政府應改善重組路線政策及放寬巴士限制

近年來重組路線困難越黎越大，經常因過唔到區議會而失敗，長遠黎睇咁係一個雙輸嘅政策，對乘客定巴士公司都係損害。最近幾次嘅重組路線，區議會往往因一小撮人嘅要求而令重組不通過，例如692、70X等對巴士公司而言呢啲客量近乎零嘅路線係虧損走源，大客量嘅路線因而被分薄資源，亦因虧損帶來嘅加價而增加根本唔用嗰啲廢線嘅乘客嘅負擔。而且，過到一間區議會又過唔到另一區，最後得個吉。呢啲自私嘅議員、乘客甚至巴士迷正正做成現時嘅嚴重資源問題。巴士公司貴為一間私營嘅上市公司，根據小政府大市場嘅政策，好應該擁有獨立行政權，營唔營運一啲嘅路線應該係交在公司手上，否則政府咁做同內地獨裁有咩分別？因此，政府好應該取消呢個路線重組要過區議會嘅惡法，否則未來多條鐵路落成，莫講金巴改唔到路線要加價，對面海新創建巴亦隨時要加價，到時損失的就只有乘客。
另外，政府運輸處亦應放寬巴士嘅規例，如容許12.8米巴士、取消巴士限額等，來達至更高服務水平。

巴士公司同運吉落區推銷方案，無功而還，難道佢地無責任要負?

等同我整件product，我同你推銷完，你唔買，唔同我話你唔識貨咩?

有d野唔係簡簡單單去睇就可以，好多野都好複雜

你見九巴都無係電視講區議會係阻力就知同區議會關係有幾重要..

係香港地做諮詢係好普通既事，如果路線重組可以唔駛傾硬推，好多野都唔駛傾，硬推就可以了。

再者，692同70X都唔係客量近乎0，除非依家每日搭既客唔係人而係鬼。

原帖由 GK3258 於 2013-6-10 16:33 發表
近年來重組路線困難越黎越大，經常因過唔到區議會而失敗，長遠黎睇咁係一個雙輸嘅政策，對乘客定巴士公司都係損害。最近幾次嘅重組路線，區議會往往因一小撮人嘅要求而令重組不通過，例如692、70X等對巴士公司而言呢啲客量近乎零 ...

692星期六下午兩點我先見到有班車成40-50人過海

政府應該放寬埋車速限制去到80啦
根本70公里早已經係落伍想法

原帖由 FW614@6 於 10/6/2013 21:19 發表
政府應該放寬埋車速限制去到80啦
根本70公里早已經係落伍想法

不如你去考車，自己體驗下 70 係咩速度，
先至好話 70 是否落伍啦。

"巴士公司貴為一間私營嘅上市公司，根據小政府大市場嘅政策，好應該擁有獨立行政權，營唔營運一啲嘅路線應該係交在公司手上"

巴士行業係受規管行業,由政府發出專利權營運,佢既性質絕非你所講想做就做唔做就唔做
任何野都係要平衡各方利益,你話區議會民粹,阻撓重組,但你所講既呢段夥其實好大程度咪又係從巴士公司出發,未考慮全局

原帖由 kay 於 2013-6-10 20:18 發表
巴士公司同運吉落區推銷方案，無功而還，難道佢地無責任要負?

等同我整件product，我同你推銷完，你唔買，唔同我話你唔識貨咩?

有d野唔係簡簡單單去睇就可以，好多野都好複雜

你見九巴都無係電視講區議會係阻力就知同區議會關 ...

但係d區議員都要有個譜啦
好似因為冇得揀位坐而否決搬站o個d真係要嚴重譴責囉

原帖由 238X 於 2013-6-10 21:57 發表


不如你去考車，自己體驗下 70 係咩速度，
先至好話 70 是否落伍啦。

咁去到吐露港/北大嶼山果D speed limit 係100/110 嘅時候,巴士先行得果70,咁又會係安全咩?

原帖由 FW614@6 於 11/6/2013 00:29 發表
咁去到吐露港/北大嶼山果D speed limit 係100/110 嘅時候,巴士先行得果70,咁又會係安全咩?

德國啲高速公路連限速都無，但大車一樣只可以行 80 / 100。

已經迫哂佢哋行慢線，你仲想點？
佢哋車速一快，動量都會大，撞起上嚟唔係講笑的。

70 vs 80真係咁大分別咩...
馬場計起跑到出廣福全跑70對80都係相差一分鐘都冇...
一個燈位都嘔突