淺談 47x 轉變 (多圖)

今日好希望能夠講講自己對 47x 的咁多年既變化，坦言進步是有的，而且還是很快。




想當年，都成十年前啦，每日就坐 47X 來往葵芳返學，

當時，我唔係好明白點解我要比 $5.3 去坐熱狗，

佢過隧道既時候，個個都關上車窗，或者可能隧道內太大塵，

更有可能係有陣陣既豬味，當年有不小既豬車經過城隧，果陣優香依家仲記得。

有樣野，唔知依家仲有無，當時巴士停城隧既時候，會有警察上車查身份證，

全車人等警察查完，司機先可以開車，究竟係咩事呢，我到家下都唔明，

係 ii (非法入境者) ?

去到2001年，47x 開始轉全冷，早期上既都係一批AD，

老實講AD 唔係話好差，冷氣仲可以話係一流，只係坐得唔係好舒服，或者我有品牌情意結，我都係鍾情富豪。

當然啦，間唔中都例外既。(分享小小質數很低的菲林相)





當時，見到既時候，立即飛番屋企拎相機(好彩仲有幾張菲林)，落去等。

去到 AD1 轉左去沙廠既時候都好好彩坐過幾次，可惜係無影低。

直到，47X 上金車啦，仲要係兩架，年小既我，真係興奮到飛起，心諗 "終於有呢一日啦"

因為當年網上仲有好多文章關於金車 ，如 " 列出邊條線未有金車掛牌 " 等

我好鍾意當時網友既回應，" 等下啦，等 D 白板退晒咪條條線都有金車掛牌 "

相信呢一日會係不久既將來黎臨。



前文提過，AD我不太喜歡，可是終歸有一日退下來，但是事與願違，等到退既時候又上一批AD !!!


呢批仲怪，有陣味既，冷氣仲唔係好夠。

當時幾年間，47X 既車型，沒有太大既變化，都係 AD 換 AD 咁啦，好彩既間唔上架金車啦。



好啦，去到唔知邊年啦，沙廠唔知發咩神經，將金車一批一批咁換入，係咪87D果批呢 ? 老啦，我唔係好記得 !




老實講呢批舊直真係好正，新車完全無得比 ，上面呢2 部最鍾意 !!

又有一日無啦啦上一部AVW !! 真係估你唔到 ! 不過呢部都係正野黎架

不過好快就消失左啦 。


與此同時，我最愛既富豪上場 。




再後期既，相信大家都知啦，舊直全部轉晒 ....





我唔係話要曬命，唔該唔好針著某一兩點，大做文章，鬧黎鬧去。

我覺得自己都幾犯賤，你日望夜望得佢換新車，等完又等，到你等到既時候又有一種失落感，

來自邊到講唔出，可能係無野可以再期望落去。


加多幾張啦










可能會有錯漏，望指正 !!

多謝你花咁多時間睇完呢篇文章

[ 本帖最後由 heivincent 於 2013-5-1 22:55 編輯 ]