今晚筲箕灣總站有乘客在車上暈倒

時間: 19:00 左右
地點: 筲箕灣總站 / #101
今日o係上環搭 #88 去筲箕灣 ...
到筲箕灣落車後見前車係 #101 .. 搞跑馬地 ~
而自己又想遊返去上環..又唔想搭返 #88
所以去附近買下野飲..等其它車返
返轉頭仲見 #101 未開.. 但當時見去燈已經著左
已經覺得奇怪..當時應該 2~4 分鐘就有一班車開..
但由我落車至買完野都起碼有 10 分鐘..之後再去廁所..
返轉頭見 #101 仲未開 .. 見到司機同一眾乘客議論紛紛 ...
原來有個乘客(啊佰)暈左o係部車上.. 動彈不得 ..
當時見到車長/站長報警 / 叫白車 ...
再聽一眾乘客表示 .. 原來佢係一個出晒名既道友..經常出沒o係筲箕灣
'part'完野後就會搭一轉電車 ... 又同車長講唔洗理佢..
等佢落車後就會訓埋一邊 ..
但車長驚佢落車期間一但跌倒會有手尾跟..
所以就叫該名道友慢慢訓 ... 等白車黎
自己印象中都好似見過呢個道友幾次 ..
唔少乘客好不滿 .. 部份落車前仲向住個道友爆粗...
期間該明道友幾次嘗試起身落車 ..
但站長/車長制止 .. 事件擾攘多 10 分鐘後白車到 .. 該名道友拒絕上車 .. 但最終都係失敗
抬左該名道友落車後 .. #101 開始上返客
電車服務受阻 20 分鐘後回復正常 .

[ 本帖最後由 慶回歸．VA21 於 2006-3-8 00:58 編輯 ]