今晚我俾架紅頂夾﹗

今晚去完燒o野食，車我女朋友出返土瓜灣，之後行馬頭圍道想經太子道上大老山返馬鞍山。點知去到馬頭圍邨對出，有架往官塘紅頂小巴停o係中線，慢線有幾架巴士埋緊站。我當然抽出快線避過佢o地o架啦﹗當時我同前面架 Type-R 只有半個車位左右距離，但係架紅頂竟然o係呢個時候抽頭攝我﹗好彩當時車速唔太高，只係行緊 30 km/h 左右，但係都嚇一嚇同埋要落重迫力﹗

OK，佢要過，我急停都俾佢過，但係佢阿媽個仔oY﹗過完竟然停o係度等中線另一架小巴抽頭出﹗但係當時中線果架仲o係度上緊客 (無錯，係中線上客)。足足等o左十幾廿秒先放行﹗但係就眼白白睇住前面支燈由綠轉紅…

等完燈，一出燈位，之前o係中線上客果架紅頂又想閘埋o黎，真係火都o黎埋﹗我當時都行緊60 km/h 啦，前面消防局度又有個有相機o既燈位，使唔使咁閘埋o黎呀﹗所以，我就抽o左出中線，排第二車等起步。佢玩o野時我咪陪佢玩囉﹗閘完一架又一架，想點o者﹗一轉燈，我即刻入返快線，用 40km/h 頂住佢兩架紅頂。上o左太子道天橋向彩虹方向時，見我後面除o左兩架紅頂之外無其他車，所以又玩返之前對付的士佬果招，o係後鏡見佢 cut 線我又一齊 cut，咁鍾意貪快閘我，我就係唔俾佢快﹗小巴佬係咁閃高燈，我就係唔讓﹗最後我頂佢o地兩架頂到我右上大老山隧道支路先走人﹗

我真係唔明，cut 線都睇睇鏡oY﹗成架車o係度，前面位又無都要係咁閘入o黎o既，我真係唔明佢想點囉？﹗成車有16人就大晒咩？﹗條路佢行晒o架？﹗如果佢係警車消防車著燈的話，你閘我我都會讓俾你，我亦都無o野講﹗但係你只係一架紅 Van，使唔使咁呀？﹗唔係慢果兩三秒就蝕o左個客下話？﹗實在不過份喇﹗

原帖由 FX8173 於 2006-3-12 23:32 發表

今晚去完燒o野食，車我女朋友出返土瓜灣，之後行馬頭圍道想經太子道上大老山返馬鞍山。點知去到馬頭圍邨對出，有架往官塘紅頂小巴停o係中線，慢線有幾架巴士埋緊站。我當然抽出快線避過佢o地o架啦﹗當時 ...

唔只係紅頂....
好多貨van同5.5噸渣車都係咁...
特別係響龍翔道..
一打燈就抽出黎...佢地係唔會理後面架車有幾快....
之後攪到你brake到傻....又成日行死條快線
不過紅頂係最賤...唔打燈就抽出黎....又鐘意閘人...

如果有白炸見到佢地已經比人炒左牌九世喇
我自問技術唔夠佢地高...
見到呢d車唯有小心d唔好行咁近....太危險喇

[ 本帖最後由 6008-JU1220 於 2006-3-12 23:45 編輯 ]

講真, 你咁樣"玩"小巴佬同"玩"自己條命係冇分別~
同職業司機"死"過, 真係一o的著數都冇~

小心o的啦~

原帖由 6008-JU1220 於 2006-3-12 23:43 發表
唔只係紅頂....
好多貨van同5.5噸渣車都係咁...
特別係響龍翔道..
一打燈就抽出黎...佢地係唔會理後面架車有幾快....
之後攪到你brake到傻....又成日行死條快線
不過紅頂係最賤...唔打燈就抽出黎....又鐘意閘人...

如果有白炸見到佢地已經比人炒左牌九世喇
我自問技術唔夠佢地高...
見到呢d車唯有小心d唔好行咁近....太危險喇

龍翔道反而好 D 呀﹗佢o地唔會埋站，而且車速又有返咁上下，俾佢頂住可以抽出隔離線過佢嘛﹗但係我頭先係無路可走﹗三線 Block 淨條快線﹗

＊講危險，只要唔好跟佢尾就得，佢o地話停就停，唔使理係後面有無車o既﹗
　反而近排見到貨櫃都會踩快D油o係佢隔離過佢﹗一o黎怕石仔打到玻璃，二o黎我怕又做上幾星期新聞入面o既車禍事件咁，無啦啦做o左三文治夾心……

紅 Van + Taxi  is always like that.

Always seen at Tsuen Wan Rd, they cross 2 lanes once they can cut the lanes no matter what cars come from Tuen Mun Rd.

又難聽 D，咪又係 D 病態乘客 buy 先至搞到咁囉。

唉, 有時都係唔夠佢地黎,

佢地坐又坐得高d, cut線緊係可以亂黎啦, 我出親旺角太子都驚比人隊...

我有次在漆咸道南，行慢線過左寶勒巷，有個由
慢線伸延開變兩線的(慢線分為只可轉左及直行)
我依靠線走向靠右直行的線，突然有部綠小衝埋
來，並在我前面封住我，並檸轉頭嫌我CUT過去，
大佬，果條都係慢線來的，你CUT我都算啦，仲
要好似我CUT佢我唔著咁！

算啦...d小巴佬就算佢地炒鑊金..
都唔識驚架啦.....
渣車好似渣賽車咁....
下下都地板油去....
響太子道東我都見佢地閒閒地都九十幾公里直飛旺角一帶

有時真係好怕D紅頂
好似我番屋企例必遇到紅頂,
佢真係可以夠膽死突然間打死火燈停車
心血少D反應慢D都賴野
有次坐70番屋企,個巴士司機同D紅頂佬都係同一類人
埋站果陣又係急停,搞到架紅頂停到響哂胎