新春爆料: 九巴新Wright B9TL梯位用透用玻璃

原帖由 GNZ9068 於 2013-2-17 09:44 發表
原本由外至內係：一層玻璃 + 玻璃纖圍板 + (含有金屬的支撐組件) + 膠製樓梯側組件

如果係真o既,
新設計由外至內係：一層玻璃

DD1 就係類似咁.
大家覺得會慳到幾個重? ...

其實減重應該唔係重點，
不過開多隻窗，對採光都有好處，而且現時直梯車下層右邊車身有一半都見唔到出面係咩，
滿座時對企位乘客都唔係太方便，
講無用的話，呢隻細窗點都有用過第一代 ATE 司機位後面果隻。

正如太平門變左梗玻璃，
最主要都唔係為減重，而係為左用少一件活動部件，檢驗時睇少樣野，
一來隻門少開，二來太平門唔知點解真係易壞，三來仲慳返警報同連接裝置，一舉三得。

原帖由 3ASV174 於 2013-2-17 16:42 發表
其實減重應該唔係重點，
不過開多隻窗，對採光都有好處，而且現時直梯車下層右邊車身有一半都見唔到出面係咩，
滿座時對企位乘客都唔係太方便，
講無用的話，呢隻細窗點都有用過第一代 ATE 司機位後面果隻。

正如太平門變左梗玻 ...

ATE後面個窗，跟本就係九巴門對梯的多餘結果......

直接裝梯裝到貼曬前己經慳唔少位.....

版友講起太平門唔常開，咁點解我成日見總站有司機會開住隻門黎瞓而又唔響警報？講番塊玻璃，其實點講都係減磅最合理。始終威威對手最近又輕左嘛

唔駛諗到咁複雜, 廠方原意係為樓梯範圍採光, 與重量完全無關

未知九巴 / 海外買家會唔會係首(幾)間採用新設計既巴士公司呢？


事關追溯翻網上現有 62 牌 (2012 下半年至 2013 年初出牌) 英國本土圓碌碌雙層巴士相片 (唔計 Borismaster)
不論圓窗、黏貼窗 (假設後者為較捨得花錢"豪裝"既巴士公司採用，可能該等公司亦較為傾向用最新式設計)
B5LH 定 B9TL 定 VDL 底盤，或者係分佈英國各地既大小巴士公司車主
都未見有任何新設計出現，睇落去頭 (無明顯改動，無傳聞中既 10 粒燈仔) 門位 (正常) 梯位 (仍然係一貫設計) 車尾 (似乎未有新改版) 跟一般兩軸版無異


不過車頭多左 10 粒燈仔既然有多過一張相傳出，似乎即係起碼車頭已經會有小改變，咁車身其他部分有小改良都唔出奇


而假設真係有新設計既話，相信都係上面所講採光原因多過要減磅
睇落去換個少少野似乎唔係慳得幾多重量，一架巴士最重相信都係底盤、機械、冷氣部分
之前兩軸巴士減重量時要改凳，似乎只係因為部車已經砌好晒所以夾硬從車廂設施著手
三軸富豪如果要減重，轉用歐六 D8K 引擎 (如果技術許可) 減到既重量分分鐘更多，
新歐六 7.7 公升引擎重量好似係較接近 D7E 多過 D9B，淨係 D7E vs D9B 重量好似已經差 300 kg
記得陳生本 <香港巴士> 影過九巴車身廠工人舉著個車身支架 / 傍板穿梭廠房入面
如果幾個工人已經可以舉得起呢類傍板 / 支架係街上面行，相信該等零件重極有限吧


另外見到原來有 B5LH 配矮版 Wright 車身，配上冷氣後相信過重問題仍比兩軸 B9 好
而如果富豪汲取 B5LH 同 B7LT 經驗，似乎混能三軸市場仍然可以有車同 ADL 鬥，因為尾跨可以造得更長，轉向性能更佳
不過似乎富豪下一代想用橫置引擎 B5TL 一併取代晒兩軸 B9TL 同 B5LH，如果下一代巴士仍然唔將兩/三軸市場分開設計
似乎轉向問題都係唔會有大改善，港島公司將來要買車都唔多會轉軑買該牌子了


上面提及到太平門之類，其實熄左總掣應該連警報都會熄埋
以前見過新、九巴 116 司機從祐民街斜路排隊泊入路邊總站時貪方便唔開總掣 (咁就唔使閂中門) 就咁就碌落去站頭
再危險少少近年見過 681 R 牌 Voith ATEU 係中環總站司機離開車廂時手掣無拉好，而車上電源已關上
無警報聲，但因此若司機一時錯手用左短暫停車手掣 (如有) 熄總掣後都會失效，好彩該總站係平路而且平日等車乘客不多


最後
請問短期內重有無英國砌好既 Wright 車會上船前往亞洲？或者砌完係 Wright 廠房試緊車
新閒稿似乎話九巴同新加坡個堆 B9TL 係亞洲砌，不過會唔會另有一少部分係英國砌好等上船？
如有，請問會係邊度砌 / 上船？或者話會唔會分批船運去亞洲？
想知本週後期有無機會去碼頭或者去車廠白撞成功

[ 本帖最後由 HW8373 於 2013-2-18 21:35 編輯 ]

原帖由 HW8373 於 2013-2-19 05:25 發表
未知九巴 / 海外買家會唔會係首(幾)間採用新設計既巴士公司呢？


事關追溯翻網上現有 62 牌 (2012 下半年至 2013 年初出牌) 英國本土圓碌碌雙層巴士相片 (唔計 Borismaster)
不論圓窗、黏貼窗 (假設後者為較捨得花錢" ...

有一部已經離開 Ballymena 廠房