【新聞】政府重提一地兩檢政策配合高鐵通車

原帖由 kei_hk 於 2013-2-16 11:03 發表


請你想想﹐一個人坐飛機去到目的地﹐被當地入境處拒絕入境。
這一位人會有什麼下場﹐餘下的旅程又係點?



套用在香港高鐵站做一地兩檢﹐由於要經中央審批(可能需要在基本法上加以備註等程序)﹐所以加入一個好簡單的原則﹐便是 ...

部車到香港生，你估會車上生定送你入廠生？醫院咪香港地方囉....

最大結果，玩司法，絕對有機會判部車入左香港地段出生既細路都當香港生....完全有理有據....基本法的空泛定義足夠打擊你的想法....

如是者如果香港一地兩檢，先不說國內海關朋友有咩權在本地執法，實好多人嘗試這東西入境進行不少事的

唔好講咁遠，中國對外只此一個未經審查就能入境的地方，還是一個自由國度、有完善的法制....

飛機大肚婆沖關一樣有，各種原因落地沖關都有，只係飛機成本高，經手的人員多封殺易，不難想像中國這種封閉(無錯係封閉，你自己睇下本中國護照得幾多個國家免簽)有個咁既缺口會被人怎樣利用

唔改基本法，基本上就大把戲睇，如果行香港2檢的話

原帖由 dippy 於 2013-2-15 22:46 發表
其實當年建深圳灣口岸, 實行一地兩檢
有無啲有聊人話呢啲便民措施係出賣深圳
又有無人話割讓前海比港狗呢?

根本以前成個後海灣同大鵬灣九七年之前都屬香港，深圳一落水就已經係香港水域。

後來中國霸咗半個後海灣，填埋海就話租俾香港，根本就荒謬！個海本來就屬於香港，你非法填海，塊地點都應該屬香港土地。

我支持二地二檢的
反正中國計好數, 大部份人都係用高鐵來往深圳, 廣州
咁咪淨做深圳福田, 深圳北, 廣州南直通囉
去其他地方轉車就ok, 如果轉車做得方便跟本影響不大

原帖由 HU6455 於 2013-2-16 10:37 發表


到時候長毛囉住平反六四既旗幟買高鐵票搭高鐵上大陸示威,
怎麼辨?

有何問題? 此舉應該沒有觸犯香港法律, 更何況香港居民係享有出入境自由

原帖由 victorwong888 於 2013-2-15 15:11 發表
http://rthk.hk/rthk/news/expressnews/news.htm?expressnews&20130215&55&902379
我認為一地兩檢政策可行，
應該在所有中國高鐵連接香港的車站推行一 地兩檢
但是我強烈反對香港把一寸土地割讓給中國
我認為西九龍不 ...

你自己諗下，一個關口牽涉到幾多部門？淨係計港方，至少已經有入境處、海關、警務處、衛生署、民安隊...
你話「應該在所有中國高鐵連接香港的車站推行一地兩檢」，
要香港派 n 咁多人上大陸，分布進駐各個車站？
咁要派幾多人上去至夠？後勤、住宿、交更... 人力物力之大你想像到嗎？
仲有，大陸 D 站本來就冇預出入境同清關設施，你認為大陸會為左廣深港線而陪你癲？改建車站、派駐人手？
跟本廣深港線就係全國高鐵網既一部份，可以開既直達路線，絕對會比依家既直通車多，
若果放下地方保護主意，純粹係以運作效率、方便旅客、長遠發展黎講，
最理想當然係在香港上車前完成晒所有手續，直接去到目的地落車唔使煩！
又如果局限左直達香港既站點，去其他地方要落車再轉車的話，對旅客而言一定唔理想啦，
一來班次上好難編到無縫接駁，仲隨時要拉住行李上上落落、又要等車又要轉月台，
提議果個口爽爽就好享受、搭客攪到一頭煙就好難受！
要知道搭車既未必人人都年輕力壯，試想下一家大細既話，拎住 D 行李，細路仔又要照顧、老人家又心急，可以想像到有幾亂...


講到跨境執法問題，其實依家深圳灣 run 左一地兩檢咁耐，運作冇問題喎，安排得好理想，亦區分得好好，兩地政府都有己經有一定的經驗，
只係將個模式照辨煮碗，用封閉式管理，跟本唔會有大問題，要知道大陸旅客、大陸關口職員都要經過香港既出入境程序至算正式進入港境的，
正如我地過深圳灣，都要先過香港關、再行前幾步過埋大陸關至算入大陸境一樣！
至於水貨、雙非 B 等等問題，同幾多地幾多檢係冇直接關係，呢個係匯率、社會、制度的問題，
最關鍵係執法水平，執法不嚴既話，個關設係邊、設幾多個關都冇分別。

原帖由 JF1261 於 2013-2-17 23:41 發表
我支持二地二檢的
反正中國計好數, 大部份人都係用高鐵來往深圳, 廣州
咁咪淨做深圳福田, 深圳北, 廣州南直通囉
去其他地方轉車就ok, 如果轉車做得方便跟本影響不大 ...

好提議, 可否借你嘅提議深化一下:

1. 短途如廣州南, 深圳北, 福田沿用現有做法, 兩地兩檢; 光明城, 虎門, 慶盛三小站似乎無地方亦無客量去做, 或再作考慮。

2. 長途線同短途三小站則要變通一D, 如由香港上車, 出香港關後, 先過大陸海關, 為貨品清關, 然後上車, 車輛到左福田後, 大陸邊檢人員上車, 為乘客進行入境登記, 有問題嘅要請落車返轉頭; 完成後讓大陸乘客上車, 繼續行程; 回程在福田開車前做出境手續, 有問題如大肚婆可以先請下車, 到香港後先至做埋大陸嘅貨品清關。

呢個做法好處係既喺大陸完成出入境手續, 避免衝關等問題, 又唔使乘客落車; 至於貨品在港境內先做大陸清關有沒有問題, 還請各位指教。

原帖由 williamfung804 於 2013-2-18 14:57 發表

你自己諗下，一個關口牽涉到幾多部門？淨係計港方，至少已經有入境處、海關、警務處、衛生署、民安隊...
你話「應該在所有中國高鐵連接香港的車站推行一地兩檢」，
要香港派 n 咁多人上大陸，分布進駐各個車站？
咁要派幾多人上 ...

深圳灣冇人嘈係因爲它的位置不會改變邊界太多，但西九龍在香港的核心地帶，你又認爲真的可以設立内地的邊檢站嗎？

另外，在西九龍設立内地邊檢站，是違反香港基本法第十八和第二十二條的行爲。

原帖由 skpracta 於 2013-2-18 23:45 發表

深圳灣冇人嘈係因爲它的位置不會改變邊界太多，但西九龍在香港的核心地帶，你又認爲真的可以設立内地的邊檢站嗎？

另外，在西九龍設立内地邊檢站，是違反香港基本法第十八和第二十二條的行爲。 ...

仲要整個高鐵香港段範圍都要撥入大陸領土，因此到時整個高鐵香港段的收費區範圍都唔可以整任何離開收費區範圍的緊急出口。

若高鐵列車在香港段發生事故，乘客就要長征往深圳逃生，豈不是折磨乘客？