客量調查：時間建議

承接本版多個有關個別路線的討論，小弟希望能親身觀察（嘗試）有關情況，到底在那些時間最能體現下面情況？希望師兄提供意見。

1 九巴51平日的慘淡，最好能見到載空氣。
2 九巴40行車慢及作為流水線的功能。
3 九巴73A作為沙田及上水居民繁忙時間的選擇。
4 九巴66因車少而失去競爭力。
5 九巴261在馬亞木競爭下，平日的生存狀況。
6 九巴273A因各種原因而不被北區居民是為區內接駁線。
7 國海隧巴170因要應付塞車而導致行車時間大失預算。

上述的情況，部分是已經公認的，也有只是部分人的意見，小弟都希望以個人的經歷，就算只是九龍人一個，也有建基事實的對新界路線的看法。

希望師兄幫幫手，先謝！

3. 73A平日下繁5-7點往上水方向, 在廣褔道至太和分站可坐滿
7. 170 平日下午6-8點往沙田過香港仔隧道, 可以塞到半個鐘都出唔到隧道

記得有版友講過，運吉一路有測度繁忙時間既載客量，繁忙時間既定義，全港一律係0800-0900；1700-1800。
小弟最近幾個月搭車用"數人頭計數器"數過唔少次，我唔係要數確實人數，係想推算車費袋到幾多$!
我既方法
一般人士： 按兩下
特別人士(白髮長輩、貌相似過左60、貌似小學生、咩小學書包...)： 按一下
著巴士公司制服： 唔按

最近一次係琴日星期五，利源東街上905去荔枝角。利源東街上車，目測我估車上坐左18人，車費方面我唔太考究喇，$9.3同$9.8差好少姐，比$9.8點都唔會有幾多位啦，就當呢18位每人比左$9.3啦！
之後，我手按計數器36(18X2)下+4下(我本人+只有一位OL同我同一站上車)，過海之前，累積總共有：215下。當中海味街上車起碼有3成人我淨係按一下 (全部都應該係二元人士)。每一下，代表既係$4.7 (半價)。我推算過海之前呢程車收左$1000-1100車費。
呢程車：時間：1745@利源東街，同前車相隔7分鐘(小弟送左車尾)，用車AVBW即座位只有80個。

繁忙時間既定義......1700-1800

應該得運輸署 office 的人放左工......

原帖由 ATE31 於 2013-4-27 21:43 發表
3. 73A平日下繁5-7點往上水方向, 在廣褔道至太和分站可坐滿
7. 170 平日下午6-8點往沙田過香港仔隧道, 可以塞到半個鐘都出唔到隧道

170入沙田我上星期二都坐過，撞正下繁，坐左勁耐，等都等左勁耐！！
我有用到(回覆#3)我陳述過既測度方法，唔清楚記得按左幾多下喇，總之記得，由華富到入獅隧，總共收左超過$1600車費。
等車用左25分鐘@華富華安樓，1728去到站頭，1746見到有架AVBWU私牌經過(都係行去香港仔方向)，1753先有170(ATE)來到！
香隧間封，龍尾去到"香隧收費廣場"之前200-300米位置。入香隧時，我記得已經按左80幾下，80X8=$640。
跑馬地馬場對開天橋上"過海時間顯示"既係20分鐘紅色字。
去到維園道，多位乘客發出怨言話好塞車，我聽到坐好近兩位都打電話講話"好塞車""仲未過紅隧""仲未到泳池""早之行去搭182"。
去到怡東油站，一位女士打電話"太塞喇，你唔好等喇，我唔黎喇！"
去到紅磡，上層差唔多一半人都落車，一兩個阿叔大聲感嘆："170都唔係比人坐既，巴士公司嘥資源"
之後九龍區除左九龍塘MTR，每個站都有人落車。九龍路況算OK，惟聖德勒撒堂、九龍塘會之前行車好緩慢。
我o係新翠落車，落車時間係1940，即係坐左1小時47分鐘！

[ 本帖最後由 GCx468 於 2013-4-27 22:40 編輯 ]

原帖由 JA3907 於 2013-4-27 21:24 發表
5 九巴261在馬亞木競爭下，平日的生存狀況。

上年暑假坐過，下晝4點，上水-->富泰之公路上，上層只有一半單邊位有被人坐，用車AMN，全車應該有50個客

原帖由 GCx468 於 2013-4-27 21:56 發表
記得有版友講過，運吉一路有測度繁忙時間既載客量，繁忙時間既定義，全港一律係0800-0900；1700-1800。

之前幫運吉數西隧線係 1800-2000

小弟所知運輸署的定義係 0700-1000, 1600-1900


至於各位調查員做 0800-0900 / 1700-1800 或其他超短 / 蚊型 / 怪鐘類
只係純綷因為個別運輸署官員想慳鐘。

因為運輸署的調查合約均是以調查小時計算的
即是例如外判商以一個價錢承包 10000 個調查小時之類的

不過再說就離題了。~


[update : 有個別官員則認為下繁為 1700-2000]