2013 SkyTrax 全球最佳機場排名, 香港趺出三甲

2013 SkyTrax 全球最佳機場排名, 香港今年竟然趺出三甲 (十二年來首次)
ref:
http://www.worldairportawards.com/Awards_2013/Airport2013.htm

頭三名分別係
1) 新加坡 (SIN)
2) 仁川 (ICN)
3) 阿姆斯特丹 (AMS)

香港排第四 ~

報告完 ~

管理日益中國化，設施又豆腐渣，登機橋都可以倒塌，新指示牌D字體又核突，排名下跌意料中事。

以前香港機場抵步拎行李好快，我試過行李出得仲快過人！但而家等行李等半個鐘以上係平常事，又成日唔夠行李車，總之好多細節都退步緊。

樟宜就真係保持水準，無計，香港同新加坡無得比。

原帖由 PB602 於 2013-4-12 22:04 發表
管理日益中國化，設施又豆腐渣，登機橋都可以倒塌，新指示牌D字體又核突，排名下跌意料中事。

以前香港機場抵步拎行李好快，我試過行李出得仲快過人！但而家等行李等半個鐘以上係平常事，又成日唔夠行李車，總之好多細節都退步緊。
...

老實講香港而家唔小機構心態都係咁,
最緊要做搵錢份上, 其餘 o既, 比到服務你就算數,
一 D 都唔人性化,
根本係部份公司搵錢搵到已經冇哂良心 ~

不過你上面講到新指示牌D字體又核突其實係有野講,
據講中文字體佢轉用襯線字體, 佢所講 o既原因就係因為黑體起遠睇個陣會客易同其他字混淆而轉用宋體字,
不過佢而家又紅又藍又真係 ......

原帖由 AVD1 於 2013-4-13 17:54 發表

老實講香港而家唔小機構心態都係咁,
最緊要做搵錢份上, 其餘 o既, 比到服務你就算數,
一 D 都唔人性化,
根本係部份公司搵錢搵到已經冇哂良心 ~

不過你上面講到新指示牌D字體又核突其實係有野講,
據講中文字體 ...

呢個原因真係咁都講得出...
大陸機場都用黑體，原因好簡單，遠距離都望到寫乜，唔駛去到指示牌前先知要去邊..

而家字又幼，英文字又細隻，又藍又紅，有時左右指示又唔亂擺...唉


再講返今次結果，香港機場係抵輸！而家terminal入面舖就越整越大，越o黎越多，特別o係T1過完security check後o個堆舖最混亂，但廁所就越整越細，行李越等越耐...機管局可能當左自己係領匯咁樣run商場，但唔記得自己run緊terminal!!

香港機場退步其中一個致命傷係人力資源短缺，直接導致整體運作效率降低。
以前機場的職位普遍都會有特別津貼，又或者薪酬會調高一點，以彌補員工付出的額外交通費及時間；
但自從最低工資實施後，市區較基層職位的工資上升，追近機場職位的工資，愈來愈少人願意返機場。
最新估計的數字，全個機場島所有工種加起來，約有二千個職位請唔到人，每年增幅有雙位數字。

我認識的其中一間公司，在香港機場和上海機場都有業務，
在香港，這兩年有二百個職位空缺，薪酬比市區的稍高，一直請唔到人；
相反，在上海，早前開出三百個新職位，兩日就請晒人。

見上面提到拎行李，今晚既事小弟都有少少不快...

今晚小弟剛剛從歐洲經杜拜返港，晚上 9:25 左右到步，大概 10:00 就拎到自己件行李，
但係為左等埋另一位同事既特大行李，於是就去左 14 號果邊等。

再等候超過 15 分鐘，只係間中有一件半件行李逐件逐件出黎，結果等到接近 10:20 都仲未等到果件行李。
果邊負責既同事見我地企左一段時間，就好心同我地講，有時下面既人要上面既地勤叫先會快 d 拎上黎，
如果唔係你地就有排企。佢叫我地返去叫個地勤問下個情況，於是我地就行返過本身班機果條行李輸送帶
問個地勤。

最初由我既同事提問，跟住我見佢好似唔多想幫我地，我再講返個情況出黎，勞煩佢可唔可以問一問我地
件行李既情況如何，點知講左好幾次佢只係不停重覆「宜家行李仲未出晒」... 其實果陣行李輸送帶上
已經剩返好少行李，同埋當時班機已經抵步接近 1 小時。同一時間有另一位外藉人士亦在地勤面前以
英文表示自己等左件行李好耐仍未到，但該名地勤直情冇理會佢。

等下等下，等到行李輸送帶的顯示屏上，航班行李抵達狀況轉左，果個地勤先肯望下我地張 baggage claim，
再 call 咪問，結果攪到過左 10:30 先至拎到果件行李。換言之，由落機到拎完行李花左超過 1 小時...

請怒我唔清楚機場行李輸送既操作，究竟一般情況每班機既特大行李係咪要等晒全部行李送走晒先至
一次過運去 14 號輸送帶? 今次都係我第一次o係香港等特大行李，但之前在好多地方等特大行李都
唔會慢到咁。同埋地勤係咪要等到行李出晒之後先可以幫手呢?

唉，似乎今時今日香港機場行李運送既速度係強差人意。頭先我仲聽到開咪話有班國泰有班機既
行李會有延誤。

原帖由 區麗芝 於 2013-4-13 20:57 發表

香港只係一個城市，新加坡係一個國家。

試問又點可以比較呢?

乜一個城市同一個國家嘅國際機場管理能力會有差咩？

原帖由 sea1986 於 2013-4-14 02:08 發表

乜一個城市同一個國家嘅國際機場管理能力會有差咩？

以前香港重可以算係同紐約倫敦齊名, 是為 "紐倫港", 宜家我地就驚會吳會比內地其他城市追過, 根本就係退晒步

原帖由 Leo123356 於 2013-4-14 13:33 發表

以前香港重可以算係同紐約倫敦齊名, 是為 "紐倫港", 宜家我地就驚會吳會比內地其他城市追過, 根本就係退晒步

似倫敦就死得...LHR混亂情況只係好過戴高樂dd咁多.

不過香港真係差左好多.裝修開始殘, 冷氣溫度又越攪越"環保",toilet越來越污糟.
仲有好似板友話齋,d行李越來越慢出.管理差過以前睇新聞都知地勤撻行李竟然可以係香港出現.
以前的確可以人未到行李已出左行李帶. 家下真係過晒immigration,出來仲要等多陣.
字體呢d我唔彈喇.我覺得同評分唔會有關. 但係佢隻新細明體款指示牌真係望落似臨時亂貼咁.核突到爆.
最諷刺真係,果日淋左條登機bridge, 聽日睇新聞就比skytrex燉左冬姑.

好心....縮皮還縮皮. 機場係旅客入香港第一眼見嘅地方,亦係臨走最後見嘅地方.
攪好香港形象麻煩攪好機場.
我地機場唔係配套先天唔夠人爭.我地威過咁多年.家下唔得係你搾流攤.