40號巴士改道對東九龍交通的影及為何還未實行

原帖由 AV385 於 2013-3-13 11:43 發表


我同意一點:拖多一樣野落水,整個建議既變數係會增多,
但係當我地現在落實一個唔完善既建議,將來要再向呢個建議上修改就更困難,
因為有一部份原得益者可能再下一次既修改中變成輸家,反對既聲音可能比現在更大
到時會否冇辦法見到我地真正想要既野呢?

好同意呢點，但係以40個case，就算條線停美孚，
之後都仲有空間同其他線重組。
最簡單，之後40可以改經上路、38改經美孚及葵涌道、繞經葵涌邨，42C不經荃葵，40P全日，技術上無咩難度。

原帖由 AV385 於 13/3/2013 11:43 發表

其實今時今日既改線制度好有問題,但大家好似好願意跟隨呢個不合理既制度去玩
到今時今日,我都無見過有人發聲去爭取改善呢個制度
但睇返現今社會,我地明顯係多左人上街、發聲去表達同埋爭取制度既改善
點解呢到同現實社會有咁大既差別呢?

因為香港的普羅大眾對公共交通的關注遠比其他議題弱，
除非是像中環天星碼頭、高鐵、尖沙咀碼頭總站
那些足以影響全港人的單一議題，否則除了政客，誰會關心？

有點能力的，大不了自己買私家車用腳投票。
就算付不起錢買私家車或坐的士，
香港還有紅色小巴這種適應能力極高的交通模式。
「建制外的解決辦法」實在多的是。

原帖由 dippy 於 2013-3-13 12:56 發表

連42性價比高都嗡得出既
咁無話可說囉
依家去深水埗比荃葵價都公平既
咁有乜唔公平?
事實上2A/6D呢兩條流水線
深水埗客都唔少
反而經偉大既"牛頭角"果條13D係乜嘢班次乜嘢客量, 大家有目共睹 ...

事實係42單程收$7.3，已經平過其他觀塘往返西九的路線，而且太子道西至深水步之間定線最直接。
計埋回程$5.7，平均一程$6.5，比起去佐敦尖沙咀差唔多。

但係呢個point根本唔relevant，重點係四順人去西九必搭42，去旺角必搭27，
但事實證明去旺角需求遠大過西九，西九<->觀塘唔係話少客，但亦唔係想像中咁多客，
根本已經係港鐵主導，非繁唔夠獨立成線。

唔好牛頭角前牛頭角後，13D根本係因為沿途同其他線重疊先至搞到客少，
咁你又證明到D咩？證唔證明到觀塘往返西九的需求大到不得了？
我自己係支持13D唔經牛頭角，但唔代表要掟出觀塘道，
我反對一切目的只在於將13D由牛頭角道掟走、滿足個別大帝，而唔係幫到觀塘區更有需要的屋村的居民的建議。

原帖由 S3BL100 於 2013-3-12 21:56 發表


好同意呢點，但係以40個case，就算條線停美孚，
之後都仲有空間同其他線重組。
最簡單，之後40可以改經上路、38改經美孚及葵涌道、繞經葵涌邨，42C不經荃葵，40P全日，技術上無咩難度。 ...

咁將來麗港城係咪咁易比條線不停美孚呢?萬一又話要替補,到時會梗難搵
而且會變成梗有一條要停美孚,但荃葵青邊一個地方去東九龍,經美孚就一定係兜路
美孚本身根本就冇咁大既需求要一條特快東九龍線,但就因為我地今日種下既呢粒種子
他日想拔就呢棵大樹一d都唔易

我覺得而家呢個情況就有d似89D,飛廣源絕對夠客,但廣源本身開一條線又唔夠客
結果就成個馬鞍山陪兜,即使唔用89D兜,都要用其他線兜
無錯用既時間唔多,但感覺好差囉....

原帖由 238X 於 2013-3-12 21:57 發表


因為香港的普羅大眾對公共交通的關注遠比其他議題弱，
除非是像中環天星碼頭、高鐵、尖沙咀碼頭總站
那些足以影響全港人的單一議題，否則除了政客，誰會關心？

有點能力的，大不了自己買私家車用腳投票。
就算付不起錢買私 ...

同意議題係弱,但我好奇既地方係呢到有好多自問好鐘意抱打不平既人都唔見有人提議行動者