好耐都冇試過搭咁『進取』的九巴 ......

是晚搭上往元朗的一架九巴. 本來呢架車已經算快, 荔枝角道已經追到前車, 點知去到公路先知咁誇張 ......

荃灣路, 三線行中線, 點知被中線架私家車頂住, 左右邊都冇車. 結果? 扭左邊爬頭.

青朗公路, 佢要爬一架去天水圍的巴士頭, 扭出中線, 好正常. 點知慢線架車都唔係咁好惹, 僵持左一陣先總算過到. 但司機又衰唔即刻入番慢線, 結果被中線前面貨櫃車頂住, 個司機呢一刻先想入慢線, 但太遲啦, 後面架天水圍車響晒砵, 人地車頭已經過左你車尾, 你仲扭真係想出車禍咩. 結果咪要俾人行先. 呢一刻我已經諗: 佢若要爬頭只剩番往元朗公路支路一個機會, 佢唔會仲搏呀嘛. 點知入到支路佢真係再扭出右線, 但兩架都係只可以行70, 你踩盡人地又踩盡邊有得過, 而且最尾仲要強行直出元朗公路中線, 不知幾險.

而結果呢 ....... 戲劇性的結局, 前面由新田公路來行中線的一架小巴剷左入慢線減速, 變成架天水圍車前被頂, 右邊係元朗車, 跟實前車就三架一齊落博愛, 結果唯有減速. 元朗車就趨前挨住小巴右邊出博愛

唔知對搭慣其他公司的巴迷來講咁樣算唔算危險呢? 但我就覺得好危險, 兩個司機判斷差少少就撞埋, 仲連累乘客同其他車.


PS 近幾個月覺得九巴作風又有D變左? 譬如上文講的『進取』車長, 仲有班次上多左前後腳 (以前係幾大都要跟後面) 同中途起載, 直頭密得有點過分 (今晚同一路線前後兩班車都坐唔到一半位), 其實我懷疑係咪 peak hour 班次開少左, non-peak 想加班補數 http://www.hkitalk.net/HKiTalk2/images/smilies/default/sweat.gif

咁實有d人開得快d ka la
個個都同你慢慢碌咩
同埋可能尾單,尾單d人通常開快d

密左車應該係因為有幾架B1既車柯打

唔覺得有危險，如果係講梗幾百米 cut 幾次線就有問題

我唔明有幾危險元朗廠夜更好多都飛到行.
268C夜晚堅爽,半粒鐘觀塘已經到大欖