[東方日報]脫班率最高 新巴遭警告

得啦樓主，知你又係度玩諷刺喇，你假撐新巴，你唔悶好多人都悶。

言歸正傳，新巴營運近期越黎越差而無乜認真解決係事實，即使係同一個集團，
都可以見到三個營運部進取程度都各有不同，連九巴都進取過佢，俾人警告可以話係遲早的事....
當一間公司到咁上下，只係食老本，唔換下人創新下思維，只會越走越遠....

原帖由 PS8851@182 於 2013-1-18 11:05 發表
http://orientaldaily.on.cc/cnt/news/20130118/00176_020.html

新巴脫班一定係受交通阻塞，道路工程等因素影響，絕對係逼不得已！



而且，係脫班與不脫班之間，我哋個空間同商量餘地係好大嘅！時間表調整左，部車最終黎左，個脫 ...

又學埋某d人嘅抽水風格, 煩唔煩啲呀
抽少陣水會變乾屍?
-----------------------------------------------------------------------------------------------
新巴車長流失一定高嫁喇, 當年大部分中巴過檔果批車長,
依家都咁上下年紀, 加上又少新人入行, 只會越黎越少車長...

原帖由 nwfb94A 於 2013-1-18 11:32 發表

又學埋某d人嘅抽水風格, 煩唔煩啲呀
抽少陣水會變乾屍?
-----------------------------------------------------------------------------------------------
新巴車長流失一定高嫁喇, 當年大部分中巴過檔果批車長, ...

人地九巴超級忠實 fans, 一有機會就將新城踩到變地底泥,
有人話九巴唔好就話人打手, 都唔係第一次見架啦

九巴早幾個月係咁改時間表同加時, 將脫班常規化至時間表內,
果然有效, 個脫班率即刻低番
但我等車時間又唔覺有好大分別
你睇佢脫班投訴數字按每架巴士計, 仍然處於好高水平
希望新巴唔會又學埋呢招, 名義上減班去壓低脫班率

[ 本帖最後由 Quanta 於 2013-1-18 11:40 編輯 ]

脫班率高其中一個主因應該是23或者970系了

但話交通情況差左確是事實（三間巴士都異口同聲）

==
參考：過去3年脫班率3大地區（九龍城、深水及油尖旺）脫班路線
11年 http://gia.info.gov.hk/general/2 ... 0213_0213_91867.pdf
10年 http://gia.info.gov.hk/general/2 ... 0213_0213_91865.pdf
09年 http://gia.info.gov.hk/general/2 ... 0213_0213_91864.pdf

[ 本帖最後由 avianwind 於 2013-1-18 12:02 編輯 ]

甘本成個南區都脫班率高

90，590A永遠唔見影 但系590又有喎 即系迫人搭貴車啦
38,42就任佢開既
夠膽兩部38連住一齊尼，同時72冇車 又迫人搭貴車

等18又系等唔到，18P尼幾架都唔見一部18 又迫人搭貴車
上次等590A，等左45分鐘，唔洗講啦，打上新巴問
點知佢又話有「緊急事故」所以要耐o的，之後又話香隧塞車
但我竟然不斷見到有90,97,75,37B,埋站，仲唔止一架

真系火都尼啦
新巴？冇心做就唔好做啦

原帖由 053h4 於 2013-1-18 11:22 發表
咩地區脫班勁?

我覺得薄扶林道各條新巴線的巴士班次, 南區區內線, 同呢排42/38班次都正常
970就無得好講啦, 唔做野有佢辦法

會不會係隧巴、經灣仔區同香隧線?依D線去到大時大節、遊行示威又或者係出現大客流就無班次可言(eg 23、8、970、106、2A)

原帖由 Quanta 於 2013-1-18 11:38 發表


人地九巴超級忠實 fans, 一有機會就將新城踩到變地底泥,
有人話九巴唔好就話人打手, 都唔係第一次見架啦

九巴早幾個月係咁改時間表同加時, 將脫班常規化至時間表內,
果然有效, 個脫班率即刻低番
但我等車時間又唔 ...

同意，其實新巴學九巴咁改時間表令「脫班常規化」，又或者再簡單 D，要將 D 路線班次學 276P 咁改晒做 5-32 分鐘一班，咁就一定唔會有人投訴脫班啦。


回覆樓主既行文,
其實呢度留得言都係巴士迷,
如果九巴之前係服務合理,
邊會咁多板友「群起聲討」九巴?


比起其他專營巴士公司,
九巴既路線覆蓋全港最多的地方,
我記得好多年前, 雖然我未有 account,
但我只記得 italk 有 post 話板友淨係貼九巴巴士相, 新/城/嶼巴冇人理,
極少會出現大量板友聲討九巴的討論。


我覺得作為巴士迷, 支持同擁護自己喜歡既巴士公司唔係問題, 但都要理性。
況且, 如果真係想自己擁戴既巴士公司好, 與其不斷冷嘲熱諷「討伐」的言論,
不如一齊諗下辦法, 點樣幫自己鐘意既巴士公司改善? 同時又可以保持論壇既討論氣氛。
就算而家九巴的確有改善左, 但想法始終係想法, 你要比少少時間其他人對九巴改觀, 亦無所厚非。
無他, 鬼叫九巴之前咁離譜。


言歸正傳，喜見九巴脫班率有改善，
但九巴脫班率下降亦都證明到，
之前九巴既 7.3% 脫班率，
唔係九巴迫不得已不能解決，
只係唔殺到埋身都唔做野
(縱使九巴做既野可能只係改左個時間表反映實際營運情況)。


另一方面，誠然，新巴質素確有倒退，
姑且睇下新巴情況會唔會都能夠改善。
但願九巴 7.3% 的紀錄唔會被打破吧!
(我唔係打手呀, 我都係講事實, 邊間公司脫班我都唔想)


另一方面，
申訴專員公署早前公開表示會主動調查運輸署於處理巴士公司脫班有否問題，
嚴格黎講新巴脫班率都係4.9X%，
未去到好似九巴7.3%咁誇張，
未知這申訴專員公署的行動是否令運輸署不敢再在巴士公司脫班問題上敷衍市民?

[ 本帖最後由 kks 於 2013-1-18 18:13 編輯 ]