如果城巴經營九龍市區路線

如果城巴經營九龍市區路線, 即no.1-29M; 203-224X車費等級可以按城巴現行標準, 其實市民得益最大.

車費可以減到什麼水平?

我估計:
11X; 13X; 14X; 15X; 215P/X; 219P/X 可以收$6.2; 東西行分段收$3.4; 224X 收$5.8

其他呢? 請接力.

[ 本帖最後由 Ekin 於 2013-4-22 00:40 編輯 ]

13M/16M/23M/29M: $3.4

短途線會平好多,
不過唔代表流水線一定就收 $3.4
因為九龍無電車, 即使俾城巴做佢都可能收貴 d

但都可能有缺點, 就係城巴本土線的轉乘好孤寒
現有的好多 $4 轉新界線的轉乘唔會有

而家新城堆九龍長途線得E21系有平過$4既九龍分段（796C個$3.4分段係為左補償702原有乘客，所以唔計），又何苦要FF城巴過到黎會賣大包條條都有$3.4分段呢？

我只知道對唔少專線小巴黎講肯定係災難

在歷史上，當一個政權出現腐敗與不滯，就會有人希望由新的政權統治，甚至推翻政權。而今日主宰超過八成九龍新界專利巴士市場的九巴(屬於載通陣營)，因其經營不滯，而令人渴望另一陣營(新創建集團)的城巴來做。君不見新巴在將南/西九新區的表現如何？何不問問在該兩區居民的評價？

城巴訂價通常都計清計楚競爭力，但都唔係一味平過人地
93-98 年接手既港島路線，個冷馬價位一次比一次貴翻 (接近甚至超過中巴水平)


大部念南區屋村出市區路線 如果一路照中巴價位，如果去到 98 年大約會係熱/冷 $4.2/6.2
赤柱出市區路線 如果一路照中巴價位，去到 98 年大約會係熱/冷 $6/8
北岸流水路線/流水分段 大約 $2.9/3.7，東區區內-灣仔區大約 $2.7/$3.2-4.1、南區區內 $2.4/2.9


93 年接手既大部分路線全冷價都偏向收平左，
1 呢 d 應該唔算好搵，而且可能亦受到小巴競爭 (唔清楚當年情形) 同埋 93 年時盡量低價希望投得路線，全冷價到 98 年都只係 $5.1
南區出市區個堆香隧線，為左盡快全冷、區內同出市區都同小巴競爭，無論全程定南區區內分段收費都特別平
西區線可能都係因為同其他交通工具競爭大先收咁平，相信因此連帶後期 10 號巴士都有得減價，使西區線客量平均 d
但要搶錢都唔手軟，6 系一開始個全冷價已經夠驚人，比起 14/63/64/65/66/399 後期加冷個冷馬價更高



95 年之後開始個堆線已經無再好似之前咁要以特別低既冷馬價錢搶到堆線返黎

11/511 兩條係一 pair 咁接手，獨市之下即刻全冷並跟翻原本中巴冷馬價位
如果 98 年運輸處唔係特登砌到要盡量每個地方都有新/城競爭，將寶馬山/勵德村 25/11A/25M 俾晒城巴，
相信城巴應該都係好似 11/511 咁全冷同埋直接取原本個冷馬價，25A/C 應該唔會平到全程一開始就 $4...

薄扶林線亦唔再特別低價，熱狗價同中巴價位差唔多，全程冷馬價比熱狗價貴個幾，
不過過瑪麗醫院出市區分段特別平，似係想以較平既平均來回價吸引市區至該處既乘客，同埋亦加翻南區區內特平分段，同小巴競爭

差唔多時期開辦既 90B 本身有些少獨市位，又有 91 590 同埋自己堆 R 線托起個冷馬價，收費都唔算特別平

接辦 99 時亦即刻全冷再延長都無好似之前堆香隧線咁收得特別平，只係同自己路線有一大段重疊既 592 減價
(其實如果唔減價，可能 92/592 至今都重係似 90/590系咁拖著好多年都未重組到)

85 都同 82/ 東行 8/81 冷馬價相若，8X 85 同之後既 780 788 789 柴灣區內分段都係同 84M 冷馬價位差唔多

77/99 過香隧後返東區都唔係特別平，比 2/2A/19/23/38/42/65 同一路段既冷馬價貴，到則魚涌/西灣河先有特平分段同小巴競爭

41(A)、73 呢 d 似乎係止蝕同競爭大先訂咁平，而 260 呢 d 本身已經係高價，改一改特快之後更加繼續企硬高價

好似 N 車，N72 N90 可能受到小巴競爭，全程收費反而比 N8X 平得多，N8X 獨市部分收費毫不手軟，
新巴後黎開辦 N8P 都無咁貴，只有同 N8 競爭個部分先同價
重組 8X/789 後，相對獨市段一樣唔見得有減價


似乎如果城巴經營九龍區路線，唔見得一定會收得特別平，分段收費似乎都係睇該區競爭對手價位而定
如果個區平價小巴當道，相信城巴應該好樂意提供比 $3.4 更平區內分段，好似柴灣、耀東、南區咁
或者即使全程收費貴，但起碼去到有平價流水線既地方會有翻分段，起碼唔會同隧巴平行但收差唔多價甚至更貴
不過雖然九龍道路網同港島好唔同，全程收費無得直接比較，但全程收費又好，分段又好，城巴做應該會比較"齊頭"，
如果以將軍澳做例，相信幾條 A、B/93k/95/91m、C、D/297/796x 各自都會係差唔多價位
調翻轉俾九巴做港島，由中區出發，情況可能係搭 37A 行薄扶林比 3A 貴一截、 4 系再貴一截、7 號再貴一截、91/94/71 再貴一截...
港島北岸由灣仔/銅鑼灣去北角，明明有大量同電車平行既路線，但終點站最遠個條，個車費可能加多少少錢已經夠搭 2X/8P，或者跟 112/116 過海後價位差唔多


巴士公司放更多資源落貴線引人搭貴車都正常，每間巴士公司都係咁
如果本身貴一截但仍有一定捧場客班次又夠密都算，如果一堆路線中段重疊，但班次各自都唔係密，
再整到條條線同路段唔同價位就只會趕客，搞到客量不均，改變唔到乘客搭車模式，想重組路線陰乾平價流水線應該亦都較難，分分鐘得不償失


俾城巴做九龍，而家全程 $4.3-4.9 個堆短途流水線未必做得好/平過九巴，
但相同路段應該會有一大堆跨區線收緊一個相對劃一既分段收費，等車時當堂好似多左幾條線揀咁，
就算幾條線夾埋都仍然係算收得貴 (好似柴灣、南區個 d $3.1 $3 分段其實仍然比起部分小巴收費貴，但巴士可以叫幾飛，等車條氣都順少少)

原帖由 da87 於 2013-4-22 04:32 AM 發表
我只知道對唔少專線小巴黎講肯定係災難

應該係對紅Van有前所未見o既災難性影響....

睇見今時今日港島北岸條公海線...同當年中巴時代相比

目前已有全日新巴士線計劃中而且會由招標決定承辦公司（將軍澳至荃灣線）
如果城巴入標競投，是否可行？

（若城巴肯入標，預期城巴優勢會是新車充足，而新巴則有將南服務經驗，九巴則有轉乘網絡支持）

幻想無限美

幻想完落到旺角咪又係一街都九巴