力寶中心巴士分站是巴士公司買起的嗎?

原帖由 bbtong 於 2013-2-12 20:18 發表
感謝師兄既回應同主任既關注, 很多網友都幫你地出謀獻策, 好似是#12 aPower先生既建議咁, 要實行唔難

祝工作順利

唔好介意, 我就放長雙眼睇下apower先生會點樣實施佢自己o既策略 ^.^

原帖由 ml27 於 2013-2-12 23:07 發表


唔好介意, 我就放長雙眼睇下apower先生會點樣實施佢自己o既策略 ^.^

如果同似blueblue咁講搬站, 如同789互調總站(地盤則, 阻唔到人), 你地咪無咁辛苦?

樓主下次應該扮強國人
用強國既口音呼喝黃公司既人
包保佢地即刻流晒水咁奶你腳板底

原帖由 kokchun 於 2013-2-12 23:20 發表
樓主下次應該扮強國人
用強國既口音呼喝黃公司既人
包保佢地即刻流晒水咁奶你腳板底

錯哂
有咩人會鍾意強國人呀

好多629都係坐滿走,企客近乎0...久而久之太多人等...
要怪就怪班大帝唔肯企...又大把人冇8仔

如10#,太多人係便利店外排隊,咁便利店前塊地又係買起左咩...即使要問責,乘客要負番d責任lo

金鐘西/力寶巴士站近乎飽和,629/隧道車人流也很多,'留個缺口，等落車人流行番去力寶中心 ',呢樣野做黎都晒氣,反正逢農曆年都係咁,倒應臨時取消隧道車站,或遷近12a/m.

40m/舊601總站...像是外賣仔咁...有得睇冇得食...
利申:非龍尾黃背心

原帖由 kokchun 於 2013-2-12 23:20 發表
樓主下次應該扮強國人
用強國既口音呼喝黃公司既人
包保佢地即刻流晒水咁奶你腳板底

現實似乎係倒返轉 , 扮強國人效果仲差

根本問題，係一個高峰時間有四萬幾五萬人次入場嘅現代化主題公園，係唔應該單靠一條巴士線去做主要交通工具，因此南港島線非常有必要。

報紙話迪士尼昨日都有四萬幾人次入場，又唔見話迫爆欣澳站？至少相同客流量下，維持鐵路秩序比維持巴士秩序容易。

題外話，香港而家個形勢係旅遊旺季所有景點一齊旺，如果海洋公園多人時迪士尼以至360都唔會少人得去邊。城巴開R11有少少賭一舖，如果開車之後迪士尼又話太多人唔賣飛，咁班客真係遊車河。

強國人比咁多錢黃公司賺
點會被黃公司既人歧視
反而被當神咁拜啦

原帖由 ml27 於 2013-2-12 01:37 發表
其實呢, 以629多人o既程度, 唔使樓主你報警, 亦都唔使城巴報警 (城巴同事都無咁多時間招呼差人), 事實上, 力寶中心o既職員試過報警, 就係因為人龍圍住左力寶一個圈.

以我今日o既見解, 果個post位o既同事不停要指揮遊人向龍尾行, 又要維持秩序唔好比人打到尖, 所以可能睇唔到你係咪落車客, 你知啦, 落左車o既乘客, 同路人無咩識別o架嗎, 不過anyway, 如果佢令你有咩唔高興, 我代佢向你道個歉又點話o丫

話分兩頭, 我希望樓主亦都要清楚咩叫封路, 如果真係封左條路, 我諗你連車都落唔到. 又打個比喻, 我相信各版友每朝都不時見好多長者排好長隊索取免費報紙, 晌我屋企附近甚至排到連便利點門口都攔住左, 唔通班長者又有權封左人地門口? 又如果樓主係便利店職員, 你會日日報警, 促進警民關係, 定係諗其他辦法?

不過樓主你放心, 已經有主任睇左你篇文

利申: 曾經管過黃背心同事, 而家繼續每周末穿梭於金鐘與海洋之間, 曾經坐過創富廠高層六字樓o既唔係高層職員

註一: 如果有任何人智障到因任何原因行落/橫過馬路唔睇交通情況而又被汽車撞傷, 或引致其他交通意外的話, 仍然係可以被控告不小心橫過馬路
註二: 續註一, 如果任何人, 因為外來因素導致要行落馬路而引致受傷, 可向有關外來因素進行民事索償, 例子: 如車輛停在一停車場的出口, 導致行人須經馬路橫過該停車場出口時, 被馬路上車輛撞傷, 則停在停車場出口之車輛可被控不小心駕駛
註三: 我都明白樓主你見到咁多強國人可能好慶, 心裡響起"請你好好訓低"幾個字, 不過如果大家都可以晌多角度分析一下, 就會明白香港同胞已經盡左力. (例如5部629一齊開門上客, 無奈天朝子民未嘗雙層空調巴士車頭滋味)
註四: 如果樓主年初三都仲要969轉12A, 咁我建議你晌中環轉, 如果唔係, 我怕樓主一落車就會被淹沒,
註五: 希望註四唔會太遲, 無法啦, 穿梭完海洋金鐘都已經夜晚10點幾, 返得屋企沖得涼食得飯呢個時間先有空覆樓主.

同行上山有乜分別？