九巴新線 61U (恒順園往屯門公路轉車站)

屯門人的確唔慣

的而且確屯門嘅路線分工相對上輕分得較細緻清晰
特別班次Mark 齊號碼普遍程度較高

但當然，唔代表咁就完全無例外　最緊要令乘客知道怎樣區分姐

望后石難民營未關閉以前，九巴有派59A 開特別班次由深水埗碼頭來往難民營閘口　但唔去碼頭路wo, 乘客實知對唔對路
仲有一個方法去分　不過，唔鼓勵講出黎

答案我想到第三個方法：睇頭牌，九巴應冇望后石布牌，所以特車車頭會攪白格
另一問：59A望后石班，是否如此行：
原線到紅樓後跟520(今K52)直入望后石？及當時車次數及取消特班日

原帖由 DT716@71A 於 2013-1-4 18:08 發表
無錯

S 可以等同特別班
亦同時連假日班次都得
呢個編號先最百搭
唔係通宵車出N 字黎改編號
呢個號碼應真係全天候

前者：265S, 82S, 83S, 46S, 86S, 87S  (44S, 59S)
後者：71S, 3S, 14S, 70/4/6S ... (275S)

至於新記 ...

正常講叫 61S 咪幾好
無 lala 整多個U字線

(雖然用咩英文字都無咩所謂)

你岩　膠/布牌都無望后石呢三個字

取消：難民營關閉　不過　呢班難民相對係較幸運嘅一群
得到西方國家收留　其餘有部因為佢地表現良好，守香港法律同秩序，港府係發左身分證俾佢地，無他嘅，呢個難民營同其他「船民」中心唔一樣，佢地基本上大部係南越嘅政治難民，合資格往西方國家但仍未攞到放行證件嘅　或者係中轉中心，即係西方國家預簽左證件俾佢地　但佢地未到時間飛，例如，個一年係1994 年，批左1995 年或更長先走得，咁由獲批開始佢地就可以搬入望后石等離港，期間西方國家嘅人道接收安排有規定，為左等佢地擺脫係難民營嘅生活方式，接觸社會同有工作機會同技能　所以安排佢地係呢個開放營度生活以為中轉中心，情況類似出冊之前嘅人都會住一排中途宿舍咁　細路仔可以轉去普通文法學校（無論半日制抑或全日制）　主婦可以日間搭車出去買餸（少之又少，涉及消費水平及能力，還有語言障礙）　戶主可以去返工——所以就連出九龍都有交通需求　不過，開放營還開放營，仍然有限制，例如宵禁　唔准離營過夜，以釋除公眾疑慮　覺得即使係開放營難民都有夜晚工作嘅可能。呢d 可能包括：出左營之後幫人做打手、從事性行業等不法活動嘅可能　畢竟始終難民人在外，行將赴西方國家面對高生活與消費需要及不少人尤其男性打過仗，比較尚武與好勇鬥狠；一般市民、社區領袖好難唔去作有關合理嘅猜測
但日子唔係好長，去到所有合資格難民都經過中轉站走嘅走，飛嘅飛之後呢　無晒呢個需求，咁難民營就正式關閉啦　而連同人員嘅乘車需要在內，59A 難民特車就咁就消失左啦　而呢個特別服務係其他同類型設施難民營（開放營）或船民中心（禁閉營，無對外通聯需求）都無嘅　因為開放營需要專用交通嘅得呢一個，而其他開放營一般都有沿途交通服務：例如麗晶花園舊啟德機場旁邊嘅新秀大廈（今日明愛向晴牽）咁樣，基本上居民係行去彩虹交匯處嘅車站搭車　車站在服務開放營友同時，與社區共用

至於行車時間、用車、確實具體路線，要由一d 當年嘅座上客靠憶述、九巴公司內部紀錄嘅更紙甚至n281 容生出黎交代先有可能重見天日　因為連呀大佬容生係佢輯大作入面都無幾多敍述，僅有一筆帶過（見新界西，59A 一段）　至於我本人能夠提供嘅推斷只有一個　特別班次嘅時間應該會係配合難民營開營前及收營時間之內開車　頭班會載埋班返入面嘅呀Sir 由西九往營區，到達時間應該係開營前預備定，收車則好可能在關營前計岩時間係深水埗開最後一班　而到達閘口以後　等d 唔使開夜嘅呀sir 收工debriefing 完就開埋尾班出九龍走，情況類似係118 柴灣IVE 特車咁　就放學時間咁

會唔會依你所講個種係果個路口直去嘅走法　抑或來回兜屯門碼頭　無資料　任一者都有可能　如搵到更多資料　歡迎通知我

同埋，個收費都可圈可點：照計個度係屯門近郊，一般黎講都要駁一程車先出到屯門市鎮範圍上九龍，按呢個條件足夠俾路線收高一級收費，即如洪水橋往深水埗甚至南九龍咁樣，比虎地分段會再貴幾毫　但呢個特別班次有無收貴，定照原價收同59A 普通班次原價呢？　未知　我都好想知

延伸閱讀：一段有關望后石難民營嘅陳年報導，年代係1999 年由一間本地大學嘅學生走訪
http://webcache.googleusercontent.com/search?q=cache:rWSYbnrjuC0J:www.com.cuhk.edu.hk/ubeat_past/9 ... %9B%A3%E6%B0%91&;cd=2&hl=zh-TW&ct=clnk&lr=lang_zh-TW&client=aff-cs-360chromium
只要細心觀察　不難同時發現他們的交通需求係邊度黎

[ 本帖最後由 DT716@71A 於 2013-1-10 01:14 編輯 ]

公開地回應你嘅提問及質疑
「望后石難民營關題目乜事?」

因為該處曾經開設過非固別獨立編號給予特別班次：59A （望后石難民營特別班次）
加上有版友有興趣問及細致狀況，當面回應未嘗不是一件增廣見聞助長探討的好事

既然題目開文時，留言者的興趣都集中在新號碼、號碼引伸意及不設特別編號的所引起的問題，尤其針對屯門區區內情況而定，是故我提出屯門區內過去的情況，既然此無額外配給編號的特別班次成為區內「近年」罕見的特例，有少量資料提及但未見詳盡。故此本人試圖從理性、一般邏輯、基本需要去探討有關的交通情況去剖析；由於，在我眼中，一般網路本站版友對於此題目的認知應該是相當不足，甚至連有關設置的名字及機能都不一定聽過、瞭解，故此，本文旨在把一些客觀的資料進一步交代、提供，以利加深有關情況的認知　增進瞭解與交流，此乃本文的動機

相信，有沒有關連，如何構成關連及關連在那裡，上一段落都有清晰與完整的交代~

另外，唔需要有用色眼鏡或奇異目光看待有關課題，那裡就當如屯門多了一個臨時房屋區（THA, 今日名稱：中轉屋）一樣，有人住自然有需求
話唔定，第日呢段屯門西會有新嘅巴士服務：下午收工時間由龍鼓灘發電廠開出經各工作地點單往屯公轉車站呢　咁樣咪仲好（唔通叫59U???）

[ 本帖最後由 DT716@71A 於 2013-1-10 01:20 編輯 ]

無錯　甚至錢箱郁唔郁得都無所謂　可以照開

原帖由 kiwai 於 2013-1-4 10:31 發表



[真心問]請問師傳表係咪真係寫68U?
68U有冇出過車?

轉車站開以來67M,68A從來都冇出過短棍,到61m短棍易名61u,
亦即公司內部亦同時有67u,68u呢兩條"路線"以來一直冇開過線;當時有61u影印膠牌出現時67u,68u亦不曾有膠牌出現過,
相信從來冇打算真係會開67u,68u,而現時61u亦都已經停駛
如果d板友覺得咁樣叫"67u,68u有出現過"咁都無話可說

原帖由 EE9255 於 2013-1-10 03:09 發表
轉車站開以來67M,68A從來都冇出過短棍,到61m短棍易名61u,
亦即公司內部亦同時有67u,68u呢兩條"路線"以來一直冇開過線;當時有61u影印膠牌出現時67u,68u亦不曾有膠牌出現過,
相信從來冇打算真係會開67u,68u,而現時61u ...

原來61U已經冇左喇.....幾時開始停駛架?

原帖由 kiwai 於 2013-1-10 10:10 發表


原來61U已經冇左喇.....幾時開始停駛架?

係咪因為載客量低所以無左?