天水圍真悲哀!

原帖由 wingho_cwh 於 2013-1-21 20:02 發表
剛剛睇左一段評論, 題為"港鐵．圍城", 關於天水圍既社區設計, 睇完真係覺得眼火爆
(http://www.lionrockinstitute.org/chinese/index.php/2010-04-30-02-25-48/37-2010-01-20-10-32-01/2852-2012-11-21-03-24-22)

...

又係香港常見既「爭取型組織」亂吹既欠缺科學性既分析。好多時香港人既形象就係俾呢類組織連累了。

總唔諗下專利巴士可以做到既加減速度通常都比鐵路車輛的大，而小巴可以做到既加減速度通常亦比巴士的大，仲有小巴可以做到既最短上落客的時間通常亦比巴士的短等因素。

比較各種交通工具時間上既優勢，事實上「平均速度」才是最客觀既指標。香港就算行唔少快速公路既專利巴士路線，全程既平均速度可以去到4X其實已經都算唔錯。當然小巴可以做到既平均速度通常都可以比專利巴士的高，而私家車更加唔駛講，只要在交通暢順既情況下，可以做到既平均速度幾乎總是都保持領先。因為「平均速度」這個指標，例如停多些站、停站停耐些、上唔到車而要等下班車等情況都會使實際既平均速度不斷拉低。

所以有鐵路直達既地方並不一定等於乘搭鐵路最有優勢。獅子山學會應該要例如詳細比較一下乘搭各種交通工具各自可以做到既實際平均速度先至好好出黎講野。

其實香港都仲算有巴士可以生存既空間。試下如果學下日本咁樣開多幾條特急鐵路線，我相信這才是真正令更多巴士路線到了死期。

[ 本帖最後由 paul2357paul 於 2013-1-22 09:23 編輯 ]

原帖由 3AV53 於 2013-1-21 23:36 發表
篇文講既係將軍澳去天水圍。

不過唔知佢講既將軍澳係邊度，
單純講時間唔計車錢，
除左將軍澳站同調景嶺外，
山上搭98A,寶林搭10M,坑口搭11，尚德搭296A轉269C應該都快過全程港鐵。 ...

入天水圍同入元朗應該差唔多時間
記得尚德搭296A轉268C 只係需要約45分鐘
如果坐地鐵轉西鐵既話 同樣既時候我只係去到荃灣西站...

原帖由 3AV53 於 2013-1-21 23:36 發表
篇文講既係將軍澳去天水圍。

不過唔知佢講既將軍澳係邊度，
單純講時間唔計車錢，
除左將軍澳站同調景嶺外，
山上搭98A,寶林搭10M,坑口搭11，尚德搭296A轉269C應該都快過全程港鐵。 ...

坑口應該坐102系出觀塘轉會比11系出彩虹快

粗略睇過，暫時只講幾句，雖然輕鐵麻麻，但比起其它某D地區，區內穿梭要靠巴士/小巴，如果出發地或目的地其中一邊係市中心還好，如果兩邊都唔係市中心，就下下要等半粒鐘，兼收成$5-6(可能只有區外線)，就係搭o個最多十零分鐘；小巴呢，就載得o個16人仲成日爆，而且不論巴士小巴，轉港鐵都冇任何轉乘優惠，畀足晒兩邊錢，相比之下，輕鐵其實算係咁！

就算同樣係輕鐵地頭，天水圍都係比較好，至少經常有雙卡，屯門就成日得單卡。

都係o個句，成日話輕鐵差巴士好，有冇唸過點解？如果冇輕鐵做對手競爭，屯元天D巴士仲會做到咁好？

怪就怪作者完全不了解天水圍交通,天水圍點只有輕鐵西鐵,天水圍有超過10多條巴士線,有直達荃葵青,東西九龍,沙田,港島,上水,仲有深圳灣,東涌機場,而且班次較頻密,反觀將軍澳巴士過海線因被港鐵打殘而不斷削減服務,沒有直達荃葵青巴士線和過境線,只能搭港鐵,你話邊區最慘?
其實這文章有很多漏洞,例如真是想表達港鐵霸權,不好只針對天水圍,應該找其他區(例如北區)作類比,否則一陣被人話歧視天水圍居民!另外除天水圍禁止紅色公共小巴駛入,將軍澳都係,所以這論點不能當作天水圍交通不便的理由。
除非這文章不單講天水圍交通逐漸被港鐵壟斷,將軍澳都有類似現象,而且仲提及天水圍交通費昂貴,這文章或多或少使讀者贊同。
真心講一句:唔該寫依篇文章前,查好當地實際情況才寫,唔好認叻扮代表!

[ 本帖最後由 groom1002 於 2013-1-22 14:56 編輯 ]

原帖由 groom1002 於 2013-1-22 12:33 發表
怪就怪作者完全不了解天水圍交通,天水圍點只有輕鐵西鐵,天水圍有超過10多條巴士線,有直達荃葵青,東西九龍,沙田,港島,上水,仲有深圳灣,而且班次較頻密,反觀將軍澳巴士過海線因被港鐵打殘而不斷削減服務,沒有直達荃葵 ...

將軍澳(調景嶺,坑口)有中旅過境線
雖然唔係全日,但都cover到主要人流方向

原帖由 kmb113 於 2013-1-21 20:56 發表
點解會係霸權??? 全因政府個輕便鐵路有優先路權個政策，分分鐘好多時一個路口綠燈半架車都過唔到就轉紅了~!!!

凌晨五點幾天秀路西行與天瑞路交界因應有輕鐵，可以等成五分鐘

我覺得天水圍的巴士路線尚叫完善， 不過只是車費因大欖隧道的關係而比其他鄰近地區貴.... 有點不公平...