2013-2014年北區巴士路線發展計劃

原帖由 Snoopy@FB8617 於 2013-5-17 01:36 發表
數字唔得再加有277X就夠死
唔係下下話又要數字唔靚之餘又要有政治理由先死
係要包到政治化既話
70X客量偏低>條數唔靚>每區斬lee D入肉線+可以開到D村巴線>九巴冇咩藉口再加>TD有功績

一開始就講左
全日線係人都想要 ...

由第一行開始你都唔明我想點

我既目的係，請你用政治說服我取消70X。
客量偏低係數字，但如果去到意識形態鬥爭，係唔易搵到理由。結果你都係走去講數字。

依家班議員就係用數字黎嘈都企硬留70X，一早就變成政治角力。
條問題依然係"請你用政治說服我取消70X"，而唔係"請你用數字說服我取消70X"

咁好喇，我將你部份提出既問題，再拋返比你。

請你用政治說服我，點解剩係要考慮老九角度，唔考慮小巿民角度。

請你用政治說服我，點解70X轉277P就一定要試住先，唔可以好似373A全日。

請你用政治說服我，九巴憑咩企硬取消70X。

政治係解眾人之事，基本上一個人生存在世界上，好多野都係政治。
政治唔係齋睇數字，某程度係利益掛帥。利益就一定會有衝突，但點解一定要九巴企硬區議員一定要讓步?

我就係想嘗試用同一把尺去衡量所有野，既然成件事都係政治，咁不如全部用政治角度去睇。
咁大家好鐘意用唔同長度既尺去衡量唔同既野，一時用數字，一時用政治，講左咪等於無講。

當然政治某程度係廢話，大家都比唔到理由，但問題就係呢度
企硬取消70X同企硬支持70X，本身兩者都無錯/無問題，咁憑咩話人地有問題?一係全部無問題，一係全部都有。

白紙黑字講過唔認數，要port人都仲有方法

重組目的為左改善?邊個話?事實係好多人都feel唔到喎~

定係大家要係重組、改善呢兩個字眼意思上要清晰定義?

如果為左付和某d論點，去扭曲某d字眼既意思，咪即係為付和而付和..

改善一定唔係係呢度拎舊野擺去第二度就叫改善囉。
如果我中文科考得好，數學科考得差，我係咪中文科考差d，數學科考好d，就叫做有改善?

70X如果取消唔到=落老九面既話，
我寧願繼續落老九面，反正你都係旨在cut車，
重組只係區議會同埋運吉想幫你一把，
但係你老九又中意玩到咁串，要脅區議會又要脅市民，
點解唔可以係唔取消70X既情況試左277P?
反正277X而家36架+70X而家13架其實夠俾277P試幾個月先，
做得起就取消70X，做唔起就改70X，成件事就係咁簡單

講開又講，成份RDP根本就係一場政治上既角力，
我覺得呢份RDP根本係益晒某個地區梁粉，
削弱其他地方既利益去益左粉南、益左華明，
咁我想請問個d大叫"我討厭政治"既版友，
既然你都識講呢份RDP係政治角力，咁點解唔可以講政治!?
政治本身與民生就係不可分割，一個公共政策既實行本來就係要處理不同利益之間既矛盾，
避談影響民生既政治因素，根本係跳左step

原帖由 vcvc0206 於 2013-5-17 16:13 發表
70X如果取消唔到=落老九面既話，
我寧願繼續落老九面，反正你都係旨在cut車，
重組只係區議會同埋運吉想幫你一把，
但係你老九又中意玩到咁串，要脅區議會又要脅市民，
點解唔可以係唔取消70X既情況試左277P?
反正277X而家36架+7 ...

你講o既野,唔係o岩亦冇錯.

不過我話你知lor.
九仔俾區議會山頭廢柴議員玩左咁多年.
今年政府先幫佢一班搞重組.
其實真係太遲.

北區呢壇野係有不足,不過唔搞佢.
由佢自生自滅落去.
對北區居民尼講,巴士網絡只會繼續垃圾.
可以慢慢繼續搭港鐵.

元朗區呢個初步動作係值得一讚.
希望尼緊o既繼續順利完成.

原帖由 kay 於 2013-5-17 14:56 發表
由第一行開始你都唔明我想點

我既目的係，請你用政治說服我取消70X。
客量偏低係數字，但如果去到意識形態鬥爭，係唔易搵到理由。結果你都係走去講數字。

依家班議員就係用數字黎嘈都企硬留70X，一早就變成政治角力。
條問 ...

由頭到尾
我一早已經唔明373A全日化點解就等於政治化
小弟才疏學淺
唔太明白咩叫用"政治說服我取消70X"
先還請閣下指一指點

你識得拋果波俾我
我一樣可以拋返俾你
請你用政治說服我，點解剩係要考慮市民角度，唔考慮巴士公司既角度。
請你用政治說服我，點解70X轉277P就一定要全日，唔可以試住先。
請你用政治說服我，九巴憑咩唔可以取消70X。

若果留意小弟之前講既野
我只不過係希望大家可以係老九角度睇一睇點解企硬取消70X,再加上數字說明
睇下北區<>東九既巴士服務可以如何走下去
甚至係睇下而家老九諗緊D咩
我想達到既係大家一齊讓步
而唔係單一方企硬要另一方讓

數字正正就代表住利益
點解70X企到咁硬
冇他,盤數唔得之餘70X既服務頗算雞肋
點解大把線盤數唔得但唔會企得咁硬
因為係果服務範圍上冇得唔留佢

咁改善既問題就係承接上話
係唔係100%指向居民先叫改善呢?
當年70取消最大受益者點都係老九
現今692取消最大受益者點都係巴士公司
咁,又點計先?

睇返呢個帖最近幾版,
有人討論緊九巴企硬要取消70x以及民間/議員要求277P全日,
我認為要求277P全日(最少都要星期六/日全日)有一定理由:

第一, 睇返九巴個轉乘優惠
(提交區議會文件PDF第39頁, 附件十一)
277X/277P的轉乘優惠只局限於273A及70K,
真係住係北區, 特別係住天平/翠麗的居民,
一睇就知完全不足,
點解往北區方向, 竟然無270?
而只係得路線兜迴+班次大多要12分鐘+
改路後停燈位數目多而更易脫班的70K?

如果真係有誠意的話, 往北區方向至少加埋277X-->270A/278X,
反方向270A/278X --> 277X
甚至考慮279X <--> 268C/269C (兩程車費加埋同現有70X價錢一樣)
做到以上要求, 起碼唔會有咁大迴響要求277P全日行走

第二, 星期日係現時70X多客的日子,
但元朗的268B一直被批評少客, 平均每日得四千幾人,
但削班後仍然有得保留星期六/日的全日服務,
唔好理班次疏落, 但至少有容易預時間搭車的定點班次,
以及一程直達車,
相反呢邊70X就CUT到得返平日上下午繁時服務,
連多人搭的星期日, 一班車服務都無,
換言之連改路後, 星期日客量會否比現時更高都無機會去證實!
做到咁絕, 就唔好怪班區議員企到咁硬唔俾九巴CUT 70X,
仲反而叫人企係九巴立場諗


上面有人講九巴的北區路線重組明益粉嶺南的梁粉議員,
我就認為其實只係九巴同該梁粉議員利益一致je
因為九巴呢十幾年, 都已經一直視粉嶺南為北區巴士路線的重要客源,
既然九巴則重粉嶺南而該梁粉區議員又紮根在粉嶺南,
自自然然路線重組方案則重於粉嶺南,
尤其係路線73, 好耐之前呢度都有個帖討論73改路兜入華明後的客量,
當時華明/雍盛未有綠小502,
九巴73改路後, 聯和墟/祥華的客量明顯流失,
(好有可能流失至往來大埔至上水經聯和墟, 收費不高的紅小)
之但係華明/雍盛新增的客量, 遠遠高於流失的客量,
結果九巴73在綠小502出現前, 客量比之前更高,
特別係返學時間, 雍盛巴士站可以上50-60人,
星期六/日粉嶺南華明+雍盛加埋都可以上成40-50人,
但自從綠小502出現後, 班次密, 唔駛預時間等車,
而九巴73又無定點班次及間中脫班,
客量已不斷流失至綠小502,
所以九巴73縮短至華明加有定點班次, 客量可能會起死回生都唔定

原帖由 ES464470X 於 2013-5-17 19:13 發表
睇返呢個帖最近幾版,
有人討論緊九巴企硬要取消70x以及民間/議員要求277P全日,
我認為要求277P全日(最少都要星期六/日全日)有一定理由:

第一, 睇返九巴個轉乘優惠
(提交區議會文件PDF第39頁, 附件十一)
277X/277P ...

要求星期六日都有服務都好合理

而家問題在於區議會就企硬要全日
老九就企硬得平日上下繁
加星期六日放正係兩件事中間
機會點都會比是但一方大
That's what I want to mean

點解部份粉嶺南居民(雍盛或華明)會依靠綠小502或九巴73線來往大埔而不會選乘港鐵來往大埔,而間接令73客量下跌?

原帖由 Snoopy@FB8617 於 2013-5-17 17:43 發表
由頭到尾
我一早已經唔明373A全日化點解就等於政治化
小弟才疏學淺
唔太明白咩叫用"政治說服我取消70X"
先還請閣下指一指點

你識得拋果波俾我
我一樣可以拋返俾你
請你用政治說服我，點解剩係要考慮市民角度，唔考慮巴 ...

即係咁，你先拋個波比人，我接住拋返比你，你又拋返比我
你都無答我問題，只係掛住拋波，咁我都唔同你拋喇

但我想講，你個做法好有問題
你同人講，點解唔可以考慮下九巴角度，我假設你係有實在原因先拋(轉頭我就講點解唔需要考慮九巴角度)
咁我就反問返你點解一定要考慮九巴角度，要你提出理由去證明你觀點

你係有義務去解釋呢個問題，因為個PT係你講出黎先唔係我講

長話短說
我一向都唔認為區議員既行為係洪水猛獸，九巴運吉應該當係神咁拜
要將其他野都要一併考慮

當民間同政治取態都係以留70X/或變成277P全日佔上風時
我就覺得所有數字都無意義，就算你點講70X無人搭，少人搭，蝕到入肉，根本無人睬你

班友當你發UP風，個下你已經應該知道發生緊乜野事，成隻game已經唔係原本大家想象既玩法，已經超出預期

老實，唔係我有心要留難70X/277P，但事實就擺在眼前，我相信既係事實

數字代表利益，某程度岩，但依家講既係唔係數字上利益，係無形既利益，政治上既利益。
怪就怪今次政治分贓得唔均勻。分得勻就唔會搞成咁。

我唔係巴士公司，只係一個小巿民，我無義務要考慮埋人地間公司既利益問題，除非我持有該公司股份或者會考慮下幫下口既
但我係度申報埋，我無持有，就算有，都唔代表下下都要附和九巴

將d車調黎調去就去做謂既改善，本身我已經唔同意

尤其明眼人就知成份重組魔鬼在細節，cut車。除左反抗，我真係想唔到有咩方法
(仲未計一開始有人淡化取消70X，個時係連277P既物體都無，想製造支持取消既民意)

70X連優化既資格都無咩?係咪蝕就係十惡不赦?277P全日真係大罪?
好多野都係一念之間。唔係人地想點，就要去搵理由去撐"人地想點"。

我亦知道70X唔可能維持現有服務，277P都唔一定做到現時70X既服務水平，車就一定要cut
咁點解我唔盡力作最大爭取?

運吉講明每區巴士數目係咁多就咁多，呢個原因我先唔相信277P今日兩味日後仲有機會全日
因為堆巴士已經好似派彩咁派晒去其他線，或者收埋晒，277P要全日最後咪又要係第2度cut出黎
仲未計人地可以造數製造"277P沒有全日需要"既論點，人地份野寫明會關注每班277P既客量

我就唔係唔信你講既野，但係我既茅頭係指向運吉同九巴，佢地真係好人黎咩?

如果70X/277P咁惡做，不如黎個公開招標，由巿場決定條線命運吧，到時咪睇下係條線抵死定係有人唔識做生意。

原帖由 kay 於 2013-5-17 22:18 發表
即係咁，你先拋個波比人，我接住拋返比你，你又拋返比我
你都無答我問題，只係掛住拋波，咁我都唔同你拋喇

但我想講，你個做法好有問題
你同人講，點解唔可以考慮下九巴角度，我假設你係有實在原因先拋(轉頭我就講點解唔需要考慮九 ...

其實係呢d地方,講咁多又有咩用,我好想知?!
你話你係區議員都勉強成立,但最弊又唔係.

我剩係知呢度好多朋友當正自己係區議員.
又話爭取,又話咩抗咩爭

即係咁,討論區係暢所欲言.
不過既然剩係講左無咩幫助,唔明作用在哪姐.

[ 本帖最後由 阿Dee 於 2013-5-17 23:31 編輯 ]