元朗區議員集體杯葛九巴

http://orientaldaily.on.cc/cnt/news/20130305/00176_092.html

不滿加價又削班          有份參與杯葛嘅李月民議員就話，往年一眾區議員都會畀面出席九巴春茗，但今年九巴加價加幅咁高，對搭長途巴士出去市區返工嘅元朗同天水圍基層居民嚟講，確係負擔。
                                        佢收到風仲話，九巴將會削減部分路線如269M，又建議啲居民喺大欖隧道轉乘站轉車，講到呢度，佢即刻扯晒火：「叫啲居民一早起身轉來轉去，有冇搞錯！」九巴就話今日嘅春茗會如期舉行，又話元朗區重組路線仲係傾緊，未最後落實。

唔知九巴遲下係咪減269M班?

可能到6月就會集體杯葛港鐵呢

好事!
既然無得傾就唔好再傾了, 直到運署/ 巴士公司肯認真考慮市民嘅意見; 雖然區議員唔代表所有民意, 但好歹係民選代表, 我覺得未得到應有嘅尊重。

269m 做天華路以南, 265m 做天華路以北會係比較合理嘅安排, 可惜李議員只會死攬住兩線唔放, 繼續讓兩線拖住卡咁到站, 或者一等3個字。

講到尾都係得個講字
居民睬你都傻喇

以為杯葛唔坐九巴，點知入黎一睇...

唓，食少人地一餐春茗好巴閉咩...

原帖由 HY671 於 2013-3-5 09:49 發表
以為杯葛唔坐九巴，點知入黎一睇...

唓，食少人地一餐春茗好巴閉咩...

之前完全無“杯葛”，E+食少一餐，已經好巴閉啦！

原帖由 HY671 於 2013-3-5 09:49 發表
以為杯葛唔坐九巴，點知入黎一睇...

唓，食少人地一餐春茗好巴閉咩...

議員代表居民, 居民同九巴利益有衝突,

瓜田李下, 免招口實, 呢類春茗根本就唔應該食。

食左咁多餐本來就要避嫌既飯, 難得食少餐就咁高調,
議員辦事處不如貼「恬不知恥」四隻大字。

食飯傾野無所謂, AA制就好了。

繼796B後, 又一條招標路線要cut.

原帖由 kwyeung 於 2013-3-5 12:35 發表

議員代表居民, 居民同九巴利益有衝突,
瓜田李下, 免招口實, 呢類春茗根本就唔應該食。

食左咁多餐本來就要避嫌既飯, 難得食少餐就咁高調,
議員辦事處不如貼「恬不知恥」四隻大字。 ...

唔高調點突出佢地平時係食開