九巴63X線調整班次

原帖由 kmb63x 於 2013-5-3 23:49 發表
umm...其實63X原意係服務洪水橋至藍地（雖然只係服務洪水橋邊緣），輔助紅橋至華都既58X來往西九龍
係提供基本通勤服務既路線，並唔係要咩九龍獨市、特快、好有吸引力
而63X無左，九巴既性格係最多加兩部蛇車俾68A行朝早，其餘時 ...

洪水橋己經有68X出九龍，又可搭68A出轉車站轉60X，有2個選擇之下無謂死留63X

58X又唔係爆得好緊要，脫班又不常見，我唔覺得少左63X對屯公三站會有咩影響。

九巴應該先將263M消滅再將68A非繁定點15分鐘一班，再設立巴士到站時間，
63X就應該轉兩繁，撥資源給68A和68X。

原帖由 adv_106 於 2013-5-5 23:43 發表


洪水橋己經有68X出九龍，又可搭68A出轉車站轉60X，有2個選擇之下無謂死留63X58X又唔係爆得好緊要，脫班又不常見，我唔覺得少左63X對屯公三站會有咩影響。

九巴應該先將263M消滅再將68A非繁定點15分鐘一班，再設立巴士到站時 ...

取消63X之後，我們或者可以嘗試一下將80人逼落一部68A之後再逼落一部60X，不過更可能係逼左落610/614/615/751同九廣西鐵
而所謂68A會加班、改善服務，都係算啦，68A自己都不斷被減班，只係冇63X同263M減得咁多咁難睇
該段青山公路既全日巴士線近幾年都無一倖免，但人口就上升緊，如果住個度既人係會出街的話，即係話佢地都去哂兆康站同天水圍站

原帖由 EE9255 於 2013-5-4 18:42 發表
我又唔係太明白D巴士迷搭車模式,好多線你要搭,就搭,唔搭就唔搭,
計到時間到搭,計唔到時間唔搭63X搭咩呀?
你巴士迷就識計姐,
好多時實際乘客企響屯門,旺角,長沙灣等63X,
有幾多人識研究張路線紙,幾點開,再計幾點有車 ...

我完全同意你的睇法。

話說早年好多人激讚新城編既時間表，
但人地精髓係唔密唔疏既線班次羅列得詳細，疏車線盡量固定間距（20、30 分一班）。
介乎 10-20 分鐘一班既線，人地個時間表係唔需要夾硬執到 10、12、15、20 分鐘一班，
人地都仍然有大量 13、14、16、17、18 分鐘一班既班次，
但人地可以詳細到列出一班隔 12，一班隔 13，一班再隔 15 既班次，直情甩出黎逐班寫明開車時間，
我唔明點解九巴一定要減班減到 15、20 分俾 60 除盡，但又唔見得係個個鐘都係同一個時間開車，
今個鐘開 06 18 33 48 分，下個鐘卻係開 03 23 43 分，開車時間都係咁零丁，咁 60 除盡又有鬼用？

會計班次的人，開幾多分一班都計到，
乘客需要既係一個計得到幾點開車既時間，係咪 60 除得盡反而唔係必需。
但可惜絕大部份搭巴士既人都係唔會計班次的人，當然係越密車越好，密得 1 分得 1 分。

再者，事實早就證明「定點班次」亦都唔係改善乘客量既靈丹妙藥，

690、692 大家都玩定點 20 班次，690 得部份時間定點，692 卻幾乎全日定點，

理論上 692 個時間表應該係更加吸引乘客等車，但結局係 690 客量回升，692 客量卻毫無起色，
根本營運巴士，就無一套條「萬能 key」，唔同路線營運環境唔同，無可能全部套用同一條公式做野。

原帖由 adv_106 於 2013-5-5 23:43 發表
洪水橋己經有68X出九龍，又可搭68A出轉車站轉60X，有2個選擇之下無謂死留63X58X又唔係爆得好緊要，脫班又不常見，我唔覺得少左63X對屯公三站會有咩影響。
九巴應該先將263M消滅再將68A非繁定點15分鐘一班，再設立巴士到站時間，
63X就應該轉兩繁，撥資源給68A和68X。

一句到尾，68X去到藍地既話63X真係無咩存在價值
可惜68X係唔可能拉到去藍地的...
當263M取消左，68A又話計劃唔經葵涌，你又想63X轉兩繁
九巴肯俾68A非繁定點15分鐘一班就奇，肯再撥資源給68A和68X就仲無可能-_-

原帖由 Lost 於 2013-5-5 23:55 發表


取消63X之後，我們或者可以嘗試一下將80人逼落一部68A之後再逼落一部60X，不過更可能係逼左落610/614/615/751同九廣西鐵
而所謂68A會加班、改善服務，都係算啦，68A自己都不斷被減班，只係冇63X同263M減得咁多咁難睇
該段青 ...

63X 1日有幾多班車坐多過80人？我唔否認

屯門至屏山的一段青山公路的人口係上升緊，但是果度D巴士線開20分鐘一班都係得幾丁友坐(己經沒什麼競爭對手)。

263M基本上由朝頹到黑，68A就係得早繁叫好客，68X基本上都係要元朗大馬路班客支持，可想而之九巴在洪水橋的營運情況係幾甘差。

至於63X，我的意見同268B一樣，留返繁時服務就足夠，早繁開0600-0900 15分鐘一班，下繁1700-1900 20分鐘一班，

63X非繁有不少替代路線，

例如屯公三站有58X，洪水橋有68X，其他地方有68A＞60X，再唔係就MTR。

63X呢條線，講衰又唔算衰到貼地，但至少比57M，59A呢堆線還差，一早應該進行重組。
當69M都可設立定點班次的時候，我又唔覺得68A無可能，別忘記呢條線的塞車位唔多。
68A設立定點班次可令班客仔更受落，希望吸引多些客搭佢出去轉車站/荃葵。

青山公路交通，其實谷晒落一條線，做密 68A 好過！
取消 63X 問題方面，如果驚 68A 轉 60X 應付唔來，加埋 68A 元朗方向轉乘 68X 啦

原帖由 kmb63x 於 2013-5-5 23:06 發表
非繁少客又唔只呢條既，你朝早搭一程出九龍，黃昏搭一程返屯門
留意下對頭方向就會分到多客同少客路線既比例係點



出東九要快實係轉車站轉61X／259D
63X吸引力同價值始終都係可以一程過來往荔枝角至油麻地！


63X夜晚十點 ...

63X夜晚十點幾一直有車係私出去佐敦開返洪水橋
而家唔係2個鐘一程嗎???何來還有私牌車的?

原帖由 ME9661 於 6/5/2013 22:50 發表

63X夜晚十點幾一直有車係私出去佐敦開返洪水橋
而家唔係2個鐘一程嗎???何來還有私牌車的?

無私出去，只係做一單 68X 出去做一單 63X 入去咁

原帖由 5504-NK3640 於 2013-5-6 23:22 發表
無私出去，只係做一單 68X 出去做一單 63X 入去咁

唔該晒師兄update既資料！

原帖由 kingprowm 於 2013-5-6 19:37 發表
青山公路交通，其實谷晒落一條線，做密 68A 好過！
取消 63X 問題方面，如果驚 68A 轉 60X 應付唔來，加埋 68A 元朗方向轉乘 68X 啦

九巴同運輸署之前建議68A留青衣棄葵涌客倉-_-好難會覺得九巴想做好做密68A
如果真係成事，無左葵涌既68A變左條翻版251M出黎就...
宜家68A朝早六點幾到八點幾開既班次，班班泥圍、藍地就要企，紅橋就頂閘
已經好多個月係咁，班次照舊都無得加...

原帖由 Lost 於 2013-5-5 23:55 發表


取消63X之後，我們或者可以嘗試一下將80人逼落一部68A之後再逼落一部60X，不過更可能係逼左落610/614/615/751同九廣西鐵
而所謂68A會加班、改善服務，都係算啦，68A自己都不斷被減班，只係冇63X同263M減得咁多咁難睇
該段青 ...

60X時刻都咁多人...宜家61M都幾多人轉60X要等下班車

原帖由 5504-NK3640 於 2013-5-6 23:22 發表

無私出去，只係做一單 68X 出去做一單 63X 入去咁

點解要咁樣做呢???