歲月留影(1)：穿梭東九龍的鴨(多圖)

呢幾年係80N搜羅左好多以前嘅巴士相
可能有人覺得我好浪費錢,但其實係好有意義同價值
因為可以睇番樓下線以前主要係掛邊款經典嘅車型
以及不同車型同路線嘅變化

「歲月留影」主題係取自ATV近日開嘅新頻道：歲月留聲
呢個台係播番以前ATV/RTV年代嘅自家創作劇集,讓觀眾回味一番
但可惜嘅係,「歲月留影」嘅相片並非全由本人自家拍攝,只係外購相而已...
不過我都想籍住呢個機會同大家分享我嘅收藏,似頻道「歲月留聲」咁
讓各位大大緬懷一番~

第1集係初投入服務,至晚年仍繼續服務於東九龍嘅鴨車
對於90後出世嘅我而言，鴨車比我最深刻嘅感覺唔係佢嘅爬山性能
而係下層司機位旁邊嘅單丁位同黑色大型嘅引擎箱
記得父親帶我搭車番幼稚園時，父親係都要我坐落個單丁位度
細個我當然唔肯啦,一黎我果時唔鍾意自己一個人坐
二黎個位太矮,坐得好唔慣,...
最後都係被父親逼左去坐,個時真係好唔開心
甚至寧願企都唔想坐呢個「孤獨位」...

另外,個時都諗唔到點解呢款車同其他車特別唔同
司機位同通道嘅距離差好遠,中間仲有舊黑色野阻住
後來先知道入面舊黑色野原來係引擎黎,款車叫「鴨車」
但係當知道嘅時候,鴨車已經不知不覺間失蹤晒
換黎嘅係大量嘅三軸熱狗同冷馬
最估唔到嘅係,個時同父親搭過幾次嘅鴨車,原來已經踏入晚年
而家諗番起,個單丁位其實都唔係咁討厭,而係鴨車嘅一大特色！

鴨車(全為外購相)：

























































歡迎討論！