職工盟撐巴士司機：要求平機會限期道歉，否則工業行動！

但依家唔係巴士公司做錯野，
佢地如果搞慢駛，係搵錯對象.......

原帖由 sea1986 於 2013-4-3 14:13 發表

又唔見外國嘅工業行動得唔到認同？
香港工人工作環境被剝削、被誤會都有人話野蠻
唔怪得香港工人咁容易被壓榨囉

留意到太陽報的報道......

http://orientaldaily.on.cc/cnt/news/20130403/00176_027.html
鍾松輝表示，若平機會於兩周內不道歉，聯席則發動旗下會員嚴格執行巴士規例，包括攜帶嬰兒車的乘客一定要摺好BB車才可登上巴士、乘客攜帶的行李不能超過指定尺寸，以及乘客不能站在上層及樓梯位等。另外，長遠會要求平機會以正確資料重拍該節目。自上月廿六日節目出街至昨日止，通訊事務管理局共收到卅一宗投訴。

原帖由 sea1986 於 2013-4-3 14:13 發表

又唔見外國嘅工業行動得唔到認同？
香港工人工作環境被剝削、被誤會都有人話野蠻
唔怪得香港工人咁容易被壓榨囉

可能大家都忽略左工業行動背後背負住幾多野
好多人一聽到話我受壓都唔參與工運，我比人剝削都唔反抗，就會歸咎為一種奴性主義
之後出現如同師兄所言「唔怪得你比人蝦，唔怪得你比人受壓榨」等批評
但工業行動本身唔係純粹「爭取利益」，「討回公道」咁簡單，
對內方面，工業行動係一種工友間彼此嘅共識，大家有共同目標去發動一場不合作運動
(至於話點樣為之共識呢D唔好爭拗吧，大家共識只係一個討論之下的磨合點)
搞得唔好，唔單止資方視你如無物，而且會損害工友之間的關係，形成內部分裂，呢個時候更加難以團結彼此去同資方角力

對外，市民會點樣睇一個運輸機構的員工進行工業行動? (包括但不限於罷工) 每次工業行動，負責人/召集人總會走出黎解釋行動目的，並先向大眾致歉
希望市民體諒，點解呀? 因為員工係代表公司架，搞工業行動會影響到市民日常生活，而員工亦希望市民可以明白自己都係逼於無奈
所以，有一個清晰目的係十分重要，爭取市民支持同樣係對工友們一種心靈上的安慰，因此工業行動唔應該成為一個動不動就拎出黎曬嘅籌碼
政黨團體撐工友固然係好事，但如果係鼓勵工友們用工業行動黎做籌碼去解決事件，你又覺得對社會造成乜野影響?
如果我只要擺個工業行動出黎就可以處理事情，咁其實洗乜你職工盟幫我? 我自己唔識得搞工業行動嗎?

所以我必須澄清，我唔係覺得工業行動責任全在工友身上，又或者工友係自己攞黎賤，絕對唔係
只不過工業行動務必三思，特別係影響到大眾時候更加要小心，要防止內部分化同埋避免被資方拎黎做進一步的剝削
記住社會上唔係只有你一個單位做緊野
好似今次事件咁，你集體發動車長向廣管局投訴，豈不是更加觸目同到位嗎?  而且用呢個方法，我自己都可以幫助車長

* 岩岩睇到版友指出「工業行動」原來只係嚴格執行車廂規則，咁呢個就係另一個態度了

原帖由 jd2522 於 3/4/2013 20:36 發表

如果係鼓勵工友們用工業行動黎做籌碼去解決事件，你又覺得對社會造成乜野影響?

我對呢種言論好反感。

衰啲講句，如果唔係有李卓人之類嘅人靠搞工運搵飯食，啲工人一定更加慘。
即使計哂你頭先講過嘅嘢入去，我仍然認為呢類人具有相當高嘅存在價值，
甚至可以話佢哋「用工友做籌碼」比嗰啲「搵工友笨」嘅團體 (係，我講緊工‧聯‧會！)
神聖得多！

兩週既限期尋日已經屆滿，仲未聽到有工業行動既消息，唔通車長們都決定放過平機會?

原帖由 GCx468 於 2013-4-17 21:03 發表
兩週既限期尋日已經屆滿，仲未聽到有工業行動既消息，唔通車長們都決定放過平機會?

職工盟而家仲有時間/資源?

新界西兩個民主派工會議員，
一個係有心做事，另一個只會搶閃光燈

原帖由 nwfb1001 於 2013-4-18 13:36 發表

職工盟而家仲有時間/資源?

原帖由 LF5502 於 18/4/2013 16:29 發表
新界西兩個民主派工會議員，
一個係有心做事，另一個只會搶閃光燈

唔怕開埋名喎。你係咪話搞緊罷工嗰個做實事，
而喺葵涌好大勢力嗰個「臭草先生」就只會搶閃光燈？

原帖由 238X 於 2013-4-19 11:16 發表


唔怕開埋名喎。你係咪話搞緊罷工嗰個做實事，
而喺葵涌好大勢力嗰個「臭草先生」就只會搶閃光燈？

事實唔係倒轉咩?

原帖由 cheungtszfung 於 19/4/2013 12:56 發表

事實唔係倒轉咩?

我都係撞佢諗乜啫，倒轉當然符合我嘅觀察啦。