[請教]香港坐飞機去廣州

因為小弟從來未坐過飞機
打算試下由香港坐去廣州，近近地。

不過不知道怎樣由買票(去边度買，可以即售即搭還是怎樣)，去到赤立角要怎樣......

總之由買票到上飞機全個過程都唔識

原帖由 hkcnbus 於 2013-5-15 11:39 發表
因為小弟從來未坐過飞機
打算試下由香港坐去廣州，近近地。

不過不知道怎樣由買票(去边度買，可以即售即搭還是怎樣)，去到赤立角要怎樣......

總之由買票到上飞機全個過程都唔識 ...

飛之前
1. 你要有有效回鄉證
2. 上網或者去旅行社訂飛, 當然你可以係機場即場買飛, 但唔一定會有機位, 同埋好似都幾貴

上機當日
1. 起碼係起飛之前早2個小時到機場check in, 寄存行李 或者一早做網上登機
2. 然後過海關 , 入境處
3. 等夠鐘到閘口登機

不過應該無乜人會用1400蚊由香港搭飛機去廣州, 因為一來好貴, 二來仲耐過搭巴士....

除非閣下及閣下的親戚朋友都居住在兩個機場附近, 否則本人都不建議樓主閣下乘搭飛機到廣州, 因兩個機場離開市區都很遠.

不如嘗試到廈門, 同時可搞小三通.

不如搭去台北好過啦..
可能平過飛廣州

航程短價格唔一定平......

今日睇Priceline, 2013年6月4日去, 8日回, 香港飛廣州來回淨票價坐港龍$1720, 稅項為$713, 合共$2433
航程55分鐘, 但之前要Check In, 過海關, 安檢, 同埋由市區入機場的車程, 前後2.5-3小時走唔甩.
(若坐直通火車由紅磡去廣州都係2小時, 計埋過關都係最多3小時, 但票價是$190)

與此同時, 2013年6月4日去, 8日回, 香港飛廈門來回淨票價坐國泰/港龍都係$889, 稅項為$663, 合共$1552, 航程1小時25分鐘.

若去台北, 2013年6月4日去, 8日回, 香港飛台北來回淨票價坐長榮$930, 稅項為$667, 合共$1597, 航程1小時40分鐘.

加上短途航機, 未必提供餐飲, 有都可能只係一個包加杯飲品, 所以除非你係別處來港轉機去廣州, 否則乘飛機去廣州都係制唔過

至於成個程序:
1. 預早上網或到旅行社或與航空公司訂機票, 一般而言, 直接與航空公司訂機票會比較貴, 但偶然會有驚喜, 例如長榮去台北的機票, 長榮網頁就會有超特價, 而早前香港航空都推出了早鳥優惠, 建議預早2-3個月訂機票, 臨到出發日期訂的機票或許價格會較貴(航空公司會將經濟客位的等級細分多個細等級, 細等級之間服務沒有多大分別, 只是改動限制上有分別, 但價格可以相差很遠).
網址:
Priceline: http://www.priceline.com.hk
Webjet: http://www.webjet.com.hk
Zuji: http://www.zuji.com.hk
國泰航空(留意逢星期二會有Funfares優惠): http://www.cathaypacific.com.hk
港龍航空: http://www.dragonair.com.hk
香港航空: http://www.hongkongairlines.com.hk
長榮航空(香港--台灣): http://www.evaair.com
中華航空(香港--台灣): http://www.china-airlines.com
携程網(內地機票酒店): http://www.ctrip.com
航空公司不會發出實體機票的, 旅行社/航空公司會將電子機票電郵給您, 可以列印出來參考.

2. 訂好機票記得訂埋行程當中的酒店
網址可供參考:
Agoda: http://www.agoda.com.hk
携程網: http://www.ctrip.com

3. 檢查您的回鄉證(若前往內地), 或護照(若前往台灣或其他國家)的有效日期, 若過期盡快去入境處/中旅社(回鄉證)辦理新證, 一般而言, 護照有效期低過6個月, 航空公司或會拒絕您登機. 另外部份國家須辦理簽證, 例如台灣要先在網上辦理入台證並列印出來.

4. 出發當天預早2小時到機場, 到機場後前往您乘搭的航空公司櫃位辦理登機手續, 辦登機時須出示護照/回鄉證以及網上訂票所用的信用卡, 此時可向職員提出座位的意願, 如窗口位, 通道位等等, 留意機票上資料, 寄艙行李限額一般不超過20kg, 手提拿上機的行李不能過9kg, 但無論如何, 機場及航空公司有規定, 保障地勤人員的安全, 單件行李不得超過32kg.

5. 辦妥登機手續後拿到自己的登機證, 進入機場禁區辦理出境手續及安檢, 再前往登機證上所列的閘口等候登機, (如有時間, 可在機場禁區的食肆先用餐), 登機時需出示登機證, 證上並列出您在機上的座位編號, 請按照證上的座位編號就座.

6. 上機找到自己的座位後, 放好手提行李在頭頂的行李箱, 就座並扣好安全帶, 等候起飛, 此時請關掉手提電話或其他接收到無線網絡的裝置, 而電子裝置亦暫時不要用.

7. 起飛後, 安全帶指示燈熄滅後可使用電子裝置, 並可開始使用洗手間, 但接收到無線網絡的裝置則全程不得開啟(可用飛行模式), 此時空中服務員會開始派發小食或第一餐, 若對餐飲有特別要求, 例如素食, 穆斯林餐, 糖尿餐, 兒童餐等等, 要在訂機票時向旅行社提出.

8. 航機在降落前會提示乘客返回座位扣上安全帶, 此時切勿再去洗手間.

9. 航機在降落後去滑行一段距離才到登機橋或泊位轉乘接駁巴士, 遵照空服員的指示離開機艙.

10. 到步後, 應該一般先通過入境關卡, 再留意行李帶編號, 取回寄艙行李, 此時可在機場的兌換店兌換當地貨幣(若是人民幣請先在香港兌換), 機場一般設有電訊櫃位, 可查詢一下手機上網及通話的價格並購買.

11. 旅途愉快

[ 本帖最後由 gordon 於 2013-5-15 16:05 編輯 ]

原帖由 Neutroginger 於 2013-5-15 13:59 發表
不如搭去台北好過啦..
可能平過飛廣州

其實廣州呢條線一向都係打轉機客,
應該真係冇咩人會咁樣買張機票上廣州 ~

真係有興趣想試下遊飛機河的話,
除左上面講台灣, 其實仲可以考慮出國去曼谷的 ~

最低收費低見 $ 2,254 (Tax included - 5/29 ~ 5/31)

[ 本帖最後由 AVD1 於 2013-5-15 16:51 編輯 ]

我无信用卡，去机场边边可以即时买票？现金就可以？
我无行李，都要提早两小时？用e道过关的

平时搭船去九州港都是开船前30分钟到中港城买票过关，刚刚好不用等。

離題一問,

想問下坐大陸內陸班次最少要預幾多時間check in??
同埋內陸機多唔多delay???

原帖由 AL_29 於 15/5/2013 17:57 發表
離題一問,

想問下坐大陸內陸班次最少要預幾多時間check in??
同埋內陸機多唔多delay???

大陸內陸班次最少要預30分鐘check in
同埋內陸機delay非常多，尤其係1800后的航班

原帖由 AVD1 於 2013-5-15 16:48 發表

其實廣州呢條線一向都係打轉機客,
應該真係冇咩人會咁樣買張機票上廣州 ~

真係有興趣想試下遊飛機河的話,
除左上面講台灣, 其實仲可以考慮出國去曼谷的 ~

最低收費低見 $ 2,254 (Tax included - 5/29 ~ 5/31) ...

不駛去曼谷這樣遠

搭廉價航空好過啦！