修訂270B：上水←→旺角

270B區域重組方案為上水←→奧運站，
出市區方向首先落長沙灣，經深水埗及旺角到大角咀，
因路程較長而較270A收高一級至$17.7。

至於路線發展計劃版本為上水←→深水埗（欽州街），
出市區方向亦係首先落長沙灣，縮短至以深水埗為總站，
維持同270A一樣收$14.2。

長沙灣及深水埗已有286X，亦將有擬議中嘅青沙版86C，
兩線同樣地以長沙灣為上青沙前嘅尾站，
而旺角及大角咀喺270B方案二中係被放棄咗，
但即使用方案一亦唔會吸引到旺角及大角咀客去坐。

為咗解決上述問題，建議270B修訂為上水←→旺角，收$14.2，
出市區方向首先落深水埗，以旺角朗豪坊為總站。
此定線較有利270B邁向全日服務，假設287X亦成功開辦，
屆時270B可將青沙線網絡覆蓋擴展至太子同深水埗東，
亦會提供到青沙轉車往深水埗東、太子以至旺角嘅特快服務。
原本青沙轉車往長沙灣嘅特快服務，可以由擬議中嘅青沙版86C接手。

上水→旺角方向：http://goo.gl/maps/bWX0W
旺角→上水方向：http://goo.gl/maps/FrKYB
行車里數平均為約36公里。


以上內容經過編輯。以下為未經編輯前嘅定線：
上水→蘇屋方向：http://goo.gl/maps/xmS8M
蘇屋→上水方向：[url=http://goo.gl/maps/5Rjg1]http://goo.gl/maps/5Rjg1[/url]

[ 本帖最後由 epsilon 於 2013-6-4 14:54 編輯 ]

原帖由 epsilon 於 2013-6-3 16:51 發表 http://www.hkitalk.net/HKiTalk2/images/common/back.gif
270B區域重組方案為上水←→奧運站，
出市區方向首先落長沙灣，經深水埗及旺角到大角咀，
因路程較長而較270A收高一級至$17.7。

至於路線發展計劃版本為上水←→深水埗（欽州街），
出市區方向亦係首先落長沙灣，縮短至以深水埗為 ...

你嘅方案比九巴奧運站方案仲要長1公里，點會收$14.2?

原帖由 hon_son_wilson 於 2013-6-3 21:39 發表 http://www.hkitalk.net/HKiTalk2/images/common/back.gif


你嘅方案比九巴奧運站方案仲要長1公里，點會收$14.2?

謝提醒。

翻查車費等級表，35公里以下可最高收$14.2，47公里以下可最高收$17.7，
而270A原來由九龍站延長至尖東時，行車里數係由35公里以下增長到37公里但冇加價，
270P一開線就係約39公里，但當係270A支線處理而收同價。

奧運站版本270B里數來回平均約37公里，欽州街版本來回平均約35公里，
蘇屋版本來回平均約39公里，真係冇咩可能照收$14.2。

建議內容現已修訂，改為上水←→旺角，來回平均約36公里，
尚算短過270A，應勉強可收$14.2。

[ 本帖最後由 epsilon 於 2013-6-4 14:56 編輯 ]

不如旺角方向改由興華街出，經深旺道、東京街西出荔枝角道，
加停聖馬加利、麗閣邨，北區方向改經東京街上高速，加停麗閣邨、富昌邨，
咁就唔使同286X重疊欽州街段或擬定86C興華街荔枝角段。

另外，朗豪坊有位泊嗎? 返北區方向經登打士街入彌敦道北上，可行嗎?

[ 本帖最後由 hon_son_wilson 於 2013-6-4 23:47 編輯 ]

建議中定線盡量以旺區為頭/尾站，所以一出青沙應該盡快落到深水埗北河街一帶，再直落太子旺角。
回程方向亦要盡快由北河街、西九龍中心上青沙，否則旺角太子上車仲要遊花園就唔吸引。

朗豪坊站頭建議用現時巴士站同後方一般車輛上落客灣位之間嘅一段寬闊行人路改成巴士站，
即係呢度（http://goo.gl/maps/5efbx），只需搬走幾個大花盆就可動工。
往上水方向亦有考慮過經登打士街出彌敦道，但其實嗰一帶行去廣華搭270A仲直接，
咁與其要兜多幾百米路去停多一個287X都停嘅站，不如行返新填地街更快更短路程。