開辦九巴1T 中秀茂坪－基堤道(循環線)

原帖由 238X 於 2013-5-15 23:13 發表 http://www.hkitalk.net/HKiTalk2/images/common/back.gif

警署邊個位先？直接右轉通菜街都仲得，但如果係警署門口，
恐怕唔係運輸署一個人話到事，事關有次星期日我都見好多學車霸住成段路，
有小巴入去恐怕阻住人搵食。

或者不如 69 同 46 / 70 傾下計，
再去遠啲，三間公司合作，有生意 ...

小巴公司係想右轉通菜街，傳聞佢地就係明知道入旺角心臟地帶（even洗衣街果頭）
會塞，兼且點都係旺角心臟地帶，諗住運吉唔會批，於是退而求其次
去到太子就算，一方面又配合返填補太子道西、界限街的原意，仲實測過環境覺得唔會有問題，
點知運吉都係以「有其他持份者反對」為由，唔批。信不信由你。

話時話，近一兩個月我都未有時間了解過壇野最新進展係點，有無人有收到咩消息？

原帖由 transbus 於 2013-5-15 23:31 發表 http://www.hkitalk.net/HKiTalk2/images/common/back.gif
十幾年講到甩牙,
只要重組1A/13D/13P/13x角色做4條線,
已經解決大部份現有問題.

1A 麗港城開, 經觀塘道旺角尖咀,
去尖東, 唔做秀茂坪同太子, 減班至全日10分鐘, 用16架車, (即減12架)

13D 加經全秀茂坪, 同改經太 ...

今次又真係唔太同意transbus兄的睇法喇。

1A係大賺線，每單食幾水客而且又食水深，九巴係無誘因咁搞。
再者，用一條密車線盡食觀塘/秀茂坪沿途<->旺角油麻地流水客，
係好過用兩條唔同路既疏車線去食同一班客，後者點都搞到有人變相被大幅減班，分分鐘倒客俾其他交通工具。
而家1A咁好客，好大程度係因為密車，形象深入民心，好多人見車就上。

而13X如果改行和樂村的話，樂華村/牛頭角就會無特快車去佐敦。

我自己覺得1A/13X改線空間不大，反而13D因為同1A/16/95都有不同程度重疊，
可塑性好高，值得放棄觀塘巿中心/牛頭角，改經樂華、三彩，
再經深水步屈返落維港灣，開拓幾類新客源，又加快秀茂坪往返旺角/深水步車程。

至於麗港城？呢D位置特別的山頭只適宜用特別方法去處理，無必要拉條大線入去。
如果係以影響最少人為原則，大可以成條24經觀繞拉入麗港城，啟業加雙向分段；
唔使塞觀塘巿中心，又因為24車疏，就算要加車都係加一架就夠。
甚至可以考慮好似我之前本版建議，15A/24重組，又益埋藍田山，順便搵藉口幫15A脫離偉業街，不過難度可能較高。

原帖由 S3BL100 於 2013-5-16 00:04 發表 http://www.hkitalk.net/HKiTalk2/images/common/back.gif


今次又真係唔太同意transbus兄的睇法喇。

1A係大賺線，每單食幾水客而且又食水深，九巴係無誘因咁搞。
再者，用一條密車線盡食觀塘/秀茂坪沿途旺角油麻地流水客，
係好過用兩條唔同路既疏車線去食同一班客，後者點都搞到有 ...

我o既出發點係旺角尖咀分家, 點都好過1A夾o係13D/13X之間,
哩個三角關係同人間愛情一樣, 既曖昧又互相綑綁, 最終一齊死.

但本文主旨係麗港城至旺角,
為免被人話我又用秀茂坪騎劫篇文, 在此不贅,
以上到此為止, 可以另文再講.

不過既然TL兄建議抽1A車,
我只係順便搞掂埋個三角困局, 主旨益晒大部份觀塘區要求. (好益 )

一來1A爆瀉要抽車走已經唔易, (非繁忙時間例外, 流水線客量太波動)
二來話唔定放得去麗港城以外各地, 就好難由得益區域抽得返條線走,
尤其山上各區居民同議員, o係路線改動要求上幾乎口徑一致, 要加資源.

或者抽返麗港城自己o既車, 同埋直接由麗港城開比較好,
可試由219x抽車, 本身條線未到最佳載客率, (唔係要瘋狂減車減到佢爆瀉或者趕客呀拿.)
又或者可以將621非繁忙時間剩車剩師傅, 調走哩條麗港城至旺角線.

聽聞九廠有時有師傅冇車渣, 全日坐廠.

[ 本帖最後由 transbus 於 2013-5-16 00:31 編輯 ]

原帖由 S3BL100 於 15/5/2013 23:53 發表 http://www.hkitalk.net/HKiTalk2/images/common/back.gif

點知運吉都係以「有其他持份者反對」為由，唔批。信不信由你。

我信，淨係 46, 70 兩條線營辦商都已經夠啦。

原帖由 238X 於 2013-5-16 11:07 發表 http://www.hkitalk.net/HKiTalk2/images/common/back.gif


我信，淨係 46, 70 兩條線營辦商都已經夠啦。

就算拉去太子，46、70 同 69 根本就唔會做同一批客，就算有只到太子都食唔得幾多，
更何況 46 同 70 多車過 69 咁多，點爭？

原帖由 3ASV174 於 16/5/2013 23:47 發表 http://www.hkitalk.net/HKiTalk2/images/common/back.gif
就算拉去太子，46、70 同 69 根本就唔會做同一批客...

個人經驗，太子←→九龍城的確係 46、70 重要客源之一。
69 拉過去，就算唔係大搶，都會有些微分薄。
何況如果 69 咁注重入唔入太子，
都幾肯定佢延長嘅其中一個目的就係喺嗰堆客度分一杯羮。

原帖由 238X 於 2013-5-17 10:06 發表 http://www.hkitalk.net/HKiTalk2/images/common/back.gif

個人經驗，太子←→九龍城的確係 46、70 重要客源之一。
69 拉過去，就算唔係大搶，都會有些微分薄。
何況如果 69 咁注重入唔入太子，
都幾肯定佢延長嘅其中一個目的就係喺嗰堆客度分一杯羮。 ...

分析合理，但係好老實，「有其他持份者反對」呢個理由，
我初頭聽到果陣都覺得奇怪，不過既然我的消息來源係咁講，唔通我可以點？

我自己估計，果個講法無呃人但係未必反映事實全部，呢個世界的語言偽術實在氾濫成災。

而好老實，69去到通菜街的話，麗港城吸客能力必然比起只去到基堤道高好多。

[ 本帖最後由 S3BL100 於 2013-5-17 11:21 編輯 ]