狀元棄厚職 追夢揸巴士

原帖由 superbus 於 2013-5-20 13:18 發表
我駛酸佢?
今日佢暫掛 296M 就仲好咋, 他朝甩出黎做後備
叫佢做條 601 或者將軍澳果D朝7晚9既蛇車, 再唔係俾人掟出去做條 1A、116
睇吓果時仲講唔講夢想 ...

咁人地夢想係楂巴士，家陣能夠完夢咪幾好O羅，你估呢個世界有幾多人真係可以實現夢想呢?
既然香港大部分工都係辛苦，有得畀自己揀，都寧願揀份自己鍾意既工，好過日日唔知自己
做乜野，唔知自己係邊個。

原帖由 AVD1 於 2013-5-20 13:28 發表

理想係重要, 但係基礎就更加重要, 某程度上呢個真係用黎保著自己條命仔, 又或者係用黎 pump 水去支持自己個理想之用 ~

咁又返到一個我上面提出的問題，有幾多個係真係可以有「基礎」後
仲能夠有精力/時間/能力去追尋理想？

原帖由 S3BL100 於 2013-5-20 13:28 發表


所以我唔明點解而家都仲咁多尖子/家長覺得做會計/finance/banking就一定係天之驕子

行行皆辛酸，不過我從來唔會晌facebook見到做banking/finance/會計的朋友
覺得有咩gratification，「今日我又做左一件好有意義既事 ...

根本香港 o既家長早就比香港社會個一種功利主義洗哂腦, 又或者唔好講香港, 應該講大中華 (東方社會) 都係咁 .

向來東方社會 o既家長永遠都係以自己仔女將來職業, 搵幾多視為最終目標. 佢地早就認為搵到食就可以比到一個穩定 o既生活比佢地下一代. 因此, 佢地會盡能力幫佢地仔女去鋪路, 無論由佢地細個讀書前要參加咩學前班去入名校幼稚園, 到小學參加所謂興趣班, 到中學要參加補習班根本來來去去佢地就想佢地仔女讀到一間出名大學. 而大學學位就係可以向上爬 o既入場卷. 當然起仔女 o既成長歷程入面早就比佢地老豆老母洗腦, 認定乜野行業會搵到食, 點樣叫做高尚. (其實來來去去未就係個種專業 XX 師/醫生) ~

實情出去行船, 十年之後人工都有八千美金一個月 (呢個係上一集 o既星期日檔案講), 又唔見會有個種家長認為行船係一門好職業 ~

講真, 家長出發點係好; 問題係咁樣係唔係真係對佢小朋友好先. 不過呢個社會真係好現實, 有時真係需要清醒下. 就算今次個主角都好清楚話佢將來未必唔會返去以前個行 ~

原帖由 S3BL100 於 2013-5-20 13:39 發表


咁又返到一個我上面提出的問題，有幾多個係真係可以有「基礎」後
仲能夠有精力/時間/能力去追尋理想？

冇錯, 呢個真係好難去處理 o既問題. 當然有人可以做到知足常樂, 夠就收手去做第二樣, 追求自己想做 o既野. 但係有時候呢樣野根本唔到你揀. 正如而家有唔小香港人出去搵食根本就係為一層樓咁大把. 但係樓價年年升, 本來話想搵夠 300 萬就算數, 點知到佢搵到 300 萬個樓價已經算到去 500 萬. 咁又可以點揀 ?

時間只會不停咁過, 搞搞下根本連自己個團火都會熄埋 ~

原帖由 chiukit2001 於 2013-5-20 13:34 發表
點解個個講到渣巴士好似無人工出甘?大把老豆渣巴士未又係供到自己仔女.我唔信佢原本個行唔洗受氣,但受得氣黎自己開心真係差好遠

我識個卡佬,做左廿幾年,養到個大女去美國讀碩士,細仔o係CU就畢業,得閒同佢女人去旅行散心,都不知幾幸福...

以前歌仔都有得唱啦,"想要嫁得好,緊係巴士佬"...

[ 本帖最後由 tonyyang 於 2013-5-20 14:08 編輯 ]

香港地錢字行頭...
佢家人肯支持佢做車長真係好

老老實實，一日十幾個鐘一塞車就無得去廁所，大把卡佬挨出病。做吊機手都話可以拎個樽，做卡佬連呢個權利都無。

原帖由 S3BL100 於 2013-5-20 13:19 發表


我又聽過，唔少諗住做banking/finance的，都係貪人工高，
諗住做幾年儲夠錢就劈炮唔撈，轉行從頭再來。

至少我有個會考8A的中學同學，就係諗住做banking，30歲退休。
結果佢考入Cornell，再轉去UPenn Wharton Business School，之 ...

選擇ALTERNATIVE 工種的人比以前多, 一來教育普及, 唔好講DEGREE, 周街都CPA, CFA, 根本唔可以只靠學歷就上位, 金融商業會計每年GRAD幾千人, 我地果屆而家個個都做到Manager grade咁滯, 但係咪好好景, 你睇人人睇你啦, 搵多個錢咪洗多d, 仲要睇洗唔洗養家, 有D直頭忙到冇時間洗錢, 有D就捱到身體七癆八傷, 周期性要入廠大修; 起堆graduates入面可以30歲退休都唔知每年有冇多個10個, 不過D新聞佬老闆淨係唱好最好幾個, 都冇講仲有幾多人捱驢仔, 咪所以洗左班中學o靚仔腦點揀科囉。

加上而家父母思想又唔同以前, 仲係覺得讀到書就入文職做, 讀唔到書就繼續點樣考文憑讀副學士再上, 白領藍領失衡、人力資源錯配係可預期的事


不過篇鱔稿都係九巴拎來公關宣傳, 人地過下手癮啫, 冇話做長當終身職業

原帖由 toyl 於 2013-5-20 12:12 發表

Social Science 不等於社工

Sor......原來係我誤解0左。

原文已改。