其實呢個可以係好嚴肅既話題。
唔知呢度有幾多站友係讀緊書, 仍然由屋企俾錢洗費。
今時今日, $16,000雖然唔係好多, 但要搵亦唔係容易。
燈油火爉樣樣都係錢, 家用、伙食、交通費又係錢,
好多人大學畢業已經欠政府一身債,
仲有好多保險、強積金各種唔供又唔得既冤枉洗費。
$16,000話都冇咁快就洗左去。
某d人鐘意幾十蚊坐一個站落車, 呢d係佢既自由。
但有福氣亂洗錢, 我就建議佢d錢用得更有意義。
高考後我就一路做野一路讀書, 手停口停,
日做夜做, 出門口時屋企人未起身, 放工佢地又已經休息,
係香港打工都做到homesick。
又見過好多比我更慘既人, 為慳錢可以每日九龍行入新界,
病都未入院仍然要為生活奮鬥, 但死慳爛慳都唔夠你一程車咁威。每洗一分一毫都有心理壓力, 窮既滋味真係唔好受。
到而家總算有曙光, 生活慢慢改善,
我自己就有plan去儲錢, 進度良好儲得比預計多, 就將一部份捐出去。
錢多到洗唔哂既, 用$16,000每日買50個飯盒,
去深水埗派俾有需要既人,
一定有意義過A29坐幾個站仲要俾人當小丑笑。
[ 本帖最後由 kwyeung 於 2013-4-9 17:06 編輯 ] |