想徵求步程最少的路線：

我計劃中有個咁的行程：想由元朗“谷亭街”巴士站(或可講是“又新街”都得)至到油塘的鯉魚門邨(即係14同259D的原總站)，我在年初二中午果日已試過搭268C到“觀塘市中心”站落再經觀塘港鐵站行去轉14B/14C；但我就嫌呢段路(主要係觀塘港鐵站內)的幾長下，而且加上沿途我同我的伴侶有携帶一個喼仔同背住大背囊；所以想請教下呢度的版友，由元朗大馬路往油塘呢段路想行最少的路(當然唔會搭的士，因想平同唔趕時間)，應係搭車(輕鐵到兆康轉67M？68X到“朗邊”至“大道村”轉68A)到屯門再駁車到屯公轉車站轉259D(可以搭到“油塘中心”站落)好呢或是268C搭到牛頭角港鐵站再行去“玉蓮台”站轉14B到“高怡邨”站落行的路最少呢？

[ 本帖最後由 kj9021 於 2013-3-14 16:30 編輯 ]

268C > 259D  
黃大仙 / 彩虹村 都可以同站轉

268C > 14 & 259D
啟業 / 牛頭角下村都可以  應該要行一個站牌位置

要轉乘 14B 有優惠 玉蓮台真係最近

[ 本帖最後由 Gary_B 於 2013-3-10 21:02 編輯 ]

268C觀塘市中心落車, 穿過7-eleven旁邊小巷入裕民坊, 上到去係對正行人過路處,
左手邊係50號小巴站, 站位前就係14C巴士站, 14C鯉魚門到裕民坊預15-18分鐘,
可以check下站頭豬紙, 大概15分鐘內有車到就唔駛再行, 一程搭到油塘中心.
轉乘優惠: 14C第二程$0.1

如果14C唔o岩, 可以過對面馬路, 沿輔仁街行上物華街, 轉右去巴士站, 搭14B到高怡邨,
落車後行落少少過馬路就係鯉魚門邨車路, 唔駛落番前油塘總站.
轉乘優惠: 14B第二程$0.3

嫌兩線等車等得耐(其實相對上14C班次比14B穩定), 可以落番觀塘市中心巴士站,
14號巴士站在268C落車位置旁邊, 62X(每日繁時服務)巴士站在康寧道口,
259D巴士站在觀塘道油站(即要橫過康寧道走回頭路), 三線均沒有轉乘優惠,
但有分段收費, 14 $4.1, 62X/259D $5.2

14C絶對啱啦！其“油塘中心”車站係正我要到的鯉魚門邨樓下！用咗轉乘價幾乎等於免費轉車，本來就係我心目中的首選；但本來只識行去觀塘港鐵站轉加上其“優質”的班次，所以焗住要考慮埋14B啫。
唔該晒“Gary_B”同“EX-TL”兩位的寶貴建議。

原帖由 kj9021 於 2013-3-11 09:27 發表
14C絶對啱啦！其“油塘中心”車站係正我要到的鯉魚門邨樓下！用咗轉乘價幾乎等於免費轉車，本來就係我心目中的首選；但本來只識行去觀塘港鐵站轉加上其“優質”的班次，所以焗住要考慮埋14B啫。
唔該晒“Gary_B”同“EX-TL”兩 ...

呢頭答完, 果頭有消息指14C 3月24日取消, 以後請到物華街轉乘14B,
如在早一個站玉蓮臺轉乘, 雖然較方便, 但未有分段收費關係, 轉乘價會比物華街轉乘略貴.

我係預計會相约我的伴侶(其實係“老婆”)去探訪鯉魚門邨獨居的母親，所以有機會要諗定轉車辦法到油塘(“油塘中心”站)鯉魚門邨內的幼稚園旁的樓上。預期屆時就無得考慮用14C轉乘了。

[ 本帖最後由 kj9021 於 2013-3-15 15:51 編輯 ]

原帖由 kj9021 於 2013-3-14 16:24 發表
我係預計會相约我的伴侶(其實係“老婆”)去探訪鯉魚門邨獨居的母親，所以有機會要諗定轉車辦法到油塘(“油塘中心”站)的。預期屆時就無得考慮用14C轉乘了。 ...

唔駛怕, 14B一樣得, 上高果三座高怡邨落車過對面馬路就係屋邨車路,
去鯉隆樓就只需靠住山坡旁邊行到盡頭, 有升降機直落, 只係B線轉乘價較貴,
觀塘要行遠少少, 以及班次難預算, 探親的話, 到物華街/街市買禮物都方便.

原帖由 dippy 於 2013-3-16 16:45 發表
觀塘市中心可以轉14X

半個鐘一班, 而且由中港城開過來, 時間難預,
除非樓主落車前見到有車, 否則唔建議死等一條線.

建議樓主都係行番觀塘站大堂去下一站,
有齊B/X兩線, 有轉乘優惠, 但係上觀塘站大堂,
晌橫過同仁街之後直行到診所旁邊的C3出口,
才進入大堂, 或沿行人天橋到另一端落番觀塘道,
比起用A1-D1出口無咁迫人.

我知道一定要橫過同仁街先有電梯可以上到觀塘站大堂而可以唔駛要行樓梯先上到去觀塘站的。