一到夜晚，５個必停站飛咗４個

原帖由 neoplan720p 於 2013-1-4 22:32 發表
其實講埋路線, 都真係咁困難?

還是樓主想跟我們玩競猜遊戲?

應該唔係好多線有5個必停站?
不過我諗唔到

我都唔明樓主想講的路線....
可否提供資料呢？

有邊條線有成五個必停站啊？通常得兩三個~

佢講既必停站係米指好多人上既站呀?
我真係醒唔起邊條線有五個必停站咁多......
定係......
版主打錯字，
將必瘦站變左必停站......呀?

Quote:
啊司機大佬
雖然架車得我呢一個賤客姐
你都唔使有站飛站
飛到連必瘦站都唔停下話
瘦肉不可求啊 !

51 錦上路方向, 郊野公園站起落山除o左雷公田其他 5 個站都必停

原帖由 y512516 於 4/1/2013 23:34 發表
佢講既必停站係米指好多人上既站呀?
我真係醒唔起邊條線有五個必停站咁多......

51 錦上路方向 5 個必停站；荃灣方向 6 個必停站

原帖由 kokchun 於 2013-1-4 21:31 發表
唔使講邊條線啦吓

啊司機大佬
雖然架車得我呢一個賤客姐
你都唔使有站飛站
飛到連必停站都唔停下話
生命誠可貴啊 ching

係九龍本土線呀，新界本土線呀，港島本土線呀定係過海線呀?

話說小弟試過坐 91 某康豪尾班車，係科大得我一個上車，直出去彩虹
又咁 arm 沿途無人等車，沿路燈位又順晒，師兄手車又超快
但個師兄無停德望!!
由科大一直開車落到彩虹先停車，好似坐的士咁 10 分鐘都唔駛
落車時我隻腳驚到係咁震......

又飛荃錦的51....架車仲得你一個客

樓主你係唔係上左......

好驚驚....

先莫講有無犯法或者犯下巴士公司內部守則

如果係連續一段斜路有相連幾個必停站，巴士司機係接近空車時只揀其中一個必停站停車
咁做有無機會比起停足幾個必停站好少少？

空車同埋短時間內多番將巴士減速至完全停下，會唔會反而對剎車系統增加無謂既負擔同損耗呢？
落斜路停必停站似乎係必需，不過如果係車速不高而且減速器運作正常下短時間內連續測試剎車多於一次而造成額外無謂損耗，似乎有少少矯枉過正、本末倒置

純粹以一知半解汽車同駕駛知識發問下，想問下到底係完全遵從巴士公司所有站牌指示好，定係普遍巴士司機平日操作已夠晒安全呢？
同類問題雖然唔算經常出現，不過幾年之間都見過三幾次，可惜通常最後都會扯到去"應否投訴司機之類"既爭論度