【討論】南北走廊減至9卡車後的運載力問題

有些市民已關注到東鐵由12卡減至9卡，可能會令早上繁忙時間出現運載容量不足的問題。

港鐵官方沙中線工程網站提到：
「為增加載客量，南北走廊的訊號系統將會改善，班次將會增加，由現時繁忙時間
每小時約20班，加密至每小時約27班，即每小時提供243卡車，與現時約240卡車相若。」

事實上，東鐵在4月上旬加班後，早上繁忙時間已出34班車，使火炭站以南的班次進一步
提升到每小時24班（288卡車），而非上文所指的約20班。因此，如果將來南北走廊加到
相若車卡數目，每小時要加密至每小時32班（288卡車），而非上文所指的約27班。

可是，大家也知道，港鐵只為南北線購買了37列新車，車隊數目與現時相同。由於路線
延長到金鐘，即使早上繁忙時間出35班車，亦只能夠提供每小時約23班車（207卡）的
班次密度，即比現時減少了81卡車（即減少載客容量約27000人）。

由此看來，港鐵很有信心每小時有81卡車的乘客（約27000人）能夠分流至東西走廊。

另一方面，倘若乘客增長速度較港鐵預期的快，37列新車將會不足以應付南北走廊的
需求，港鐵有需要考慮在南北線通車之前增訂新車。

其實係誤導
佢就話車卡同現時一樣，
但係無講到因為過海段通車後引發既客量增長

到時有班蝗通車，
班次又會亂晒

原帖由 SSBT 於 2013-4-30 22:21 發表
其實係誤導
佢就話車卡同現時一樣，
但係無講到因為過海段通車後引發既客量增長

到時有班蝗通車，
班次又會亂晒

有咗高鐵之後, 應該會少好多直通車

老老實實，如果保留頭等，咪即係頭等班次由每小時20卡增至27卡？天大喜訊！

其實若果上繁班旺東特車可以變返正式班次既
已經可以好好好多

而家未知新車內籠如何，我估應該會好似市區線咁，每卡中間門附近係大小水塘。
無論有幾多人分流到東西線，由羅湖／落馬洲至上水都一樣只係得一條線，
這部分一定要維持至少和現在一樣的運力。

千九每卡載客量比MLR大約多36%（中間卡計），
假設新車每卡載客量同千九一樣，理論上就算卡數不及現在，總載客量都會有所提升既。

現時繁時每小時載客量，假設千九平均分佈，24班車佔5班：
5144 x 5 + 3862 x 19 = 99098

假設新車每卡載客量與千九相若，並保留頭等，則為3788。
要做到和現時一樣的繁時每小時載客量，就要開26-27班，咁就同M記講條數差唔多。
但只係維持現有載客量咋喎，要照顧埋新增客量，夠唔夠車開呢？

[ 本帖最後由 DIH 於 2013-4-30 23:26 編輯 ]

龜龜將龍華線"優良"經驗搬落香港，又係用班次去解決唔夠載問題...
但一伸延到過海，運吉一發功cut巴士線迫你坐鐵路過海，繁時一個鐘27班真係唔夠載

再加班次，一來唔夠車，二來隧道通風系統未必可以負荷...

如果現有人口不變的話
我覺得都夠用的, 東鐵宜家最迫係大圍-九龍塘段, 理論上沙紅線會分流到呢班客
東鐵上水至大圍段, 其實都仲有好多位剩, 好似南行尾3卡係幾鬆動

但問題係, 政府未來會發展新界東北, 將會係半個北區咁大
又有污水廠附近填海, 大埔吐露港又填海

呢d 新區, 巴士線應該只會駁落東鐵站, 即係大部份人都會搭東鐵
到時東鐵都唔知點頂

唔通到時學龍華線咁用鐵馬陣"限流"?


有人提及到MLR 載客量
其實經驗話俾我聽, MLR 同千九分別唔係幾大, 由其係晚繁
d 人都唔會行入卡與卡中間果個位
所以新車改用ex-M 門位, 將會真正提升載客量, 成部車無哂d 較鬆動的位置

[ 本帖最後由 JF1261 於 2013-5-1 09:43 編輯 ]

係時候要考慮計劃「東鐵二線」，順便解決城門隧道擠塞問題。

我諗要咁上繁先行到27班：

12班羅湖+6班落馬洲+9班大埔墟

咁都要開35列列車（金鐘-羅湖／落馬洲行車時間40／42分鐘，來回計埋停總站為90分鐘，果度60分鐘=18列車，90分鐘=27列車；金鐘-大埔墟行車時間25分鐘，來回55分鐘需要8列列車，另外行車時間以最少時間計算，若果行車時間有延長班次會更少）

所以37列列車係不足應付，建議保留MLR列車