點解地鐵D車車窗咁污漬?

我用地鐵講,係呢個問題大多發生係前地鐵既路線上
市區線D車,用左廿幾年,D車窗滿佈一D又黃又黑既乾水污漬,都情有可原,而且反正行地底多,乘客用窗既時間亦比較少
但東涌線D車又係咁,就算車齡比較少既K車亦一樣,行大嶼山公路時,天氣越好就水漬越現
有時發覺連最新既長春車都開始係咁?

問題出現係邊?
公司有冇正視過?

問題只係在於幾樣嘢
1. 觀塘綫、荃灣綫、東涌綫等露天段多，自然雨水塵又多
2. 即使有洗車機洗車，架車咁長，其實最後水漬同塵一齊留響車身形式水漬
3. 唔好以為行地底就無塵，你睇吓幕門上面組件，一樣係好多塵
洗完車果D玻璃窗唔係好似麥記咁有人用水刮人手刮乾淨，而且唔係每日都會洗車，搞一次洗車身其實都幾花時間。

其實東/西鐵甚至輕鐵都會有呢D問題

唔知有冇關, 就係以現時環保標準, 洗車水唔係洗一次就當污水排走, 而係重覆再用. 當中有乜過濾程序唔知啦, 總之對外觀唔太大影響都只會就咁算

東鐵的千九都是比馬鐵和西鐵用的污糟，會否跟行露天段較長有關？

車窗淚痕由將線開始, 幾年前其他線都無事, 但將線車輛特別污穢, 車窗不單有淚痕,
車邊去水位非常污黑. 後來K車換入時, 前將線車輛流入其他線時, 雖然仍有淚痕,
但其他污跡有點改善. 可是其他線從此亦開始惡化, 東涌開始車窗有淚痕. 問題是因為循環用水,
定其他原因, 事實上多年來, 地鐵車窗一直清晰的, 不知何時開始, 污跡車窗越來越多了.