單層巴稀疏 假日逼爆

原帖由 HE7921 於 2013-3-6 00:16 發表
既然無小巴營辦商接手51，點解九巴唔響平日租綠色小巴行呢條線？(假日派返AAU)

唔通星期一至六都有班次係AAU都載唔晒？

幾百萬一個小巴牌, 有人肯租小巴俾九巴, 九巴又肯花幾多錢去租,
司機邊個出, 油錢點計?
租小巴, 租陽光對一間專利巴士公司黎講都係複雜, 唔符合常規運作,
又要政府批, 又要咨詢地區人士, 實行來絕對不易

建議51申請星期六、日另收費加班

可以加到好似嶼巴咁接近DOUBLE

另外特設優惠(指定八達通)供荃錦公路居民使用，於星期六、日仍扣平日車費

原帖由 s3n354 於 2013-3-6 00:49 發表

幾百萬一個小巴牌, 有人肯租小巴俾九巴, 九巴又肯花幾多錢去租,
司機邊個出, 油錢點計?
租小巴, 租陽光對一間專利巴士公司黎講都係複雜, 唔符合常規運作,
又要政府批, 又要咨詢地區人士, 實行來絕對不易 ...

司機方面可由小巴營辦商派出，但由九巴支薪，油錢亦由九巴負責

咨詢地區人士？係佢地唔肯接呢件豬頭骨喎，怪得邊個呀

(我都建議51係假日起碼收貴一倍以上，$16-$18一位都得，再唔係就72同80號綠小駁埋成為一條元朗經荃錦公路至荃灣既流水綠小線)

最終極做法係政府接手，外判俾營運商做(類似澳門總成本模式)

[ 本帖最後由 HE7921 於 2013-3-6 00:58 編輯 ]

原帖由 straysheep123 於 2013-3-6 00:51 發表
建議51申請星期六、日另收費加班

可以加到好似嶼巴咁接近DOUBLE

另外特設優惠(指定八達通)供荃錦公路居民使用，於星期六、日仍扣平日車費

理論上是可行
但運作上有困難

我唔敢講係唔係傳說中,越多人搭反而越蝕
(即係每名乘客嘅邊際利潤係低過損耗費用)
但有時我認為已可曲線折射……以51路面情況
塞車機會甚低,平日上下繁30分鐘,非繁60分鐘
一班其實唔會太有難度,當只有95%做到,起碼先
行出第一步,列出定點班次期望多幾個人搭,都唔願意。

大欖隧道通車,九巴急不及待開251M同將51
轉單層,但對於上村而言,51純計行車時間遠遠
快於251M,如果我係巴士公司為何不大力宣傳？
由此可推斷51營運成本甚至高過行欖隧的251M,總
好過兩條線分別做非繁30~40分鐘,20~27分鐘一班車
兩條都令人卻步嘅班次。

再瘋狂一啲咪上村附近起公共屋邨,咁可以幫補
51平日之客量,但實際係點就……另外我哋成日批評
九巴派車保守(例如屏夏路會否出現載客之三軸巴士等
討論)而直接公營路線本港應該無先例,倒不如用行政手段
要求鐵巴做,話晒港鐵有過半數股權係政府。

[ 本帖最後由 kitarolo 於 2013-3-6 01:19 編輯 ]

原帖由 HE7921 於 2013-3-6 00:16 發表
既然無小巴營辦商接手51，點解九巴唔響平日租綠色小巴行呢條線？(假日派返AAU)

唔通星期一至六都有班次係AAU都載唔晒？

平日早繁出荃灣過川龍後至少企十幾人，最多可以頂閘落山。

晚繁出荃灣都有十幾客。係入錦田差D。

其實錦田區內客都唔少，當然呢批客係可以改搭54/77K。

一月去參加石崗30KM長跑, 果時有關人仕曾透露 九巴話行走51線之巴士全部都經特別改裝, 故不會也不能曾加班次協助疏導人流,

想問而家行51果幾架DART 有咩特別改裝過? (加大水箱嗎?)

原帖由 Snoopy@FB8617 於 2013-3-6 00:15 發表
其實
都係搞唔清載一個蝕多個係都市傳聞定係真事

剩係講耗油。

小弟有段時間幾乎日日楂車行荃錦公路入石崗，上落山拉勻耗油量比行市區高兩三成，更比行高速公路高一倍。

搭親51個個避車處都要入，經常斜路開車，耗油更大。

計埋額外損耗，就算唔係開一個蝕一個都應該相去不遠。

[ 本帖最後由 s3n370 於 2013-3-6 01:18 編輯 ]

原帖由 HE7921 於 2013-3-6 00:56 發表


我都建議51係假日起碼收貴一倍以上，$16-$18一位都得

搭市區的士由荃灣站往荃錦坳都係六十餘元，新界的士再平多十蚊八蚊。
收咁貴只會趕更多客搭的士。

唔少人落山會行約二十分鐘落川龍搭綠小80。上山少D人咁做，但都見過。
綠小營辦商只會派最殘最舊的車落80，可見佢幾有心做。
咁趕客落綠小度，到時小巴營辦商唔知多唔多謝你好。

[ 本帖最後由 s3n370 於 2013-3-6 01:17 編輯 ]

原帖由 HE7921 於 2013-3-6 00:56 發表


司機方面可由小巴營辦商派出，但由九巴支薪，油錢亦由九巴負責

咨詢地區人士？係佢地唔肯接呢件豬頭骨喎，怪得邊個呀

(我都建議51係假日起碼收貴一倍以上，$16-$18一位都得，再唔係就72同80號綠小駁埋成為一條元朗經荃錦公路 ...

個個都講到51如洪水猛獸黎, 真係唔可以用現時方式繼續運作?

一黎九巴高層最近不止一次高調指出「有需要的路線，如51線經大帽山不少村落，蝕錢都會繼續做。」
「如51巴士，主要方便行山人士來往錦上路和荃灣，九巴是會一定繼續運營這些路線。」
版友們就樂此不疲咁戥九巴唔抵, 幫九巴諗方法減低成本, 甚至建議取消條線,
真係有點皇帝唔急太監急,
而家51已經變成九巴形象工程的一部分,
公司唔嫌棄條線蝕錢之餘, 仲專登買8部新車黎繼續營運, 證明九巴有企業良心同責任,
而家如果宣佈唔做, 還是宣佈假日加價一倍, 公眾對公司印象肯定會大打折扣

二黎論蝕錢錢, 側聞51並非榜首, 西貢92平日客量少, 又有轉乘優惠影響收入, 上斜亦令機件損耗甚大,
難道92又要收假日價彌補虧損?

[ 本帖最後由 s3n354 於 2013-3-6 01:30 編輯 ]