我們未來的鐵路第二階段公眾參與諮詢

忽發奇想, 將東鐵綫同埋西港島綫連接, 經第四條過海鐵路去到堅尼地城,
咁就可以兩個大學站都去哂

廢噏完畢.

屯荃鐵路唔係被抽起，只係上次諮詢完今次唔會再講。
站友提議的新南北走廊、中九龍鐵路等，都屬於跨區走廊，
可能會在參考第一輪諮詢的意見後在下一次諮詢時略為提及。這是我的主觀願望。

政府在這兩輪鐵路諮詢的做法，似乎係顧問做完報告後，政府（檯面上）唔畀意見唔做決定，
（名義上）以民意為依歸，所以現階段（理論上）政府係冇preference的，更唔可以公開講，
我唔明白報紙聲稱的「消息」從何而來，大家唔好以為那些係預設立場而被牽著鼻子走，有乜想講都可以向政府提出。

維基港島線條目更加有一句

　　「但在2013年2月21日，港鐵提出北港島綫的另一個新方案，為「交匯」方案。
　　　東涌綫會連接將軍澳綫，前住寶琳站。此方案會令原有的港島綫得以完整保留，
　　　會方便往返中西區及東區的乘客。」

明明係顧問公司做報告、政府出諮詢，幾時變成港鐵提出新方案？
依網頁封面推斷，顧問公司係AECOM Asia Co Ltd (1978年成立)、
弘達交通顧問有限公司 (1980年成立)，與港鐵無關。
我無話維基係準，但可能有傳媒搵搵下料搵到就當真架喇。

講返北港島線，如果東涌線同將軍澳線直通，有人擔心包攬兩條過海鐵路好容易一鑊熟，
但細心諗下，有起事上來最差都應該可以還原基本步做返東涌＜＞香港。
康城車問題不大，可以維持做shuttle。

之但係我仍然係支持港島線分拆的，當我九龍人自私啦。
機場鐵路最密2.25分鐘一班，用返秒計即係135秒一班。
青馬一段限135秒一班係有負重等物理考慮，大家都知道；
但睇維基先知其他路段有其他問題影響班次，無論最後北港島線點起，
都唔該upgrade機場鐵路電力設備及訊號系統。（終極資料來源係mtrupdate）

而我想問清楚的是，港島線現時到底有冇傳聞中的隧道太窄／通風問題／活塞效應導致開唔得密的情況？
如果佢實際都唔係105秒一班，而係例如120秒一班，
咁變成東涌線135秒一班就係每小時減4班車，容量減13.3%；
相反，若開足105秒一班而變成135秒一班，容量減幅係23.5%。
顧問公司可能係唔知道這個問題的，只係拿住理論數據得出少八班的結論。

[ 本帖最後由 DIH 於 2013-2-24 11:59 編輯 ]

如果每個車站都有廣播說明是「短棍」的話，其實不必特別在折返站清客。

原帖由 DIH 於 23/2/2013 23:09 發表
維基港島線條目更加有一句

　　「但在2013年2月21日，港鐵提出北港島綫的另一個新方案，為「交匯」方案。
　　　東涌綫會連接將軍澳綫，前住寶琳站。此方案會令原有的港島綫得以完整保留，會方便往返中西區及東區的乘客。」

明明係顧問公司做報告、政府出諮詢，幾時變成港鐵提出新方案？
依網頁封面推斷，顧問公司係AECOM Asia Co Ltd (1978年成立)、弘達交通顧問有限公司 (1980年成立)，與港鐵無關。
我無話維基係準，但可能有傳媒搵搵下料搵到就當真架喇。

北港島綫既「交匯」方案同「換綫」方案一樣根本就唔係今次「我們未來的鐵路」提出既新事物。

係 99 年《第二次鐵路發展研究》已經提及顧問公司 * 研究緊「在維多利亞公園、會展中心或添馬艦一帶闢建交匯處，讓東涌線與將軍澳線交匯」。
* 當時係弘達同 Maunsell，Maunsell 後來改左做 AECOM (?)，即係當年顧問公司同宜家一樣

[ 本帖最後由 KMB-ATE1 於 2013-2-24 23:25 編輯 ]

以下是環保署於2000年時有關北港島綫的文件，內有地鐵當時關於走線的圖則，可供大家參考。
http://www.epd.gov.hk/eia/register/profile/latest/esb060.pdf

此外，我想問有關銅鑼灣北／維園站在東鐵過海段規劃的時候，不是說因為要封閉告士打道和維園道，對交通影響太大故放棄興建嗎？
那麼北港島綫的銅鑼灣北／維園站也在相近地方，落實興建時會否有此方面的麻煩？

如果銅鑼灣北／維園站決定興建的話，東鐵本來的銅鑼灣北站就可以成為東西南北的交匯點（東將交匯及東將連接）。
當時的規劃如果將會展和銅鑼灣北變成兩個跨月台轉車站，供三線換乘，對鐵路網絡的完整性和人流會比現今的方案好嗎？

[ 本帖最後由 Hongkonger 於 2013-2-24 12:51 編輯 ]

原帖由 Hongkonger 於 2013-2-24 12:34 發表
以下是環保署於2000年時有關北港島綫的文件，內有地鐵當時關於走線的圖則，可供大家參考。
http://www.epd.gov.hk/eia/register/profile/latest/esb060.pdf

此外，我想問有關銅鑼灣北／維園站在東鐵過海段規劃的時候，不是說 ...

南北線增加維園站，還需考慮月台彎度過大的問題
相對來說，北港島線的走線較直，較易興建車站

按照這份立法會文件，當時九鐵銅鑼灣北站完全是直線月台，不存在彎度過大的問題。
http://www.legco.gov.hk/yr03-04/ ... 0216cb1-1015-1c.pdf

原帖由 Hongkonger 於 2013-2-24 13:22 發表
按照這份立法會文件，當時九鐵銅鑼灣北站完全是直線月台，不存在彎度過大的問題。
http://www.legco.gov.hk/yr03-04/chinese/panels/tp/tp_rdp/papers/tp_rdp0216cb1-1015-1c.pdf ...

北港島線銅鑼灣北站可以建在較東的位置，佔用維園地底，難度無沙中線咁大。