未來的車長

原帖由 da93 於 2013-2-11 13:12 發表

老實講,
香港地打工,
諗前途盞你自己痛苦

打工唔講錢講乜...
又可以好老實咁講,...
打工一定辛苦,
問題係辛苦晌邊度,
呢份工貴係貴在風險真係高...
你要負擔咁既風險,
但人工唔係真係高好多,
咁你自己諗... ...

前途就無，萬元多幾雞但十居九位都係大兩尾斷六親又風險高，跟手仲發現原來老底8K都無其如靠獎金

係咁兒都計好數，出面打份開車工最少都唔會老底還老底....做幾多收幾多

講開又講
唔知o係英國渣巴士人工同待遇方面會唔會比香港好?
事關我聽過唔少人講過英國d巴士司機人工幾高
工作時間又冇香港咁長
另外,小弟仲發現香港d巴士司機普遍黎講都比英國果d有禮貌
句句都"先生前,先生後"
英國d巴士司機反而有d真係幾串

[ 本帖最後由 ME 於 2013-2-13 03:22 編輯 ]

原帖由 ME 於 13/2/2013 03:07 發表
講開又講
唔知o係英國渣巴士人工同待遇方面會唔會比香港好?
事關我聽過唔少人講過英國d巴士司機人工幾高
工作時間又冇香港咁長
另外,小弟仲發現香港d巴士司機普遍黎講都比英國果d有禮貌
句句都"先生前,先生後"
英國d ...

完全5覺香港d巴士司機普遍黎講有禮貌
上次撘8P先比個師傅做囗形粗囗鬧

原帖由 JZ3968 於 2013-2-9 13:41 發表
有時見到D穿便服學員在沙田區以外做訓練,
但係無學牌, 究竟係正式成為車長未呢?
呢D通常係操車定操線?

呢d學員本身已有9,10牌，唔需要再經九巴考牌，
咁呢批學員就唔使掛學牌操車，可以周圍去
(佢地仲未係車長，只係有正式資格楂巴士而已)

有d學員則要經九巴考牌，呢批學員就要掛住學牌操車

等全組學員都有晒大巴牌(9,10)後，就開始操路線
操完路線+師傅認可先可以畢業成為試用期車長，
無事無幹(少鋤假/少意外/少投訴 etc)，半年後才成為正式車長

原帖由 ME 於 2013-2-12 19:07 發表
講開又講
唔知o係英國渣巴士人工同待遇方面會唔會比香港好?
事關我聽過唔少人講過英國d巴士司機人工幾高
工作時間又冇香港咁長
另外,小弟仲發現香港d巴士司機普遍黎講都比英國果d有禮貌
句句都"先生前,先生後"
英國d ...

ME 兄咁熟英國巴士反而唔知英國巴士司機人工？

不過其實本人都完全唔知 ，只係從英國大集團巴士公司官網招聘廣告睇 (因為英國呢類招聘廣告好均真的，待遇係以時薪計)
加埋 Bus and coach forum (版友以職業司機為主) 爬文，同埋係英國三幾個城市大約見聞所得：


1. 各大巨頭旗下應該都要跳飛機 (其實好大機會跳飛機制係英國傳入黎的)
Stagecoach 跳飛機跳得比 First 勁，First 係類似港島 41A/42、4/4X、788/789 個類地域較似既路線互跳，
估計大約好似香港新、九巴個種跳法
Stagecoach 有機會係跳得比較辛苦，類似城巴玩法，但平均人工比 First 高，正如港島巴士公司人工好似比九記略高


2. First 或者 Stagecoach 都有 part-time 車長，似乎同香港差唔多，作用係大時大節幫手打仗
全職新入職巴士同火車初級司機人工好似 £8 定 £10 起跳，車廠清潔巴士個位人工時薪大約 £7  


3. 絕大部分英國大集團巴士路線豬紙都係一條線分十個八個定時點，本黎普通城市咁整係幾方便人搭車
但部分大城市會有稽查係中途站嚴格 check 著巴士埋中途站時間，司機早走、遲到 (即係碌車、亂飛車) 係會受 port 的
個人見過 Manchester 有，Glasgow 好似都有，個人感覺若果係有呢類稽查既城市，班司機活在壓力下係明顯比其他地區司機黑口黑面 d
或者 London、Birmingham 呢類地方，繁時又塞車又頂閘，上落車乘客唔該都無句，通常司機手車同待客態度都係差少少


不過有樣野係作為乘客睇見都火火地：英國火車入面個位無所事事行黎行去煩著全車人兼毋需技術查票員
時薪好似 £10 起，實際數字唔記得左，但總之比渣車個位更高
話唔定巴士中途站捉巴士誤點個堆稽查人工都係高過巴士司機，都唔怪得個類城市巴士司機比香港更黑口黑面


4. 每日工作時間超過一工當然有補水，但補水好似係以分鐘計，
而且佢地都笑著講真係有人會同巴士公司鬥氣鬥均真，超時十零分鐘都去 claim 人工
而有時都唔知係關個民族事定係點，佢地 (白人司機) 真係好死板、好機械式
無論巴士定長途客車，對著車上個錶搭正開車就真係即刻閂門，就算追到門口或者追車者明顯係本地人都無情講
其餘非白人司機似乎相對有人情味好多 (尤其黑人司機，通常都好 nice，而且十居其九都係手車又快又穩定，
好似天生就係特別容易駕馭大大部車咁，次次見到佢地渣車心情都特別愉快都特別開心 )


5. (個帖已經幾年前) 聖誕 / 新年前後呢類鋤假高峰期，部分城市或者較小型巴士公司時薪可以高達 £20-28
足足係人工 x2 - 2.5，但似乎白人司機之間反應都唔係真係咁熱烈
尤記得前年 12 月 26 日係倫敦同成條街既乘客逐個逐個站鬥向後行搏上到車，因為等左個幾鐘全部巴士都頂晒閘
成條街明顯得翻亞洲人或者黑人渣巴士維持有限度服務


6. 司機態度唔知係咪同各地區巴士公司政策有關 (或者司機渣開邊區)
記得係 Norwich、Exeter 呢類城市搭學校線司機同香港差唔多，而呢類城市入面主要服務純本地人住宅區 (小鎮咁既樣) 司機態度更佳
其實相信正如以前字軌/掛牌制下港島 9、14 九巴 53、99 或者一眾街坊買送線司機同乘客關系都特別融洽
長途 / 兜路 (好似九記 70) 呢類行大運左兜右兜線，司機態度明顯較差
而部分較大既郡，例如 NXWM 版圖，可能因為有好多唔同既集團各自有誇公司、誇郡、誇交通工具既車票
好似 Coventry、Wolverhampton 呢類城市大小巴士公司司機通常都較隨便，唔會下下捉著你拎著張飛驗屍咁驗


7. 除左超時稽查之外，英國巴士司機另一樣比香港司機多左既壓力係要找錢 (全英國只有極少數地區類似香港咁先進)
睇翻討論區佢地一講起工作上最憎既事十居其九都係講要找錢，尤其係大額紙幣
而且每個司機每更係錢箱跟身返廠點算的，金額必需完全正確，找續錯誤係要寫報告解話的
反而英國巴士公司對輕微劃花車身未必咁在意 (英國度度都係埔公、域多利道、西貢公路咁濟)
平時堆司機埋站降地台降到掘落行人路上花晒都見唔少，而且好多地區都係咁


[ 本帖最後由 HW8373 於 2013-2-13 19:55 編輯 ]

山口

原帖由 HE7921 於 2013-2-12 12:17 發表


即係我以前係九記做過學徙但自行離職既話再去見車長一職咪無機會？(本人打算在年尾考九、十號巴士駕駛執照)

九巴咁唔夠人 一試無訪