天水圍真悲哀!

原帖由 何老闆 於 2013-1-24 13:49 發表
我覺得天水圍的巴士路線尚叫完善， 不過只是車費因大欖隧道的關係而比其他鄰近地區貴.... 有點不公平...

並非如此
目前行走大欖隧道的巴士線，部份是原先行屯門一段的屯門公路，因大欖隧道通車才改經，
如68M, 68X, 69M, 69X, 968
本身長過往來屯門至市區的路線，所以順理成章地較貴

先生　羊毛出自羊身上
輕鐵自1988年通車以來，單就其主體業務（即不計算為西鐵進行接駁）但連同整個輕鐵巴士的服務，合埋咁多年一直都係虧蝕，蝕幾多則按年衡量，蝕多蝕少始終都係蝕——合併前一路由九鐵過境業績補貼其營運開支，今日則轉嫁自西鐵收入，未計西鐵至今仍然是一條相當年輕的鐵路，仍在回本期，故此，新界西居民面對一個一直無法當力收支平衡的鐵路系統，有乜辦法話有得揀之餘，加價壓力始終係潛藏，爭左唔知幾時又爆咋（尤其係以往輕鐵可以獨立於其他鐵路系統申請加價）

這亦難怪輕鐵服務多年來無寸進，包括用車：除了新支線開通才得到九鐵支持購買新列車外，其實一直要等到兩鐵合併，即通車二十年後才有首次機會非因業務擴展而買新列車取代舊車，與其他幾個鐵路系統的服務時程相比，輕鐵以新車置換舊列車速度遠比其他港鐵線為低，非不為也，實不能也

但更可怕的一點是，輕鐵，以地面軌道與道路平交模式建造，這種模式又稱B 型路權，（A 型路權乃排除性或專用性的路軌於地面、架空或地底下運作，見港鐵的其餘所有線路），香港電車與輕鐵同屬B 型路權。以全球同類系統的B 型路權來說，港鐵的西北輕便鐵路已是全球搭載人次最高　一方面卻旺丁不旺財，紅字未能改！實在厲害！　倘若當年此系統在計劃時首先獲得會德豐旗下的香港電車願意肩負起有關系統的話，今日的運作、收費及更重要的營造成本都將大幅降低，且電車的與香港路面的協調程度更順暢

輕鐵好？　拖卡優勝？　居民滿意：一開始屯門居民無一日滿意過有關服務啦　仲好意思攞單卡拖卡之間黎做比較
簡單玩弄我們，去片自己睇啦 www.youtube.com/watch?v=VyRLQ-XwziY

屯元天巴士服務好唔好唔係你話嘅　係由方便、網路擴張更重要係回應需求所致嘅，這一點根本與輕鐵出現無關
好需要就應該開，政府政策唔應該主動帶頭干預，更遑論輕鐵在當中HEA 做、迫住做、蝕住做，兩者根本唔相干

早年由8 條巴士線、用車不超過60 班巴士嘅人流被迫發展為輕鐵系統　足證這個系統在未有有效評估整個人流最終發展嘅增長潛力，卻嚴重地拖慢當區居民的步伐　一句批晒輕鐵：「何必有我」

港鐵買新列車唔係取代舊車,而是加強服務,不過宜家正在將舊車翻新。

無左輕鐵專區後九記新訂區外缐回大西北後既分段收費都比其他新界市區缐特別平

好似沙田分段差不多條條都5.2，大西北缐回自己區既分段有無咁貴？

原帖由 mckhgc 於 2013-1-22 10:12 發表
粗略睇過，暫時只講幾句，雖然輕鐵麻麻，但比起其它某D地區，區內穿梭要靠巴士/小巴，如果出發地或目的地其中一邊係市中心還好，如果兩邊都唔係市中心，就下下要等半粒鐘，兼收成$5-6(可能只有區外線)，就係搭o個最多十零分鐘；小巴呢，就 ...

之但係輕鐵令呢三區交通出現唔少問題

首先元朗區,大馬路係元朗主要道路,睇番以前元朗大馬路既相,大馬路係非常寬,輕鐵既出現令大馬路變窄
私家車.貸車.巴士等等交通工具就咁活生生係大馬路白等7-8分鐘先走到
一出事成條大馬路就死晒,想走等清場
到依家既大馬路,雖然下有公路上有分流,但車依然行大馬路
面對巴士加班,大馬路既車有增無減,繁忙時間無12-15分鐘都唔好諗可以走
輕鐵係元朗區主要區內交通,事實上輕鐵無法繁唔繁忙時間都係一堆人係車站度,至少我未見過車站有零丁既人
但係我認為輕鐵無能力清理到呢班客,大馬路兩邊人流不斷加入車站等候,半分鐘一班都未必清走呢班客
大馬路人車輕鐵搶路,已經令元朗成為輕鐵三區中對路面問題大既一區

另外天水圍區,天水圍不斷發展,交通配套係三區入面算係最好既一區,個人又認為係輕鐵影響最少既一區
不過天水圍北區內交通燈多到嘔泡
由天恆坐K73到天慈,最少時間10分鐘左右最慢15分鐘左右,15分鐘有1/4都係停燈,呢堆燈完全影響行車時間
以264M為例,無30分鐘都無可能走出天水圍同元朗,一黎大兜水圍又白等燈位,二黎塞係大馬路又兜博
輕鐵係呢區算成功,多雙卡又有兩邊循環,要處理西鐵客夠輕鬆
事實上係難為巴士係天耀要「己」字型兜同埋白等輕鐵

最後屯門區,屯門區內交通尚算正常,輕鐵對路面影響不及元朗大,不過問題最大反而係輕鐵
自輕鐵建成,客量有增無減,到西鐵+種種優惠,客量有激升
由多年前有大量客住輕鐵去元朗同天水圍,到依家西鐵接駁,西鐵兆康站同屯門站令輕鐵既負載能力爆破
屯門站更加係有車無位無得上,我自己試過有4班都未可以上車,可見輕鐵服務有不足問題

原帖由 eric278 於 2013-1-24 14:26 發表

並非如此
目前行走大欖隧道的巴士線，部份是原先行屯門一段的屯門公路，因大欖隧道通車才改經，
如68M, 68X, 69M, 69X, 968
本身長過往來屯門至市區的路線，所以順理成章地較貴 ...

68x改道後係由$10/$14.5->$12.5，貴？

原帖由 89B 於 2013-1-24 18:40 發表
無左輕鐵專區後九記新訂區外缐回大西北後既分段收費都比其他新界市區缐特別平

好似沙田分段差不多條條都5.2，大西北缐回自己區既分段有無咁貴？ ...

因為老九有短途總，自己長途搶短途係咩想法？
大西北毛都無條....平到準除左對輕鐵有影響外有何影響？

算啦　加強完服務　一樣又係殺線
又係疏車

買新車買得慢　翻新翻得遲都係佢架啦　唔洗撐啦
撐極佢嘅惡名都係衝落山貝河都或者青山灣都係洗唔甩架啦：拖長過路口時間、無法與汽車道路分層處理、班次不令人滿意、車箱擁擠、難以坐位、區內通勤無法點到點直線聯繫　仲要蝕足咁多年！

原帖由 jocosben 於 2013-1-21 20:15 發表
老實講我覺得北區仲差

只能說有人生在福中不知福
輕鐵網絡, 相比起北區果堆咩273A呀, 70K呀, 73呀, 輕鐵算係好好啦
跨區短途來說, 大埔<->北區 vs 屯門<->元天, 輕+西鐵點都好過咩 502, 73, 73A 啦
輕鐵係衰在站台太細, 太多圍欄阻礙流通 (兆康及屯門除外), 常遇到騎騎呢呢的乘客

原帖由 groom1002 於 2013-1-24 17:07 發表
港鐵買新列車唔係取代舊車,而是加強服務,不過宜家正在將舊車翻新。

翻新完仲衰過未翻新先死