99X試驗成功。

69真係快，塞少少的話25分鐘可以到香港仔，不過呢類線其實真係啱小巴但唔啱巴士做，69而家繁時生意好似幾好，但試想如果改用大巴行，客量就未必夠皮，而且會慢好多。

個case難搞,
下繁好難搵到條路係避塞車位...

不過如果係我的話我會去CWB轉...

原帖由 FS1819 於 2012-12-11 20:26 發表
樓主有冇試過去鰂魚涌轉69？收$8.5但快99好多。

長遠唔想用小巴，唯有望99X試驗成功。

原帖由 PB602 於 2012-12-11 20:34 發表

69真係快，塞少少的話25分鐘可以到香港仔，不過呢類線其實真係啱小巴但唔啱巴士做，69而家繁時生意好似幾好，但試想如果改用大巴行，客量就未必夠皮，而且會慢好多。 ...

69其實個市場幾大,
不過新巴開條42C效果好似一般般...

條線唔夠快可能係一個原因...


99X加班條件係有,
不過加班個定位唔係加往南區方向而係往東區方向...

我好認同無論南去東抑或東去南
坐車問題的確好頭痛

其實響北角轉41A
情況會唔會好少少?
雖然要兜
但起碼唔駛慢車呱

再唔係坐14轉73
都算係一個另類選擇
(南去東不建議經赤柱走)

原帖由 FS1819 於 2012-12-11 20:26 發表
樓主有冇試過去鰂魚涌轉69？收$8.5但快99好多。

長遠唔想用小巴，唯有望99X試驗成功。

謝謝, 69係快的, 不過以我而言,除了要搭82X去鰂魚涌(模範村D燈) 等69要通常等3部車先上到. 如無意外都要成廿分鐘, 我不是去數碼港, 故此要再轉車. 不過, 69都不愧為一個方法.


另外, 樓上話新線的空間, 繞道開了或者有點, 例如:
小西灣 <-> 張振興 <-> 筲箕灣道 <-> 太古城 (做埋太古坊/鰂魚涌) <-> 四幹 <-> 高樂/西營盤 <-> 薄扶林道/置富/華富. (當兩味)
去D無咁多鐵的地方, 同埋避中環塞車.

[ 本帖最後由 偉文 於 2012-12-11 21:34 編輯 ]

原帖由 1005 於 2012-12-11 21:17 發表

再唔係坐14轉73
都算係一個另類選擇
(南去東不建議經赤柱走) ...

試過. 若果唔塞車, 總共都要不少於一小時15分鐘. (放工時大潭/淺水灣都好多私家車, 塞車唔止)

[姑且離少少題]
繁時69好旺
但到非繁其實同77/99差唔遠

69非繁係東區等都要15分鐘先有車，班次同77/99差唔遠
而69非繁由東區上車多數都要碌到北角先坐滿上橋
見車就上77/99都唔會太慢

繁時的確可以快，但非繁黎講，客源又的確有太大局限

就算99繁時開99X快車
實際上只係將99上繁既四成客量搬去99X度

同一時間77點睇都無四成"南區-港島東客"，資源有限，新城將資源全部走晒去37A/38度密密載仲化算