年年都想33A縮到美孚, 你真係認為會成功?

又要我loop多一次年中本版上面講左唔知幾多次既points

原帖由 dippy 於 2013-1-31 15:32 發表

但依家又係咪計過哂做到先?
唔好忘記依家6D一單連休係多過原有好多
加完車係做唔到11分一班車
僅能維持約12-14分一班(講緊依家係比到1小時10分定1小時20分一單咁跨張)
就係多年碌車既成

故如困當佢要做番11分一班 ...

我手頭上無6D詳細更表，但係連續開15分一班的時段係唔止兩個鐘，
換言之果D時段入面，一轉實際都只係俾兩個鐘行。

仲有就算話繁忙時間開到10分鐘一班，都唔代表要足一轉時間開10分一班，
可以係最繁忙果一個鐘開10分一班，其他時段拉返到12或者15都得，
都係按需求拉密一d時段姐，有咩問題？

6D唔延長既話，就算唔加車，要做足一轉時間12分鐘一班係無問題。

40主要服務地區係做做緊深水埗, 九龍城客
性質同38, 42C風馬牛不相及喎
又轉移視線?

咁40係咪無做緊荃灣客同埋觀塘客先？

何來15-20分嚟兩架?
6D繁時15, 非繁20
40繁時12, 非繁15/16
繁時等都係10零分鐘就有一班, 根本唔駛15-20分
都係果句, 唔信可以自己去睇下兩條線出車情況

我諗你應該都好清楚，唔係去到彌敦道流水咁多客既話，
用一條線做好過兩條線互打而又做唔到聯合班次。

當年6/6A夠比合併後的6號仔派多幾架車，實際新6仔的班次服務水平仲好過6/6A夾埋

觀荃有九龍灣分支, 根本唔係是必要坐倒頭車
而且唔想坐既人一早坐左鐵
坐40根本快唔過坐鐵

42C東行
http://goo.gl/maps/QJrQh
7.7公里, 10分鐘, 5個站
40東行
http://goo.gl/maps/Uie4W
10公里, 14分鐘, 7個站
點平行法?
睇嚟你啲所謂數據, 同狼生啲語言偽術一樣喎
落車站位贏埋, 都唔夠輸車程, 輸班次啦
結果就係除左美孚, 荔枝角
40一樣吸唔到觀荃客

九龍灣-荃灣紅小係咪全日服務？德福/淘大/牛頭角下村/三彩/樂華有冇得搭先？

我一路係強調緊42C/新40出到觀塘會打和，而唔係話去到黃大仙打和囉。
新40係直行鑽石山，42C要入新蒲崗，已經抵銷左40停美孚而42C唔停。

新40由荃灣巿中心往返觀塘巿中心預計約九個字，算係合理時間，仲要比港鐵平九毫子，
對觀塘山上/荃灣周邊轉乘客來講差距更明顯。
你無必要一而再再而三聲稱40吸唔到觀荃客，40吸到大把新客已經係呢度的共識。

98A果啲係有轉乘比15, 215X等線既, 唔好亂嗡喎
296A
98A
唔好忘記
38仲有藍田-黃大仙呢個功能
大把人寧願坐38都唔想落山迫港鐵
仲未計人哋轉車
可以係巴士轉巴士, 小巴轉巴士, 甚至小巴/巴士轉鐵/小巴都得
觀乎個人觀察, 38等線觀塘客佔比少於一半
喺呢一半再分出嚟既轉乘客只會更少
都係果句, 轉乘呢啲嘢只係錦上潻花

丫，我只係回緊你#172轉移視線話觀塘山無人用駁腳線轉車去
「有小巴競爭」的尖咀土瓜灣西九（實際尖咀根本無小巴！），推論38轉乘客都比其他新界線少既point喎。

咁，觀塘山果堆駁腳線13M/14B/16M/23M係咪同土瓜灣/尖咀線有轉乘先？
呢D山上地區係咪無其他交通工具直達土瓜灣/尖咀/西九？入新界又係咪一樣？

我唔知你點樣睇到38的觀塘客佔少過一半，
事實係我觀察左十幾年，上繁觀塘入新界，最爆果五條線係38/42C/89X/89/89C，
其次258D/268C七點半之前既班次可以坐滿。
當中38/42C根本係上繁長時間過左觀塘巿中心/創紀之後坐滿，
亦係唯一兩條搞到上繁長期有固定德福起載/彩虹起載既特車既觀塘新界線，
如果唔係有呢堆特車，之後班客根本唔使上。

就算呢班客因為駁腳線疏車而俾多幾蚊用小巴駁腳，佢地最終都係坐返呢堆新界線。
轉乘從來唔係錦上添花，而係晌唔需要開新線的情況下
擴大呢堆主幹線的覆蓋，當然我相信你一路無考慮過
觀塘/荃灣周邊地區居民的利益。

1. 有40唔等於40P全日
等如有千千萬萬個方法開觀荃
唔係必定關40事, 所以九巴做唔做同做唔做到無必然關係

事實就係九巴係用40為40P全日鋪路

開觀荃的確有好多方法，但係其他方法都有bug，
用296C換將觀荃你又唔鍾意、深水步總站區又ban；
用荃葵垃圾線去換，就算區會俾你咁做，換返來果條會係40P而唔係40，兼且麗城/海濱/荃景圍繼續無得用。
40兩邊總站係荃灣同觀塘，40/6D重組已經係最唔繁複而又容易得到兩邊支持的方案。

如果根據你既邏輯, 要"牛頭角道"班人出觀塘道坐巴士/鐵路咁大問題
咁青山道一樣有問題
仲未計青山道更遠離鐵路站
嗱, 係你詁要計受影響程度嫁
咁你係咪雙重標準先

事實上一部載左半車客既40
到底係得60個3深水埗客
定只係上到60個深水埗客先
唔好本未倒置
否則38, 42C黃大仙客一樣唔多
因為難上車

做咩又引號括住「牛頭角道」？

我諗你都好清楚呢個係原則性問題，
而家觀塘道有40、牛頭角道有6D，
晌兩邊乘客平等的情況下（當然我相信你唔係咁諗），
實在無理由因為要填40觀塘道<->西九，而令到原有6D班客受影響，增加受影響乘客數目。
如果係因為40而家行緊觀塘道，所以就要將6D拉出去既話，
咁點解唔可以話因為6D而家行緊入面，所以就算延長都要行入面？

道理就正如你唔可以玩層層疊，為左填一d窿而周圍亂點火頭，
無止境地製造更多更難填、牽涉更多山頭的窿，
將42改行葵涌道入荃灣，搞到青衣同荔景由有變無，迫人用轉乘甚至無補償。
又將30改行葵涌道出石硤尾，之後仲要改埋綠小313去配合，為醫院客製造嚴重不便。
係咪深水步、九龍城乘客特別高貴？係咪為左填呢兩個窿就可以製造另一D窿而唔去填？
係咪填完呢兩個窿就可以拍拍屁股走人，唔去認真理會你填呢兩個窿期間製造的其他窿，由得人自生自滅？
你又點同數目不斷增加的受影響乘客交代？

既然你搞得42，點解唔係索性加返個40<->42轉乘，等九龍城客唔一定要用6D轉車？

一架40得最多60個深水步客，就算有超過60個客想搭呢架40，
亦改變唔到40改走後最多亦只會為其他交通工具增加每12分鐘約60個客的事實。

之前你話38觀塘客比例唔係特別多，而家你又話38/42C黃大仙一樣客唔多，因為難上車，係咪自相矛盾？

[ 本帖最後由 S3BL100 於 2013-1-31 23:54 編輯 ]

原帖由 transbus 於 2013-1-24 20:35 發表
區外人狂想, 33A搭237A, 變成大窩口葵盛至尖咀線,
同時30x放棄美孚至太子客o黎抽車, 得唔得?

如果30X放棄左美孚至太子，冇左沿途去黃埔，紅磡D客支持，淨做荃灣直去一定比兒家少左客，又清唔到212的漏網之魚，博唔過。