102銅鑼灣走線數問

小弟早一兩個星期前搭九記102,去到http://goo.gl/maps/XkLwc呢個位置既時候,師傅冇好似平時咁轉左,反而係直行入維園道慢線,去到http://goo.gl/maps/tz06b呢度先cut返入去埋站(當時架車未頂閘) 我亦試過搭九記102喺炮台山已經頂閘,但去到上述分叉路都會跟平時轉左,跟住飛站
其實有冇規定過巴士去到上述分叉路一定要轉左?因為當內告士打道塞死既話,有時直行既話會冇咁塞,慳返D時間
另外就係近呢幾個月搭102嗰陣,多左司機鐘意上堅拿道天橋入紅隧,少左司機會行杜老誌道天橋,有冇版友知點解,定係純粹小弟錯覺?

原帖由 t105 於 2013-1-24 02:45 發表
另外就係近呢幾個月搭102嗰陣,多左司機鐘意上堅拿道天橋入紅隧,少左司機會行杜老誌道天橋,有冇版友知點解,定係純粹小弟錯覺?

一來鴻興道很多時會有的士等候入石油氣，二來又有中環及灣仔繞道工程，所以便經常塞車。

車長可以按當時交通情況自行決定行
杜老誌道天橋/堅拿道天橋/告士打道天橋,
即使係連續兩班車拖卡行, 唔同車長可按
個人經驗揀唔同路線, 樓主可能多數搭到
行堅拿道天橋嘅師傅.

原帖由 t105 於 2013-1-24 02:45 發表
小弟早一兩個星期前搭九記102,去到http://goo.gl/maps/XkLwc呢個位置既時候,師傅冇好似平時咁轉左,反而係直行入維園道慢線,去到http://goo.gl/maps/tz06b呢度先cut返入去埋站(當時架車未頂閘)

因為上年年尾油站外面完成擴闊，行維園道慢線都唔一定要入加寧街路口，可以直去到景隆街路口先 cut 返入去
(以前要行維園道快線先可以咁做，但快線通常都塞過慢線，所以無乜人會咁行)

呢個行法正正係擴闊條路的原意，目的係紓緩怡東外及加寧街路口的車流量，仲因此拆左一個油站同搬一個垃圾站，
事實上又真係快左 d (除非係好塞的時間)同停少盞燈，所以越黎越多唔駛停百德新街站的巴士都會行油站外面。

[ 本帖最後由 da54 於 2013-1-24 10:07 編輯 ]

原帖由 da54 於 2013-1-24 10:05 發表

因為上年年尾油站外面完成擴闊，行維園道慢線都唔一定要入加寧街路口，可以直去到景隆街路口先 cut 返入去
(以前要行維園道快線先可以咁做，但快線通常都塞過慢線，所以無乜人會咁行)

呢個行法正正係擴闊條路的原意，目的係 ...

係咪都係師傅自己決定架? 最近試過唔同時段搭102過九龍, 咁岩都係城巴車.
早上非繁時冇乜車係會直行, 但下繁轉彎位塞死晒, 但直行冇乜車都照轉彎

至於堅拿道天橋問題... 好睇師傅取態既啫.
最近搭幾次都有機會行告士打道果條U TURN