關於收車及出車期間私牌輕鐵列車的行走問題

在收車及出車期間，照計那些私牌輕鐵列車完全冇需要停站載客，但點解港鐵都要刻意要求它們經過每個站都要停站叮一下才能繼續開車，而不是盡速飛過每個站？

純綷個人估計: (1) 輕鐵冇得爬頭, 就算俾你全速前進到頭來都係被前面載客車頂住; 人開你開, 人停你停, 跟車太貼, 易生意外; (2) 埋站停車再開車較安全, 以免危及在月台前後過路的人, 他們或者 expect 車會停下而掉以輕心。

以前私牌車真係唔停站的..
埋站都最多係慢速咁去...係近一兩年先要停。

其實大前題都係安全姐..

現在M-train私牌也要停站，候車乘客真的等私牌車開門。

[路過]
係唔係唔應該用「私牌」呢個純巴士術語呢..

＊記得以前成日有人講鐵路唔好用「蛇車」
　因為只有「加班車」，而無「蛇車」

輕鐵只有 載客列車 同 不載客列車
雖然喺輕鐵用個列字未必準確
但點都好過咩C牌

其實輕鐵同重鐵唔同的係,要經過行人過路處,如果不載客輕鐵全速過站,萬一前面有人突然出現,司機不能夠及時剎車,車傷人會刑事檢控和停職。就算一邊行一邊叮,總有人刻意同輕鐵鬥快過馬路,所以為安全起見,不載客輕鐵先停站後叮走。
另外,近年輕鐵若在行人過路處或路面交界處遇上對頭輕鐵駛過,兩者必須慢駛,幾時開始執行?
有時在非繁,見到司機明知當前列車為單卡,但點解當前面單卡在第一卡位置埋站上客,該列車仍未埋站,要等前面到車開走先駛入月台載客呢?係唔係公司規定?

原帖由 groom1002 於 2013-1-13 22:27 發表
其實輕鐵同重鐵唔同的係,要經過行人過路處,如果不載客輕鐵全速過站,萬一前面有人突然出現,司機不能夠及時剎車,車傷人會刑事檢控和停職。就算一邊行一邊叮,總有人刻意同輕鐵鬥快過馬路,所以為安全起見,不載客輕鐵先停站後叮走。
另外,近年輕鐵若在行人過路處或路面交界處遇上對頭輕鐵駛過,兩者必須慢駛,幾時開始執行?
有時在非繁,見到司機明知當前列車為單卡,但點解當前面單卡在第一卡位置埋站上客,該列車仍未埋站,要等前面到車開走先駛入月台載客呢?係唔係公司規定?

慢唔慢駛過交匯處係車長決定, 只要無人衝出黎或夾响路軌之間, 就慢駛都得.
早前建議輪椅客於頭門等車, 方便車長察覺同處理, 所以不論有無輪椅客, 都盡量車就客.