熱 。 結束 ( 多圖 + 感想 )

不得不承認，家中有關巴士的東西有很多，電腦的相片有上萬張，


可是我還是十分懷念一個人拎住傻瓜機，即係菲林相機去影，

記得最深印象是 3n 退役既時候， 日日都去追，現在想起真的十分瘋狂，

每天都在43B , 44M , 42 , 42A 之間，當年沒有流動電話，只可在等，


好彩的話10 - 15 分鐘，就可以，唔好彩的話，1 的鐘左右啦

當時，我每按一下快門都十分小心，因為每一下成本都不小。


每當一卷菲林用完後，都會即時拎去曬相，十分期待自己的作品是什麼樣子。


可是，十分不幸，菲林相機壞了，最後連機都唔見左。


停止影相幾年，還好，可以努力讀書，中學生涯，只會上網看看便算。


沒有空餘時間外出。










幸好，在往後的日子，重拾拍攝的輿趣，66 的S3BL 是當年的第一個目標。





隨著熱狗的退役，我一有空餘時間都會去拍一拍，流動電話的出現，我們可以輕易知道時間，不用長時間等侯。












隨薯九記發出確實的去熱狗化日期，我每一個星期都會去影一影，

可能會有重覆拍攝的情況出現，可是唔緊要，盡情享受。













我十分明白，每當一條熱狗線，轉全冷，都會有很多朋友一起去拍攝，


情況會很亂，但是我就是不希望錯過 這些日子。




有時候出現十分特別的情況，放工也會盡可能去拍一拍，坐一坐。
















其實，係最後一日影左好多相，但係一直都以Raw 形式封鎖著，直到今天才打開，看一看。


無錯，所有熱狗全退是很可惜，但係亦令我們明白到每一個階段都會有結束的一日，


只要好好享受每一該，就不用害怕。


現在，我會視拍攝為興趣，有時間才去影，


還有，作為過來人，小小意見，鍾意聽就睇落去，唔鍾意就按左上角既上一頁走。


巴士，可以作為你的興趣，但希望你們不要將你所有既時間、精力和金錢都放係呢樣野上，


我們身邊還有很多東西值得我們投放時間落去，讀書既朋友，讀好你既書，


不要花費很多金錢，去買高階機拍攝，影出黎，唔會有好太分別，


更唔好影唔到一張相，就係條街到狂講粗口，係條馬路到走來走去。


工作既朋友，試下花一點時間進修下，可以更上一層樓。


上述全部個人意見，鍾意既咪記住，唔鍾意既當我發噏瘋，走得人架啦。


千萬不要為一個小小既位，鬧來鬧去，無意思，無結果 !　


花時間係有意義既地方吧 !

好坦白講, 有班巴士迷真係影到上哂腦
一字排企哂出馬路
影唔到就問候人
而家咩時代, D人變得咁無家教既?

再者
影出d相又唔靚, 又走焦又炒又龍門, 成堆人做影印機
專重下自己影既相得唔得架?

我諗不少巴迷和樓主經歷一樣..
中學時期skip 左一段時間冇影相
可能真係到左某個位發覺自己要專注去讀書/工作
連自己的興趣都忘記左

但興趣始終係興趣
讀完書/開展事業後, 有時間有能力又會追求返自己的興趣

讀書時期， skip 左大部利蘭系列，吉龍，康龍，平治，都城系列， 但係依稀記得， 坐過康龍係屯門公路， 十分正， DM 8712 ??

但係都無話後悔既 !

當年唔努力讀書， 依家仲後悔呀!

原帖由 happykeroro 於 2012-12-18 17:40 發表
好坦白講, 有班巴士迷真係影到上哂腦
一字排企哂出馬路
影唔到就問候人
而家咩時代, D人變得咁無家教既?

再者
影出d相又唔靚, 又走焦又炒又龍門, 成堆人做影印機
專重下自己影既相得唔得架? ...

其實我又覺得唔關巴唔巴士迷事, 根本係呢一代變成咁利申: 90後

一年前同期,多條含熱線陸續全冷,42C尾熱中途踢引發的生物奇觀歷歷在目
估不到5月6日同5月8日呢兩個冷熱交替重要日子已過了7個多月,但當晚在93K的S3V同16的S3N上的片段仍記億尤新

如今要找它們可到閃廠外,飛龍同聖約翰仍在,但只可遠觀而不可沾

原帖由 nwfb94A 於 2012-12-18 23:28 發表

其實我又覺得唔關巴唔巴士迷事, 根本係呢一代變成咁利申: 90後

巴敗好多年前都有, 追國寶追平治追AL1, 企出馬路影相, 鬧阻鏡路人等都唔係新鮮事
不過係近幾年越來越多咁解
從前可能一兩隻企馬路, 而家十幾隻排晒出來咁

但係當年我無係車箱內聽到巴迷大大聲係到講粗口， 高聲大叫的情況出現，一係就講話個師傅揸得慢， 一係就問候人地做咩要落車， 其實咁多不滿既， 你可以唔好上車呀。
以前大家享受車程後， 都會慢慢走到適當位置， 拍幾張相， 然後離開。 相信依家情況係點， 大家都知啦。

原帖由 franco26 於 2012-12-19 06:56 發表

巴敗好多年前都有, 追國寶追平治追AL1, 企出馬路影相, 鬧阻鏡路人等都唔係新鮮事
不過係近幾年越來越多咁解
從前可能一兩隻企馬路, 而家十幾隻排晒出來咁 ...

早係十年前何文田大規模全冷, 已經係一大班企馬路, 唔止一兩隻...

原帖由 franco26 於 2012-12-19 06:56 發表

巴敗好多年前都有, 追國寶追平治追AL1, 企出馬路影相, 鬧阻鏡路人等都唔係新鮮事
不過係近幾年越來越多咁解
從前可能一兩隻企馬路, 而家十幾隻排晒出來咁 ...

因為依家相機普及多左巴迷影車嘛
甘企馬路個D咪亦都相應地多左囉

不過唔好話﹐依家係日間搭親巴士經過D影車熱點都多左機會見到有人係度影巴士