（片）深水埗巴士轉灣撞過黎

原帖由 DGCNYO 於 2013-2-23 13:27 發表

2線入3線都要避？你有無開過果個位

Volvo囉遲D太跟本夠轉，咁早就夾去慢線分明就囉錯太，又唔係唔夠轉，唔夠轉既早就食曬2條線以免有人搶位

咩叫責任？大車就唔洗睇鏡？左彎打左燈無可能仲意識到你係要插埋我條線

黎個彎40呎 ...

2線入3線又如何？係咪就代表你明知架巴士剷埋嚟就可以夾硬轉彎？
結果咪最終係你蝕底囉
都講明，學車指引有教大車轉彎需要空間，你唔讓嘅話，你責任係咪有？

如果閣下係有咁上下揸車年資嘅話，就應該知道預左有大車時候細車要點做啦巧話？

原帖由 da93 於 2013-2-23 13:54 發表
睇你咩速度姐,
再講,
大車停到既,
細車基本上9成都停到

尤其是你係燈位起步本身速度都唔快,
咁都撞得埋去既,
你後面架車都要檢討下

都係果句,
而家個車牌係太易考了,
真係衰D講,
你有冇錢咁解... ...

香港地而家太多樓主段片嘅人啦
就算架巴士起步慢，有啲人都會一下踩油dup唔切撞埋去

原帖由 Neutroginger 於 2013-2-23 02:24 發表

係馬路上面無話邊個讓邊個...
條路唔夠闊既,咪要一架前一架後咁行囉
d 私家車仔係都要拍住架巴士一齊行
咪一齊擺埋一面囉

至於有人話師姐早左攞軚, 冇望左鏡呢d 說話...
你係車上面望住人地揸車? ...

我想問下響呢到發表偉論既有幾多個有大車牌？
呢到我認到幾個巴士佬板友，不過全部都無撐巴士喎~

當我學車果陣，師傅已經講明
你轉彎係要一路望鏡一路轉
你唔望咁做既，根本連個牌都唔駛旨意拎

既然你塊豬腰鏡可以清楚睇曬下層到地下
你車身掃野之前，你塊鏡一定睇到
有望鏡都仲掃到野，可能你手腳唔協調咯

拿，你如果想睇下巴士佬應該點樣睇鏡轉彎，
去睇下源禾路用第二線左轉鄉事會路既巴士
或者鄉事會路第二線左轉落城隧公路
我保證你個個睇鏡轉彎

無錯！冇話揸巴士，我揸私家車轉灣都望一望鏡啦！點知有冇D老電同你平排轉灣㗎！
回正題，私家車司機經驗不足，但巴士司機有責任望鏡睇下尾轆有冇碰到障礙物。如果係人的話咪大獲！你揸大車轉灣唔睇鏡，同估估下有乜分別？！


利申：有巴士牌

[ 本帖最後由 sang128 於 2013-2-23 16:57 編輯 ]

我覺得，路上無話邊款車有特別路權，一定要其他車讓。巴士係大車，會食左隔離線位雖然係好正常，但轉彎時都必須清楚隔離線既情況。莫講話車，就算無車都要小心行人。有車停響彎心的話，如果就黎會揩到，都一定要停車。從呢方面睇，巴士司機肯定係犯大錯。

不過，私家車都有經驗不足問題，明知巴士轉彎會食位，都唔醒目照跟住去，到就黎撞，就只識嘩嘩叫而唔響鞍示警，結果就係俾人揩到。

兩位大意既司機結合，造就呢單車禍。

原帖由 sang128 於 2013-2-23 13:58 發表
所以依家D人都唔知個牌點考返黎！你dup唔到係你問題la!冇人叫你跟車太貼，何况前面係架大車，視野受阻，跟太貼同自殺冇分別！

都係果句,你有冇錢咁解

你俾得成皮野咪走去沙田某大學院考囉~
容乜易姐,
出面報名果D全部同你做乙丙合併試,
試場周圍環境人多車多,
點及得沙田D路又夠闊,車又唔係多,
再同你乙部同丙部分開考,
有幾難呢?

考過天光道果D試場既都已經知淨係個場考你泊位都已經有難度,
斜路倒車泊位...

有時你個牌易考左,
D人一個唔好彩又以為自己手車惦既,
咪攪到條路日日咁多意外囉~

唔好一開口就問人地有冇車牌...
我相信呢度好多人都有

而我都無話架巴士岩哂,
巴士車長的確係可以做得更好
就當時既路面, 我既做法多數都會係用車頭擔過去右邊線黎轉
盡量都唔會用個左尾黎借位, 因為真係驚有失魂魚衝上黎
情況好似沙田正街轉橫壆街咁, 左邊線(沙田中心門口)多數都無得行
剩返中線同右線, 轉右
做法得兩個: 一係就比多少少油,行哂兩條線, 再轉彎
一係就行中線, 轉右果陣就擔少少個頭去左邊, 留返條右線比人行
咁我轉彎果陣就望左邊有冇車衝出黎, 而右邊有過火位,無踩線就ok

揸車有陣時真係一隻手掌拍唔響
你揸住架車係條街度, 見到有車行左你條線
段估你都係防止意外發生, 呢d 都係正常既諗法
巴士成日都比人包頭, 咁係唔係日日都撞先?

就片段入面所見, 私家車司機見到架巴士行左佢條線
都似係唔夠位過啦, 佢都仲想同架巴士一齊轉
咁呢單意外係唔係佢都有份造成?

原帖由 sea1986 於 2013-2-23 14:20 發表

香港地而家太多樓主段片嘅人啦
就算架巴士起步慢，有啲人都會一下踩油dup唔切撞埋去

經常跟住人地D私家車,下下大油大迫力,
撞根本唔出奇

就算唔撞,坐晌上面都覺得辛苦....

好多人心態就係諗住一定快過架巴士,
結果...踩踩踩,一見唔夠位就dup到反艇,....

所以我成日同人講一句野,
的士你都仲可以唔駛驚佢,人地雖然狼,但晌條路度日跑夜跑經驗夠,
最怕係D 1,2牌楂到既車,
經驗又少,又要死衝當自己車神

原帖由 Neutroginger 於 2013-2-24 01:13 發表
就片段入面所見, 私家車司機見到架巴士行左佢條線
都似係唔夠位過啦, 佢都仲想同架巴士一齊轉
咁呢單意外係唔係佢都有份造成?

既然知道架巴士個勢，咁架私家車係咪都要自己執生？
就算架巴士冇越界，係咪最好都讓架大車行左先？
都話囉，同架大車鬥，細車自己最輸蝕
成日斟酌師姐有冇睇位轉彎
倒不如諗下自己做細車嘅，可以有咩做避免今次意外發生

我就每次見到有貨櫃車或巴士呢啲龐然巨物一齊轉彎
一係臨轉彎踩快幾步過左佢，一係俾佢地過左彎先轉
佢地啲車點偷位都好，終有機會踩過界
唔好以為大車偷左位就必然夠位轉
細車自己唔識睇勢咪自己蝕底囉

更何況而家冇人話邊個冇錯、邊個有錯噃

原帖由 da93 於 2013-2-24 01:23 發表

經常跟住人地D私家車,下下大油大迫力,
撞根本唔出奇

就算唔撞,坐晌上面都覺得辛苦....

好多人心態就係諗住一定快過架巴士,
結果...踩踩踩,一見唔夠位就dup到反艇,....

所以我成日同人講一句野,
的士你都仲可以唔 ...

就係太多好似樓主段片嘅當事人咁
以為自己冇越界、正正經經守規矩轉彎就以為冇問題
其實就係偏偏呢種心態而往往造成不必要意外

冇辦法，學人話齋，成皮野就有牌
就以為自己車神上身大有人在