公共巴士應仿效英國巴士在司機位加設膠板

近年成日有巴士司機被乘客打, 或滋擾.

政府應立例要求巴士公司在司機位加設透明膠板(好似英國咁), 保障司機安全

反建議，重新引入半駕駛倉巴士，司機位與客艙可完全分隔，又可以讓司機多做頸部運動

我覺得香港冇英國咁需要裝設司機位膠版
香港如果有司機比人襲擊，通常係d上左年紀既阿叔阿伯襲擊車長，有幾可係由青年/學生/小朋友開始旭手？
以我去過英國3年，搭過勁多次英國巴士既經驗，我認為香港d年輕人實在係好有家教，唔會輕易動武，而且有咩不滿都唔會敢去挑釁車長/向車長發洩！
英國來講，司機比d阿叔阿伯搞係少d，反而好多時都係由d介乎10到30歲數既人欺負！鬼仔好多好曳架！

係咩會激起英國乘客，繼而動武呢？  以下幾項問題香港根本冇咩咁滯！
1) 票務方面，絕大部分城鎮仍未設有/普及智能卡繳付車資，所以就要比現金/show bus pass (紙製，兼通常無防偽可言)。加上(絕)大部分公司都提供找續，司機迫於對乘客直接交流，handle錢銀。你話一旦個客比少左錢(eg.半£)，show張過左期既pass，甚至係假既，又惡，落唔到台，你話死未！我真係相信"同司機拗車費"情況o係英國各大城市日日都發生！
2) 醉酒人士多   3) 童黨問題汎濫，差唔多區區都有，年輕人冇咩公德心！我見過無數次年輕乘客o係車上食煙(卷煙唔少)、用大喇叭大放饒舌音樂等等
4) 倫敦以外根本難以搵到有中門既巴士，司機一唔順個客意(eg車上面犯規你去話佢)，個客落車時又要經過你旁邊，多左個機會再次摩擦

其實，香港d巴士公司同英國巴士業界咁密切 (見到KMB又派個James Louey出席英國巴士展，新巴又曾經有First參與管理)，應該起碼有管理層知道英國好多車都裝左膠板。如果管理層覺得香港都應該裝既，相信已經會o係公司討論過。不過香港d車長又知唔知英國有司機位膠板呢樣野，同埋點解要有呢? 應唔應該有，最好都係先咨詢車長！

安裝左會帶來既負面影響主要係：
1) 反光而令眼睛受多d刺激
2) 望左邊塊鏡或會受干擾
3) 仲記得11月柴斜意外之後，電視新聞分別訪問左新巴車長以及教渣巴士司傅，問如果司機失去知覺，點樣去臨急控制架車？隔住塊板仲可以控制得到？

英國係有好多巴士冇裝膠板架！主要係d次等d、細d、少客d既公司，例如Birmingham既Diamond。

記得以前係youtube睇過一套英國影片 , 有數位童黨上左架dms唔出示車票和付錢
,結果該car佬由駕駛室走出來向該數位童黨追討車資或出示車票..最後巴士上搭霸
王車童黨便嘔打該位負責駕駛dms 的car 佬...其後有童黨走上駕駛室胡亂操控該
dms巴士.. 嚇致車廂乘客不知如何 ~~最後當然炒車收場 ,在巴士上搞事和打car佬
的數位童黨最後比警察緝拿.. 真實英國有冇試過有童黨打car佬更搶埋架巴士駕呢 !?

原帖由 bbtong 於 12/12/2012 12:57 發表
近年成日有巴士司機被乘客打, 或滋擾.

政府應立例要求巴士公司在司機位加設透明膠板(好似英國咁), 保障司機安全

呢個世界好危險

近年成日有巴士乘客被乘客打 , 建議你全身保護衣

甚至唔出街都可以
唔上 italk 可以保障本區文章質素

原帖由 bbtong 於 2012-12-12 12:57 發表
近年成日有巴士司機被乘客打, 或滋擾.

政府應立例要求巴士公司在司機位加設透明膠板(好似英國咁), 保障司機安全

加塊板就唔會被滋擾嗎?
咁閣下不如建議加塊隔音板既好喇

原帖由 天空之神 於 2012-12-12 23:46 發表


呢個世界好危險

近年成日有巴士乘客被乘客打 , 建議你全身保護衣

甚至唔出街都可以
唔上 italk 可以保障本區文章質素

樓主本身都擁有膠既質地
有呢d建議真係唔出奇

其實近年，司機比人襲擊，定係司機行車期間暈倒事件比較頻密？

暈倒事件我就諗到有新巴8號、今年屯門龍門居對面、4X@中環、LWB's703行E31，同埋10同11年夏天都有渣熱狗司機途中暈倒，一宗係@佐敦道行緊3C。

唔知係小弟多心定咩
有冇C兄發覺近排D人總係將咩都同英國扯上關係

好似鐵巴電牌加經邊度邊度就話係英倫式電牌
加塊爛鬼膠板又話係英國式巴士

下次九巴上紅色油又可以話係英倫特式

英國4大巴士公司不論係單層雙層咩地方都有膠板,只有coach無....
或者個別公司要求都會有膠板,例如lothian,trandevs group...
而膠板有幾種,有d就可以拉上拉落一半,有d就一塊過不動式....
其實有膠板係好難講同聽,問路買飛都阻礙時間,
以香港d治安根本唔需要裝膠板....

原帖由 busfunfun 於 2012-12-13 07:59 發表
唔知係小弟多心定咩
有冇C兄發覺近排D人總係將咩都同英國扯上關係

好似鐵巴電牌加經邊度邊度就話係英倫式電牌
加塊爛鬼膠板又話係英國式巴士

下次九巴上紅色油又可以話係英倫特式 ...

因為本港的大部份巴士或車身都係從英國廠商購買,其中巴士既各方面設計就結合咗英國及香港營運需要
自自然然就會同英國有一定關係. 正如城巴cityflyer在愛丁堡試車用中英文電牌,都可以話有幾分香港特色
另外我都想請教一下呢個行人過路等候盒是香港特色定英倫特式?