與其搞亮點工程，不如俾區議會開辦巴士服務

報張報導話思歪打算每個區議會撥款一億搞咩「亮點工程」（呢個名非常強國化），於是各區區議會正磨掌擦掌天馬行空準備起啲唔知有無人用嘅嘢。忽發奇想，與其用啲錢嚟起一個唔知有無人用嘅狗公園，不如俾區議會牛刀小試搞地區巴士公司。

具體方案：區議會用4000萬購車15部（可以考慮買單層甚至小巴），1000萬作初期營運資金如招聘，員工開支，設置站牌及宣傳等，另外5000萬作備用及發展資金，巴士維修保養則全部外判，寫字樓就借用民政處辦公室及區議會會議室。

設置路線：
1）第一類：巴士公司成日話蝕錢要取消，但區議員又話好有需求嘅路線，由區議會接辦，自己承擔風險。

2）第二類：明明需求好大但巴士公司又話唔夠資源加車嘅路線，由區議會加入經營，加車輔助賺取利潤。

議員成日對巴士服務意見多多，好多建議似是而非。而家俾資源俾你班議員做一份，如果真係有料嘅，地區巴士公司經營有道應該可以賺取利潤擴充，甚至有盈餘補貼區內民生工程。反之，如果班議員假大空只識玩「成功爭取」，巴士公司自然經營不善，最後蝕晒一億就離場。

區議會權力大，鐘意開線就開線，運輸處都要忌佢幾分，開線彈性極高。不過巴士公司就慘啲，監管機構突然變成競爭對手，油水線分分鐘俾人分一杯羹都唔敢反抗。不過與此同時，但如果地區巴士公司只肯開賺錢線而唔肯接手蝕本線，連區議會自己都覺得無需求時，咁巴士公司都大條道理可以取消。

小區巴士(Community bus)吧
前者：http://ja.wikipedia.org/wiki/%E5 ... F%E3%83%90%E3%82%B9

其實有少少像某些屋苑搞的居民巴士
但服務對象相對上較廣

[ 本帖最後由 avianwind 於 2013-1-11 09:02 編輯 ]

如果比區議會搞巴士服務，勢必會修改現時的專營權政策，
容許任何公司開辦專營巴士服務（即係回到1932年未實施專營權政策的時代）

原帖由 eric278 於 2013-1-11 09:09 發表
如果比區議會搞巴士服務，勢必會修改現時的專營權政策，
容許任何公司開辦專營巴士服務（即係回到1932年未實施專營權政策的時代）

講頭唔講尾，講d唔講d。

樓主所講既講明同宜家既屋村巴士類似，咁又邊洗修改專營權政策呀？

不過樓主所講既未免太理想，第一政府唔會俾錢你班區議會較飛，外行
人做內行野，二黎開得一條線服侍得邊個區域？拗得黎果一億都aug臭啦。

原帖由 HY671 於 2013-1-11 10:36 發表


講頭唔講尾，講d唔講d。

樓主所講既講明同宜家既屋村巴士類似，咁又邊洗修改專營權政策呀？

不過樓主所講既未免太理想，第一政府唔會俾錢你班區議會較飛，外行
人做內行野，二黎開得一條線服侍得邊個區域？拗得黎果一億都aug臭 ...

問題是樓主所指的兩種巴士路線類別：

1. 接辦現時專營巴士公司蝕本路線
2. 加入營運現時專營巴士公司需求大的路線

實際上是讓區議會加入專營巴士行列，肯定涉及修改專營巴士政策。

原帖由 eric278 於 2013-1-11 10:47 發表

問題是樓主所指的兩種巴士路線類別：

1. 接辦現時專營巴士公司蝕本路線
2. 加入營運現時專營巴士公司需求大的路線

實際上是讓區議會加入專營巴士行列，肯定涉及修改專營巴士政策。 ...

前者等於796咁，以小巴線取代冇客大巴線，只係樓主建議用非專利巴士取代，
後者等於而家部分地區既村巴同專利巴士線重疊，例如798同一眾將沙村巴線，只係樓主建議比區議會自己搞。


唔明點解要將咁簡單既野複雜化。

原帖由 3AV53 於 2013-1-11 11:15 發表
前者等於796咁，以小巴線取代冇客大巴線，只係樓主建議用非專利巴士取代，
後者等於而家部分地區既村巴同專利巴士線重疊，例如798同一眾將沙村巴線，只係樓主建議比區議會自己搞。


唔明點解要將咁簡單既野複雜化。 ...

不過現時政府的運輸政策，是避免以非專利巴士取代專利巴士及專線小巴。
樓主這樣的建議有可能與現時的政策有衝突。

說老實,如果區議會走去做巴士,只會失敗收場

60年代大嶼山九巴撒出,於是d村自己搞巴士,搞左幾年
結果要新大嶼山成立一通天下

官搞生意,應該係搞私人企業都無興趣而對大眾有益既事,
正如一塊地可以起樓起公園,私人企業真金白銀買地起樓
當然合理,因為要考慮成本,政府用地起公園起體育館泳池
係對大眾有益

近年巴士線問題,說實話只係大家唔肯妥協,開新線要殺舊線
是常識吧,無可能無新資源下就開到新線,當議員們不考慮成
本只考慮自身利益而做生意,後果只係大白象,又或是搞亂秩序

當大家話政府既作監管又作港鐵大股東都無法控制票價,而
家都要地方議會搞巴士,我想唔通對民有幾大益處,倒不如囉
個一億起番間圖書館或公園更實際

原帖由 053h4 於 2013-1-11 12:15 發表
其實, 有時真係地區人仕想開村巴, 運吉同專利巴士公司唔比WOR

如果真係科水比區議會買十幾架車, 以微利保本方式定會, 都未必一定唔好

問題來了.
區議會買的車, 究竟係AM牌政府車, 抑或區議會開一間公司keep住呢批車? 咁呢間公司又是否法定機構?
定還是區議會搞公開招標, 然後將筆錢注資落中標公司度? 咁咪即係用公帑搞利益輸送?