正常走得出外邊影巴士嘅, 照計唔會唔明白巴士難影噃, 如果相比其他交通工具, 巴士 (及其他路面交通工具) 隨時係最難影的。火車和飛機有固定軌跡, 亦很少機會會前面忽然有嘢阻住, 而船所在的海上交通也不如路面繁忙, 也不會有路人。
至於巴士, 除了隨時人阻車阻, 甚至雀仔阻, 飛起的垃圾阻, 就算係架巴士本身, 有時意外地行了慢線中線快線, 都令你大失預算。但正因如此, 呢個才是影巴士獨有嘅樂趣, 亦令到每一張巴士相都係非常獨特, 背景千變萬化, 多姿多釆 (爆框勁長 zoom 例外), 每當好難得或失敗多次才影到一張滿意的巴士相, 嗰種成功感滿足感外人是無法明白的。
如果唔接受在外邊影巴士相固有的挑戰, 要全世界的其他人和物都要遷就你, 郁啲就貼人張相上網發洩, 咁影巴士相呢樣活動絕對唔係你所想的樣子, 我會建議你放棄, 以後改影第二樣喇。
至於 Last Day 影相問題, 我冇特別意見, 有人喜歡平日影, 有人喜歡 Last Day 影, 有人喜歡平日又影 Last Day 又影, 每人喜好不同, 有心或者無心就如何, 當愛國都不是必須時, 人哋對一架巴士有心定冇心關你咩事? 旁人根本無資格批評, 「追車不是 Last Day 才追」, 根本不成立, 貼人相上來發洩, 直情無品。 |
