張震遠辭去所有公職

http://rthk.hk/rthk/news/express ... &20130524&55&924170

由去年7月開始,麥齊光、林奮強和張震遠先後出現醜聞.

基本上,我覺得梁振英這個特首位置不會坐得穩妥.

歡迎討論.

[ 本帖最後由 LN9267 於 2013-5-24 23:40 編輯 ]

今個星期初就話自己唔需要辭職, 幾日過後又要請辭,
乜都佢講哂囉 ~

點都好, 而家又睇下下個要執包袱的又係邊個囉,
佢成個班子坐得根本就唔穩 ......

離一離港, 估唔到又一人被拉落馬....之前唔少人仲估張生可能仲係下一個CY派系的特首...
佢仲係CY 其中一個最大智囊....

都係那一句, CY本身出身於勝之不武, 即使係建制派內, 亦一直未能建立所謂"香港營", 佢及佢團隊,
只會繼續樣樣不順, 四面受敵, 真係唔知頂到幾耐...

原帖由 3ASV196 於 2013-5-26 19:59 發表
離一離港, 估唔到又一人被拉落馬....之前唔少人仲估張生可能仲係下一個CY派系的特首...
佢仲係CY 其中一個最大智囊....

都係那一句, CY本身出身於勝之不武, 即使係建制派內, 亦一直未能建立所謂"香港營", 佢及佢團隊,
只會繼續樣樣不順, 四面受敵, 真係唔知頂到幾耐...

個人覺得梁振英人緣較差,之前立法會財政預算案拉布都有一些唐營人馬不去開會,田北俊更說

財政預算案拉布令香港癱瘓是不盡不實.

很多人覺得

梁振英不可能完成五年任期,姑且看看這個預測是否準確.

原帖由 AVD1 於 2013-5-25 13:36 發表
今個星期初就話自己唔需要辭職, 幾日過後又要請辭,
乜都佢講哂囉 ~

點都好, 而家又睇下下個要執包袱的又係邊個囉,
佢成個班子坐得根本就唔穩 ...... ...

佢唔辭職...到時又有堆人嘈一大輪

你知啦..香港有好多人神又係佢, 鬼又係佢....

辭職又罵...唔辭職又罵..

原帖由 JU2541 於 2013-5-26 20:30 發表


佢唔辭職...到時又有堆人嘈一大輪

你知啦..香港有好多人神又係佢, 鬼又係佢....

辭職又罵...唔辭職又罵..

直d講, 個情況根本唔到佢選擇了...邊個想走, 或者邊個想留, 政治上根本好多野
身不由己, 可能CY 自己都想走, 但已經走唔到...而張生本身想留, 卻迫到要走....
(就好似董生...)

而問題重點已不是某人走唔走, 而是個政府咁落去, 真係寸步難行...當立法會同
政府(行政會議)都失效時, 香港根本好難搞...(不論是否同意CY政府)...今日曾鈺成
都開到口講行政會議

最大問題係當年董生時都有個曾生做後盾, 算是中間派別D, 好快接到手, 亦較受不同
方面政團同利益團體接受, 但最恐怖係依家連依個機會都好似無, 亦涉及中共內部問題,
個死結黎...其實咪話唔擔心....

盡快普選可能係唯一解決方法, 但亦不能一定做到/解決到...

原帖由 3ASV196 於 2013-5-27 01:29 發表


直d講, 個情況根本唔到佢選擇了...邊個想走, 或者邊個想留, 政治上根本好多野
身不由己, 可能CY 自己都想走, 但已經走唔到...而張生本身想留, 卻迫到要走....
(就好似董生...)

而問題重點已不是某人走唔走, 而是 ...

普選都要上面批先得架,
到今時今日普選呢個話題上, 中共仍然係好敏感,
而家已經開始比人個感覺係中共想出爾反爾,
之後香港有班人就搞個佔領中環出黎, 阿爺見到咁會有咩反應大家心照,
根本而家共產黨個心胸就越黎越窄, 成日驚死人地會反左佢個黨咁 .....

梁振英根本起香港認受性唔夠,
由佢當初開始出黎選個陣已經係啦,
只不過當時有班人比佢 D 語言偽術呃到 ~

未在位佢就已經開始有負面消息流出,
在位後就更加冇停過, 差唔多個個月都有關於佢班子 o既負面消息,
咁佢仲有咩資格可以留低 ?

CY 當初以為踢走個唐英年可以坐定粒六,
點知到而家搞成咁, 真係 ....
自由黨班人要同 CY 唱反調就遇左架啦,
佢一日唔落台一日都大把氣受 ~

所以我覺得中共奪取香港，是打錯如意算盤，捉隻老鼠入米缸。

如果再有特首在任期內被撤換（別說腳痛腰痛了，董生仍然很精神），
雖說可能可以解決一時的問題，但已經係第二個，等於向全世界宣告一國兩制徹底失效，
中共治港一敗塗地，香港問題（再次）不能由香港內部解決，
中英聯合聲明和基本法淪為廢紙，這是對國際社會及投資者發出一個怎樣的訊息呢？
近來見到有人話連中英談判都係自己力弱之下的不平等條約，
講出這種論調的人真係要去上下邏輯課，係你自己話要返的，
戴夫人無拎住支槍迫鄧老硬啃香港，那麼到手後的麻煩亦都係貴客自理。
陰謀論一點，假如事情真係有外國勢力在發功，搞到北京拿手唔成勢，就證明他們的策略成功了。
佢地可能諗住既然自己不能保留，亦唔會畀你擁有這顆明珠坐享其成。

如果有普選，真正的港人自主，可以讓香港與北京的政治有某程度的切割，
反而可以讓北京有個喘息機會，好事可領功壞事不上身，
港人也樂於玩自己的政治而懶理內地政事了，但這種深層次的道理他們是不明白的。

而現在，梁振英的心態究竟是如何，恐怕連王光亞、張曉明甚至習近平也不能看得通。
佢究竟係忠心但無朋友？有勇無謀？定係面懵心精隨時起尾注？
一直不肯正面回應政改問題，係真心想搞好經濟？不敢承擔？定係玩緊博奕？無人知。

[ 本帖最後由 DIH 於 2013-5-29 12:02 編輯 ]

呢啲咪就係大中國情意結囉，
你話中國點可能唔被鬼佬玩死？
唔講句「抵死」都唔得！

原帖由 3ASV196 於 2013-5-27 01:29 發表

直d講, 個情況根本唔到佢選擇了...邊個想走, 或者邊個想留, 政治上根本好多野
身不由己, 可能CY 自己都想走, 但已經走唔到...而張生本身想留, 卻迫到要走....
(就好似董生...)

而問題重點已不是某人走唔走, 而是個政府咁落去, 真係寸步難行...當立法會同
政府(行政會議)都失效時, 香港根本好難搞...(不論是否同意CY政府)...今日曾鈺成
都開到口講行政會議

最大問題係當年董生時都有個曾生做後盾, 算是中間派別D, 好快接到手, 亦較受不同
方面政團同利益團體接受, 但最恐怖係依家連依個機會都好似無, 亦涉及中共內部問題,
個死結黎...其實咪話唔擔心....

盡快普選可能係唯一解決方法, 但亦不能一定做到/解決到...

如果梁振英中途辭職,

中共

不難找人當特首,例如盛傳的曾俊華.

個人覺得

香港的金融中心地位在

中共心目中頗為重要,

曾俊華如師兄你所說

較受不同

方面政團和利益團體接受,加上他在政府多年,應該不成問題.