過鐘就可以唔處理乘客問題？

今日搭E11去機場博覽館，架巴士到總站後有個婆婆原本諗住去灣仔，但搭錯方向，一個婆婆去到一個陌生的地方已經好驚，唔知點算好，第一個諗法當然搵司機幫忙，佢問司機：「司機，架車唔係去灣仔的嗎？」個司機就只係答佢：「呢架車去機場博覽館架！」個婆婆好驚咁再問點樣可以返番灣仔，點知呢個司機好惡同婆婆講：「我唔得閒同你講，我已經過晒鐘啦！」之後就一支箭咁走咗，我同我朋友，以及站頭一位清潔工人睇到目瞪口呆。最後我同我朋友同婆婆解釋番佢搭錯方向，只需要晌原位等番呢架車出番去就得，婆婆連聲同我地講多謝(唔該)，之後我同我朋友走了，我地見個清潔工人好有耐性繼續同婆婆講。


講真，我明白到巴士過鐘可能會導致司機休息時間減少，甚至無時間去洗手間，但作為一個當值緊的司機，我覺得唔係渣車咁簡單，而係要用心服務每位乘客，我唔係要求司機要好好服務，但至少乘客有困難，都應該先處理吧，我相信亦係佢職責之一，亦係基本應有的服務/工作態度。況且，你點趕時間都好，你同婆婆講「你搭錯方向，你原位等番車/搭番呢架車就得啦」應該唔會阻你好多時間吧？

[ 本帖最後由 dennislokawai 於 2012-12-16 00:29 編輯 ]

見到咁既情況我第一件事我會立即投訴。明知果位婆婆係極需要幫助既情況下竟然受到咁既對待，真係好有問題。唔好話我唔體諒車長們的處境，我覺得呢個唔係咁樣對待亞婆既藉口。所以有D投訴真係自已攞黎。

[ 本帖最後由 win350 於 2012-12-16 00:38 編輯 ]

其實依D事成日都會有發生,
尤其是係食店到

不過我自己就覺得算啦, 自己有時做野到躁底都會咁,
好彩唔係做服務性行業

個人覺得反正司機都要答阿婆一句
(不論係話自己過鐘又好,定係叫佢原站等下一班E11也好)
何苦要咁樣去答個問題呢?

阿婆真係有需要你嘅專業知識去協助佢解決問題
呢d真係唔投訴都對唔住自己

講真，司機答個阿婆，以好心角度，是正常的。但以車長的專業資格，
其實又不包括問路喎，司機的責任，就是把車渣好，有收乘客車費，
按乘客按鐘而落客。車上也有貼子寫行車時請勿與司機談話。

反而，這個時候，婆婆應該是去問站長，而不是司機。站於司機的專業操守上，
司機沒錯啊。更甚者，係巴士公司的分工，應該打去熱線添。
如果咁樣比人投訴而被處分，就是巴士公司的錯啦。

原帖由 cx838 於 16-12-2012 17:45 發表
講真，司機答個阿婆，以好心角度，是正常的。但以車長的專業資格，
其實又不包括問路喎，司機的責任，就是把車渣好，有收乘客車費，
按乘客按鐘而落客。車上也有貼子寫行車時請勿與司機談話。

反而，這個時候，婆婆應該是去問站長，而不是 ...

我同意問路唔係車長職責，但都可以講：「唔好意思，我過鐘要走喇，你去前面問一問站長啦。」

原帖由 cx838 於 2012-12-16 17:45 發表
講真，司機答個阿婆，以好心角度，是正常的。但以車長的專業資格，
其實又不包括問路喎，司機的責任，就是把車渣好，有收乘客車費，
按乘客按鐘而落客。車上也有貼子寫行車時請勿與司機談話。

反而，這個時候，婆婆應該是去問站長，而不是 ...

講真,阿婆會唔會分到咁清楚?
(i mean站長同司機嘅分工)
司機包唔包問路都係次要
呢段對話之中嘅態度係重點
你識唔識都唔需要用呢種語氣同態度去答囉

換句話講
假若司機見到有人喺站頭暈低
係咪大可以講一句:
我只係負責"才查"好架車
依家過鐘喇,我要私牌出去追番d時間
站頭一切事宜都唔關我事
要人幫唔該搵站長,或者跑去就近警局,even自己打999?

如果司機跟本子辦事,佢的確可以當見唔到有人暈低
事實上司機的確無責任報警(反而係車上有人暈低就有責任報警)

但係人情上,司機就唔啱架啦,因為見到有人暈低去報警係良好市民應該做既事
有D司機奉行少做少錯,唔做唔錯既原則,你吹佢唔脹架喎

原帖由 aPower 於 2012-12-16 06:28 PM 發表
想問下樓主
(1) 車長與「阿婆」對談時，是在甚麼位置? 巴士的動態如何?
(2) 巴士駛離後立即開出下一程還是駛到場中間?
(3) 擾攘了多久?
(4) 「阿婆」在那裡上車?

聽埋再俾意見

1. 當然巴士已落晒客，已熄引擎，巴士正停晌E11站頭
2. 巴士司機同站長報到後就開下一程車
3. 不足一分鐘
4. 不清楚