【新聞】政府重提一地兩檢政策配合高鐵通車

原帖由 skpracta 於 2013-2-19 23:16 發表

要推一地兩檢要修改香港基本法，只有香港才可以啟動修改程序，並不是你想像般的碎料。況且，689現在周圍樹敵，他爲何要再搬石頭砸自己的腳？

別國有句咁o既名句：樹不要皮必死無疑，人不要臉則天下無敵。
如此厚面皮同無恥至極o既 689，佢都近乎係豁出去咁滯。

成件事出到o黎民意反唔反彈（基本上，佢宜家做乜都係死，最好早早落台）係一回事，
垃圾會班保皇黨撐唔撐佢又係一回事，但係我睇死佢點都會厚住面皮將一地兩檢 le 件事擺上台。
而且我相信，佢應該唔會親自出馬，而係推張炳良（管運輸）同譚志源（管政制）之流加埋黎棟國代佢去送死。

況且，你最尾o個句話「他爲何要再搬石頭砸自己的腳？」。
我反而想知，le 個 689 做o野有 sense o既咩？
佢上o左任大半年由國教到僭建住屋東北龍尾電視牌自由行水貨橫行中聯辦亂港基本上石頭砸腳o既事一件接一件冇停過咁滯，
最近仲俾 dream bear 爆多單賄選疑雲，真係有 sense 就唔會搞成咁，好心佢立即收手與民休息以免講多錯多啦。

[ 本帖最後由 ATE24 於 2013-2-20 01:31 編輯 ]

原帖由 053h4 於 2013-2-20 02:32 發表
收手？不如香港收皮重好

最好咩都唔好做，最緊要股樓興旺搞掂

講樓，正常人有眼睇，05年經濟復甦荃灣工業區托住賣就知地唔夠
而咩野雙飛水貨唔爆就當無事
做生意放眼全球港商越做越縮
呢d就係源於無規劃

好聽D叫與民休息，實際就回避社會問題，任由社會問題惡化

呢個世界，問題唔會因為唔理，唔落手做就自己解決

我應該括起「休息」兩個字，佢o的鑊鑊新鮮鑊鑊金o既新聞真係令一眾蟻民疲於奔命。大佬，俾我o地o抖o下啦。

仲有，樣樣o野「親力親為」但係心口得個勇字做o野又唔係真係針對源頭著手剩係識得睇主人眉頭眼額o既人，做邊樣死邊樣。
唔好講咁遠，李惠利塊地，話要收翻o的俾佢用o黎起屋喎，正呀喂，有地起樓俾人住喇。
點知 le 個三剎位，起公屋，實俾周圍o的高尚住戶媽叉到飛起；起私人樓，起出o黎o的樓又係咪一般香港人買得起o既先。

佢個位，衰o的講句係呃翻o黎o架咋，冇民意授權o架。旨意佢會搞好香港？死得人多啦。

回埋最後 le 篇，收手。

[ 本帖最後由 ATE24 於 2013-2-20 03:26 編輯 ]

「有邊防檢查及有眾多目的地的高鐵服務」真係世上第一例子。
歐洲有唔少跨國班次，但神根公約唔使過關；
Eurostar只有幾個固定站點，過關程序在上車前進行，
e.g. 倫敦上車前入法國境（法國人員幫比利時做埋），巴黎上車前入英國境。
但以上兩種模式在法制上及實行上都不適用於中港高鐵。

睇返黎棟國的言論，而家尚有兩年時間，佢地應該都想開通時已經一地兩檢。
拿拿拿，當年係泛民話有一地兩檢先支持高鐵，唔好到時又反口，
咁大個人、民選議員、律師、專業人士，好應該知道每個要求背後都有代價。
前科：要求專用通道但後來又嫌貴，我就唔覺得佢地真係好關心條村或者鄉郊保育這類議題。

回一回樓上, 其實所有議員本質都一樣, 都係一班抽水怪. 咩黨派都係一樣.

長遠計, 中港融(溶)合, 將來可能唔洗過關返到大陸. 或者就算過關, 都只係好似拍八達通卡咁, 型式上"過關"

中國一直比唔到信心香港市民, 其他就乜都假. (其實梁振英都係)
無論法制, 整體公民意識等等

深圳灣個case係大陸割地比香港
高鐵就要香港割地比大陸, 雖然可以立法割地/圈地比大陸人員執法.
但physically 就比大陸人入港執法.

最大問題係, 割左地比人, 香港執法部門, 係唔可以入去執法, 情況好似九龍寨問題一樣
港英入唔到去, 管唔到d 咩.

係人都知一地兩檢方便.....不過方便, 總要犧牲一d 野.
呢個cost, 自己計一計, 比唔比得起.

原帖由 oman 於 2013-2-20 16:57 發表
回一回樓上, 其實所有議員本質都一樣, 都係一班抽水怪. 咩黨派都係一樣.

長遠計, 中港融(溶)合, 將來可能唔洗過關返到大陸. 或者就算過關, 都只係好似拍八達通卡咁, 型式上"過關"

中國一直比唔到信心香港市民, 其 ...

大陸同香港是對等立場？跟本就不對等嘛

大陸人會不會擔心港警在內地有部份執法權？

但大陸的各項管理人員在港有執法權又同一話曬？一地兩檢，但高鐵係行流水，又唔係人地果種高鐵

我覺得香港的情況只會有幾個定點路線的2地2檢最有可能

咩話你想觸及本地管理問題？香港又如何理行各種情況的義務

不如再問多句，果699億出黎做咩


抽水怪點抽水都好，佢地話要一地兩檢，但無話放公安落黎，你地政府無諗到黎個問題就話一定得係政府既錯又點？

政治正確大於打擊抽水怪，我唔覺得有人為了打擊抽水怪而放棄大原則

仲要講一下深圳彎原屬港方水域，回歸後先cut翻俾大陸，管理上同以前一樣，跟本連想都不用想....

我要再次重申，整個后海灣（包括深圳方面所稱嘅「深圳灣」及「前海灣」）同大鵬灣，九七年六月三十日之前都係香港領海，中方從無管轄權。

喺未經咨詢普羅香港市民嘅情況下，九七年七月一號起香港政府將其中一半割讓俾深圳，而「深圳灣口岸」係建築於原屬香港領海嘅填海地上。